നാല്പത്തിയൊന്നു ദിവസം നീണ്ട മണ്ഡലകാലത്തിനു പരിസമാപ്തികുറിച്ച് തങ്കഅങ്കി ചാര്ത്തിയ ശബരീശനെ ദര്ശിച്ച ആത്മനിര്വൃതിയുമായി തീര്ത്ഥാടകര് മലയറിങ്ങി
നാല്പത്തിയൊന്നു ദിവസം നീണ്ട മണ്ഡലകാലത്തിനു പരിസമാപ്തികുറിച്ച് തങ്കഅങ്കി ചാര്ത്തിയ ശബരീശനെ ദര്ശിച്ച ആത്മനിര്വൃതിയുമായി തീര്ത്ഥാടകര് മലയറിങ്ങി. ഇന്നലെ ഉച്ചക്ക് 12നാണ് മണ്ഡലപൂജ നടന്നത്. തന്ത്രി കണ്ഠരര് രാജീവര്, മേല്ശാന്തി വി.എന്. വാസുദേവന് നമ്പൂതിരി എന്നിവര് നേതൃത്വം നല്കി.
ആറന്മുളയില്നിന്ന് ഘോഷയാത്രയായി എത്തിച്ച തങ്കഅങ്കി ചാര്ത്തി ബുധനാഴ്ച സന്ധ്യക്ക് ദീപാരാധന നടന്നിരുന്നു. ദേവസ്വം മന്ത്രി കടകംപള്ളി സുരേന്ദ്രന്, ദേവസ്വം ബോര്ഡ് പ്രസിഡന്റ് എ. പദ്മകുമാര്, അംഗങ്ങളായ കെ.പി. ശങ്കരദാസ്, എന്. വിജയകുമാര്, ദേവസ്വം കമീഷണര് എന്. വാസു, ദേവസ്വം പ്രിന്സിപ്പല് സെക്രട്ടറി കെ.ആര്. ജ്യോതിലാല്, സന്നിധാനം പൊലീസ് സ്പെഷല് ഓഫിസര് ജി. ജയദേവ്, പമ്പ പൊലീസ് സ്പെഷല് ഓഫിസര് കാര്ത്തികേയ ഗോകുലചന്ദ്രന്, ദേവസ്വം എക്സിക്യൂട്ടിവ് ഓഫിസര് ഡി. സുധീഷ് കുമാര് തുടങ്ങിയവര് സന്നിഹിതരായി.
മണ്ഡലപൂജ ദിവസമായിരുന്ന ഇന്നലെ തീര്ഥാടകരുടെ തിരക്ക് താരതമ്യേന കുറവായിരുന്നു. മകരവിളക്ക് ഉത്സവത്തിനായി 30ന് വൈകീട്ട് 5.30ന് നട തുറക്കും. ജനുവരി 14നാണ് മകരവിളക്ക് മഹോത്സവം.
"
https://www.facebook.com/Malayalivartha
