മു​ത്ത​ലാ​ഖ്​ വോട്ടെ​ടു​പ്പി​ലെ അ​സാ​ന്നി​ധ്യ​ത്തി​നു പു​റ​മെ ലോ​ക്​​സ​ഭ​യി​ലും പി.​കെ. കു​ഞ്ഞാ​ലി​ക്കു​ട്ടി​യുടെ ഹാ​ജ​റി​നെ​ച്ചൊ​ല്ലി വി​മ​ർ​ശ​നം ക​ടു​ക്കു​ന്നു. സഭ നൽകുന്ന ഔദ്യോ​ഗി​ക ക​ണ​ക്ക​നു​​സ​രി​ച്ച്​ കു​ഞ്ഞാ​ലി​ക്കു​ട്ടി​യു​ടെ ഹാ​ജ​ർ 45 ശ​ത​മാ​നം മാത്രമാണ്. എന്നാൽ , ലീ​ഗി​ലെ മ​റ്റൊ​രം​ഗ​മാ​യ ഇ.​ടി. മു​ഹ​മ്മ​ദ്​ ബ​ഷീറിന് ലോ​ക്​​സ​ഭ ന​ട​ന്ന ദി​വ​സ​ങ്ങ​ളി​ൽ 80 ശ​ത​മാനം ഹാ​ജ​രു​ണ്ട്. കേ​ര​ള​ത്തി​ലെ മ​റ്റ്​ 19 എം.​പി​മാ​രു​ടെ ഹാ​ജ​ർ 70 ശ​ത​മാ​ന​ത്തി​നും മേ​ലെ​യാ​ണ്. ഈ സാഹചര്യത്തിലാണ് കുഞ്ഞാലിക്കുട്ടിയുടെ ഹാജർ നില വളരെ പരുങ്ങലിൽ ആയിരിക്കുന്നത്.

ഇത്തവണത്തെ സെ​ഷ​നി​ൽ സ​മ്മേ​ള​നം ന​ട​ന്ന ആ​ദ്യ എ​ട്ടു​ ദി​വ​സ​ത്തി​ൽ വളരെ കുറച്ചു തവണ മാത്രമേ കു​ഞ്ഞാ​ലി​ക്കു​ട്ടി സ​ഭ​യി​ലെ​ത്തി​യി​ട്ടുള്ളു. അതേസമയം, എ​ട്ടു ദി​വ​സ​വും ശ​ശി ത​രൂ​ർ, മു​ല്ല​പ്പ​ള്ളി​ രാമചന്ദ്രൻ, ഇന്നസെന്റ് എന്നിവർ സ​ഭ​യി​ൽ ഹാ​ജ​റായിട്ടുണ്ട്. ഉ​പ​തെ​ര​ഞ്ഞെ​ടു​പ്പി​ലൂ​ടെ കു​ഞ്ഞാ​ലി​ക്കു​ട്ടി പാ​ർ​ല​മന്റി​ലെ​ത്തി​യ ശേ​ഷ​മു​ള്ള 2017 ജൂ​ലൈ​യി​ലെ ആ​ദ്യ സ​മ്മേ​ള​ന കാ​ല​യ​ള​വി​ലും ഇദ്ദേഹത്തിന്റെ ഹാജർ നില വളരെ കുറവാണ്. പി​ന്നീ​ടു​ള്ള മൂ​ന്നു​ സെ​ഷ​നു​ക​ളി​ലും ഏ​താ​ണ്ട്​ സ​മാ​ന​മാ​ണ്​ സ്​​ഥി​തി. ഒ​രു സെ​ഷ​നി​ൽ മാ​ത്ര​മാ​ണ്​ കുഞ്ഞാലിക്കുട്ടിക്ക് 50 ശ​ത​മാ​ന​ത്തി​നു മു​ക​ളി​ൽ ഹാ​ജ​റു​ള്ള​ത്.

കു​ഞ്ഞാ​ലി​ക്കു​ട്ടി​യു​ടെ ഹാ​ജ​ർ സ​മൂ​ഹ​മാ​ധ്യ​മ​ങ്ങ​ളി​ലും ലീ​ഗ്​ കേ​ന്ദ്ര​ങ്ങ​ളി​ലും ച​ർ​ച്ച​യാ​യി​രി​ക്കു​കയാണ്. ലീ​ഗം​ഗ​ങ്ങ​ൾ മു​ൻ​കാ​ല​ങ്ങ​ളി​ൽ സ​ഭ മു​ട​ക്കാ​തെ എ​ത്തി​യി​രു​ന്നു. അ​ഖി​ലേ​ന്ത്യ അ​ധ്യ​ക്ഷ​നാ​യി​രു​ന്ന ജി.​എം. ബ​നാ​ത്ത്​​വാ​ല​യുടെ ഹാ​ജ​ർ 100 ശ​ത​മാ​ന​മാ​യി​രു​ന്നു.

