വെള്ളാപ്പള്ളി കണ്ണുരുട്ടിയതോടെ തുഷാര് വെള്ളാപ്പള്ളി അടക്കമുള്ള ബി.ഡി.ജെ.എസ് നേതാക്കള് അയ്യപ്പജ്യോതി തെളിയിച്ചില്ല, ഇവരെല്ലാം വനിതാ മതിലില് പങ്കെടുക്കുമെന്നും ഇല്ലെങ്കില് യോഗത്തിന് പുറത്തായിരിക്കുമെന്നും ഭീഷണി, വനിതാ മതിലില് പങ്കെടുക്കരുതെന്ന സുകുമാരന് നായരുടെ ഭീഷണി പിള്ളയും ഗണേഷ് കുമാറും വകവെച്ചില്ല
എസ്.എന്.ഡി.പി യോഗം ജനറല് സെക്രട്ടറി വെള്ളാപ്പള്ളി നടേശന് കണ്ണുരുട്ടിയതോടെ യോഗം വൈസ് പ്രസിഡന്റും ബി.ഡി.ജെ.എസ് നേതാവുമായ തുഷാര്വെള്ളാപ്പള്ളിയും ശബരിമല കര്മസമിതി നടത്തിയ അയ്യപ്പജ്യോതിയില് പങ്കെടുത്തില്ല. വനിതാമതിലില് എസ്.എന്.ഡി.പി യോഗം നേതാക്കളും പ്രവര്ത്തകരും പങ്കെടുത്തില്ലെങ്കില് പുറത്താക്കുമെന്ന് വെള്ളാപ്പള്ളി ഭീഷണിപ്പെടുത്തിയിരുന്നു. അയ്യപ്പജ്യോതിയില് പങ്കെടുക്കരുതെന്ന് പരസ്യമായി പറഞ്ഞുമില്ല. എന്നാല് സെക്രട്ടറിയുടെ നിലപാട് അനുസരിച്ച് ബി.ഡി.ജെ.എസ് നേതാക്കളടക്കം അയ്യപ്പജ്യോതിയില് നിന്ന് വിട്ട് നിന്നത്. അതേസമയം വനിതാ മതിലില് പങ്കെടുക്കുന്നവര് എന്.എസ്.എസില് ഉണ്ടാകില്ലെന്ന ജനറല് സെക്രട്ടറി സുകുമാരന് നായരുടെ ഭീഷണി ആര്.ബാലകൃഷ്ണപിള്ളയും മകന് ഗണേഷ്കുമാറും തള്ളി.
അയ്യപ്പജ്യോതിക്ക് എസ്.എന്.ഡി.പി പിന്തുണയില്ലായിരുന്നെങ്കിലും നേതാക്കളും പ്രവര്ത്തകരും പങ്കെടുത്തതില് തെറ്റില്ലെന്നും വെള്ളാപ്പള്ളി അറിയിച്ചു. തിരുവനന്തപുരത്ത് എന്.എന്.ഡി.പി നേതാവ് ബാഹുലേയനും കോട്ടയത്ത് ബി.ഡി.ജെ.എസ് നേതാവ് നാട്ടിക ഉണ്ണികൃഷ്ണനും അയ്യപ്പജ്യോതിയില് പങ്കെടുത്തു. അവര്ക്കെതിരെ നടപടിയുണ്ടാവില്ല. അയ്യപ്പജ്യോതി എന്.എസ്.എസിന്റെ മിടുക്കാണെന്ന് വിശ്വസിക്കുന്നില്ല. അതിന് അവര്ക്ക് അവകാശവാദം ഉന്നയിക്കാനാവില്ല. അങ്ങനെ ചില കുണ്ടികുലുക്കന് പക്ഷികള് വിശ്വസിക്കുന്നുണ്ടാകുമെന്നും വെള്ളാപ്പള്ളി നടേശന് ചൂണ്ടിക്കാട്ടി. ജനുവരി ഒന്നിലെ വനിതാ മതിലില് എല്ലാവരും പങ്കെടുക്കണം ഇത് സംബന്ധിച്ച് എല്ലാവര്ക്കും സര്ക്കുലര് അയയ്ക്കുമെന്നും അദ്ദേഹം പറഞ്ഞു.
ബി.ജെ.പി ഭരിക്കുന്ന ബോര്ഡ്, കോര്പ്പറേഷന് ഭരണത്തിലുള്ള ബി.ഡി.ജെ.എസ് നേതാക്കള് അയ്യപ്പജ്യോതിയില് നിന്ന് വിട്ട് നിന്നത് എന്.ഡി.എയ്ക്ക് വലിയ തിരിച്ചടിയാണ്. കൂടെയുള്ളവര് വിട്ട് നിന്നപ്പോഴും എന്.എസ്.എസ് പിന്തുണ നല്കിയത് ആശ്വാസമാണ്. തന്നെ ഇന്നലെ വൈകിട്ടാണ് അയ്യപ്പജ്യോതിയിലേക്ക് വിളിച്ചതെന്ന് തുഷാര് വെള്ളാപ്പള്ളി പറഞ്ഞു. നേരത്തെ പങ്കെടുക്കാമെന്ന് പറഞ്ഞ പരിപാടിയുള്ളതിനാലാണ് അയ്യപ്പജ്യോതിയില് നിന്ന് വിട്ടുനിന്നതെന്നും കൂടിയാലോചനയ്ക്ക് സമയം കിട്ടിയില്ലെന്നും തുഷാര് പറഞ്ഞു. ഇത് വെറും സാങ്കേതികമായ കാര്യമാണ്. ബി.ജെ.പി സംസ്ഥാന അധ്യക്ഷന് പി.എസ് ശ്രീധരന്പിള്ള നടത്തിയ രഥയാത്രയില് തുഷാര് പ്രധാന അംഗമായിരുന്നു. അങ്ങനെയുള്ള തുഷാറിനെ ഒഴിവാക്കി അയ്യപ്പജ്യോതി നടത്തുമെന്ന് വിശ്വസിക്കാനാവില്ലെന്നെന്നാണ് വിലയിരുത്തല്.
എന്.എസ്.എസുമായി യാതൊരുവിധത്തിലും സഹകരിക്കാന് എസ്.എന്.ഡി.പി യോഗം തയ്യാറല്ല. അതുകൊണ്ടാണ് അയ്യപ്പജ്യോതിയില് നിന്ന് ബി.ഡി.ജെ.എസിലെ പ്രധാന നേതാക്കള് വിട്ട് നിന്നതും വനിതാ മതിലില് എല്ലാ യോഗം നേതാക്കളും പ്രവര്ത്തകരും പങ്കെടുക്കണമെന്ന് കര്ശന നിര്ദ്ദേശം നല്കിയതും. വനിതാ മതിലില് തുഷാര് വെള്ളാപ്പള്ളി പങ്കെടുക്കുമെന്നും അദ്ദേഹത്തിന്റെ സാനിധ്യത്തില് ചേര്ന്ന യോഗമാണ് ഇക്കാര്യം തീരുമാനിച്ചതെന്നും വെള്ളാപ്പള്ളി പറഞ്ഞതോടെ ബി.ജെ.പി കൂടുതല് പ്രതിസന്ധിയിലായി. തുഷാര് അടക്കമുള്ള നേതാക്കള് വിട്ട് നിന്നത് ബി.ജെ.പിക്ക് തിരിച്ചടിയായി. ഇക്കാര്യം അടുത്ത എന്.ഡി.എ യോഗം ചര്ച്ച ചെയ്തേക്കും.
https://www.facebook.com/Malayalivartha
