ശബരിമല യാത്രയ്ക്ക് സുരക്ഷ ആവശ്യപ്പെട്ട് നിലവില് അപേക്ഷകളില്ല; ആളുകളെ വെടിവച്ചുകൊന്ന് സ്ത്രീകള്ക്ക് ദര്ശനം ഒരുക്കില്ല; വെടിവെയ്പ് ആഗ്രഹിക്കുന്നവരുണ്ടെന്നും മുഖ്യമന്ത്രി
സ്ത്രീപ്രവേശനം സംബന്ധിച്ച് ശബരിമലയില് ആളുകളെ വെടിവച്ച് കൊന്ന് സ്ത്രീകള്ക്ക് ദര്ശനം ഒരുക്കില്ലെന്ന് മുഖ്യമന്ത്രിയുടെ ഓഫീസ് വ്യക്തമാക്കി. എന്നാല് വെടിവെയ്പ് ആഗ്രഹിക്കുന്നവരുണ്ടെന്നും മുഖ്യമന്ത്രിയുടെ ഓഫീസ് പറഞ്ഞു. ശബരിമല യാത്രയ്ക്ക് സുരക്ഷ ആവശ്യപ്പെട്ട് നിലവില് അപേക്ഷകളില്ലെന്നും സുപ്രീംകോടതി വിധി നടപ്പാക്കാന് സര്ക്കാരിന് ബാദ്ധ്യതയുണ്ടെന്നും ഓഫീസ് അറിയിച്ചു.
കഴിഞ്ഞ രണ്ടുദിവസമായി ശബരിമല സന്ദര്ശനത്തിനായി സ്ത്രീകളെത്തിയിരുന്നു. എന്നാല് ശക്തമായ പ്രതിഷേധം കാരണം ഇവര്ക്ക് ദര്ശനം നടത്താന് കഴിഞ്ഞിരുന്നില്ല. ഈ സാഹചര്യത്തിലാണ് മുഖ്യമന്ത്രിയുടെ ഓഫീസ് നിലപാട് വ്യക്തമാക്കിയത്. നേരത്തെ കഴിഞ്ഞദിവസം ശബരിമല സന്ദര്ശനത്തിനെത്തിയ മനിതി സംഘത്തിലെ മൂന്നുപേര് മുഖ്യമന്ത്രിയെ കാണാന് തിരുവനന്തപുരത്തെത്തിയിരുന്നു. എന്നാല് മുഖ്യമന്ത്രി സ്ഥലത്തില്ലാത്തതിനാല് കാണാന് കഴിഞ്ഞിരുന്നില്ല.
https://www.facebook.com/Malayalivartha
