വര്ഗീയ കക്ഷികള്ക്കുള്ള ഇടത്താവളമല്ല ഇടതുമുന്നണി; ബാലകൃഷ്ണപിള്ളയുടെ എല് ഡി എഫ് പ്രവേശനത്തെ പരോക്ഷമായി വിമര്ശിച്ച് വിഎസ് അച്യുതാനന്ദന്
വര്ഗീയ കക്ഷികള്ക്കുള്ള ഇടത്താവളമല്ല ഇടതുമുന്നണിയെന്ന് വിഎസ് അച്യുതാനന്ദന്. ബാലകൃഷ്ണപിള്ളയുടെ എല് ഡി എഫ് പ്രവേശനത്തെ പരോക്ഷമായി വിമര്ശിക്കുകയായിരുന്നു വിഎസ്. സ്ത്രീവിരുദ്ധതയും സവര്ണ മേധാവിത്വവുമുള്ളവര് ഇടത് മുന്നണിയില് വേണ്ടെന്നും വിഎസ് തിരുവനന്തപുരത്ത് പറഞ്ഞു. കൂടാതെ ശബരിമല വെച്ച് വര്ഗീയ സംഘര്ഷം ഉണ്ടാക്കുകയാണ് ബിജെപിയുടെ ലക്ഷ്യമെന്നും അദ്ദേഹം പറഞ്ഞു. ബിജെപിയുടെ സമരം ജനങ്ങള് ഗൗനിക്കുന്നില്ല. യുപി അല്ല കേരളമെന്ന് ബിജെപി നേതാക്കള് ഓര്ക്കണമെന്നും വിഎസ് കൂട്ടിച്ചേര്ത്തു.
കഴിഞ്ഞ ദിവസമാണു നാലുപാര്ട്ടികളെക്കൂടി ഉള്പ്പെടുത്തി എല്ഡിഎഫ് വിപുലീകരിക്കാൻ തീരുമാനിച്ചത്. ഇതോടെ, ലോക് താന്ത്രിക് ദള്, കേരള കോണ്ഗ്രസ് (ബി), ഐഎന്എല്, ജനാധിപത്യ കേരള കോണ്ഗ്രസ് എന്നിവര്ക്കാണ് എല്ഡിഎഫിലേക്കുള്ള വാതില് തുറന്നത്. ശബരിമല സൃഷ്ടിച്ച രാഷ്ട്രീയ – സാമൂഹിക മാറ്റങ്ങള് കണക്കിലെടുത്ത്, ലോക്സഭാ തിരഞ്ഞെടുപ്പു തന്ത്രങ്ങള്ക്കു രൂപം നല്കുന്നതിന്റെ ഭാഗമാണു തിരക്കിട്ടുള്ള മുന്നണി വിപുലീകരണം. ഒട്ടേറെ തിരഞ്ഞെടുപ്പുകളില് ഇടതുമുന്നണിക്കൊപ്പംനിന്ന ഐഎന്എല്ലിന് അംഗത്വം ലഭിക്കാന് കാത്തിരിക്കേണ്ടിവന്നതു രണ്ട് പതിറ്റാണ്ടിലധികമാണ്. പുതിയ പാര്ട്ടികള് വന്നതോടെ എല്ഡിഎഫിന്റെ ജനപിന്തുണ വര്ധിച്ചെന്ന് കണ്വീനര് എ. വിജയരാഘവന് പറഞ്ഞു.
അതേസമയം താന് സവര്ണരുടേയും അവര്ണരുടേയും ആളല്ലെന്ന് ആര് ബാലകൃഷ്ണപിളള പ്രതികരിച്ചു. വി എസിന്റെ പ്രസ്താവനയെക്കുറിച്ച് അറിയില്ല. പഞ്ചായത്ത് തെരഞ്ഞെടുപ്പ് മുതല് എല്ഡിഎഫിനൊപ്പമുണ്ടാകും. മുന്നണി പ്രവേശനം സാങ്കേതിക നടപടിക്രമം മാത്രമെന്നും ബാലകൃഷ്ണപിളള പറഞ്ഞു.
ബാലകൃഷ്ണ പിള്ളയെയും വീരേന്ദ്രകുമാറിനെയും ഉള്പ്പെടുത്തിയാണ് എല്ഡിഎഫ് വിപുലീകരണം നടത്തിയത്. കേരള കോണ്ഗ്രസ് ബി, ലോക് താന്ത്രിക് ജനതാദള്, ജനാധിപത്യ കേരള കോണ്ഗ്രസ്, ഐ എന് എല് എന്നീ പാര്ട്ടികളെ ഉള്പ്പെടുത്തിയാണ് എല്ഡിഎഫ് വിപുലീകരിച്ചത്. പാര്ലമെന്റ് തെരഞ്ഞെടുപ്പിന് മുന്നോടിയായി ഇടതുപക്ഷത്തിന്റെ ജനകീയ അടിത്തറ വിപുലീകരിക്കുന്നതിന്റെ ഭാഗമായാണ് ഈ തീരുമാനം.
എം പി വിരേന്ദ്രകുമാറിന്റെ ലോക് താന്ത്രിക് ജനതാദള്, ആര് ബാലകൃഷ്ണപിള്ളയുടെ കേരള കോണ്ഗ്രസ് ബി, കേരള കോണ്ഗ്രസ് എമ്മില് നിന്ന് തെറ്റിപ്പിരിഞ്ഞ ജനാധിപത്യ കേരള കോണ്ഗ്രസ്, നേരത്തേ ഇടതുമുന്നണിയിക്ക് പുറത്തുനിന്ന് പിന്തുണ നല്കിയിരുന്ന ഐഎന്എല് എന്നീ പാര്ട്ടികളാണ് ഇപ്പോള് എല്ഡിഎഫിന്റെ ഭാഗമായിരിക്കുന്നത്.
https://www.facebook.com/Malayalivartha