അതേസമയം മു​ത്ത​ലാ​ഖ് ബി​ല്ലി​നെ എ​ന്തു​വി​ല​കൊ​ടു​ത്തും എ​തി​ർ​ത്ത് തോ​ൽ​പ്പി​ക്കു​മെ​ന്ന് മു​സ്ലീം ലീ​ഗ് ദേ​ശീ​യ ജ​ന​റ​ൽ സെ​ക്ര​ട്ട​റി പി.​കെ. കു​ഞ്ഞാ​ലി​ക്കു​ട്ടി. ബി​ല്ല് പ​രാ​ജ​യ​പ്പെ​ടു​ത്താ​ൻ മു​സ്ലീം ലീ​ഗ് മു​ൻ​കൈ എ​ടു​ക്കും. ഇ​ക്കാ​ര്യ​ത്തി​ൽ യു​പി​എ​യ്ക്കു പു​റ​ത്തു​ള്ള ക​ക്ഷി​ക​ളു​ടെ കൂ​ടി സ​ഹാ​യം തേ​ടു​മെ​ന്നും കു​ഞ്ഞാ​ലി​ക്കു​ട്ടി പ​റ​ഞ്ഞു.

എന്നാൽ ​മു​ത്ത​ലാ​ഖ് ബിൽ ച​ർ​ച്ച​യി​ൽ പി.​കെ. കു​ഞ്ഞാ​ലി​ക്കു​ട്ടി പങ്കെ​ടു​ക്കാ​തി​രു​ന്ന വി​ഷ​യം പാ​ർ​ട്ടി ക​മ്മി​റ്റി ച​ർ​ച്ച ചെയ്യു​മെ​ന്ന മു​ൻ നി​ല​പാ​ടി​ൽ​നി​ന്ന്​ പാ​ണ​ക്കാ​ട്​ ഹൈ​ദ​ര​ലി ശി​ഹാ​ബ്​ ത​ങ്ങ​ൾ പി​ൻ​വാ​ങ്ങി​യ​ത്​ വി​വാ​ദം മു​സ്​​ലിം ലീ​ഗി​ന്​ കൂ​ടു​ത​ൽ ക്ഷീ​ണ​മു​ണ്ടാ​ക്കു​മെന്നാണ് വി​ല​യി​രു​ത്ത​​ൽ. മാ​ധ്യ​മ​ങ്ങ​ളി​ൽ വാ​ർ​ത്ത​ക​ൾ നി​റ​യു​ന്ന സാ​ഹ​ച​ര്യ​മാ​ണ്​ നേ​തൃ​ത്വ​ത്തെ ഇ​തി​ന്​ പ്രേ​രി​പ്പി​ച്ച​ത്. എ​ന്നാ​ൽ, കു​ഞ്ഞാ​ലി​ക്കു​ട്ടി​ക്ക്​ ജാ​ഗ്ര​ത​ക്കു​റ​വു​ണ്ടാ​യെ​ന്ന വി​ല​യി​രു​ത്ത​ലി​ൽ ത​ന്നെ​യാ​ണ്​ നേ​തൃ​ത്വ​മു​ള്ള​ത്.

പാ​ണ​ക്കാ​ട്​ കു​ടും​ബ​ത്തിനും ഇ​തേ അ​ഭി​പ്രാ​യ​മാ​ണ്​. പ്ര​ശ്​​നം അ​വ​സാ​നി​ച്ച​താ​യി ഹൈ​ദ​ര​ലി ത​ങ്ങ​ൾ വ്യ​ക്​​ത​മാ​ക്കി​യെ​ങ്കി​ലും ഉ​ന്ന​താ​ധി​കാ​ര സ​മി​തി​യി​ൽ വി​ഷ​യം ച​ർ​ച്ച ചെ​യ്യ​പ്പെ​ടു​മെ​ന്നാ​ണ്​ സൂ​ച​ന. ഇ​ത്ത​രം സം​ഭ​വ​ങ്ങ​ൾ ആ​വ​ർ​ത്തി​ക്കാ​തി​രി​ക്കാ​ൻ ജ​ന​പ്ര​തി​നി​ധി​ക​ൾ​ക്ക്​ നേ​തൃ​ത്വം മാ​ർ​ഗ​നി​ർ​ദേ​ശം കൊ​ണ്ടു​വ​രും. നേ​ര​ത്തേ ഉ​പ​രാ​ഷ്​​ട്ര​പ​തി തെ​ര​ഞ്ഞെ​ടു​പ്പി​ലും ഇ​ത്ത​രം വീ​ഴ്​​ച​യു​ണ്ടാ​യ​തി​നാ​ൽ അ​ന്ത്യ​ശാ​സ​ന​ത്തോ​ടെ​യാ​ണ്​ വി​വാ​ദ​മ​വ​സാ​നി​പ്പി​ക്കു​ന്ന​ത്.

അതേസമയം വി​വാ​ദം പാ​ർ​ട്ടി​ക്ക്​ കോ​ട്ട​മു​ണ്ടാ​ക്കി​യെ​ന്ന വി​ല​യി​രു​ത്ത​ലി​ലാ​ണ്​ യൂ​ത്ത്​ ലീ​ഗ്​ നേ​തൃ​ത്വ​വും. യു​വ​ജ​ന​യാ​ത്ര​യു​ടെ വീ​ര്യം ചോ​ർ​ത്താ​ൻ ഇ​തി​ട​യാ​ക്കി​യെ​ന്നാ​ണ്​​​ നേ​താ​ക്ക​ൾ പ​റ​യു​ന്ന​ത്​. മു​ത്ത​ലാ​ഖ്​ വി​ഷ​യ​ത്തി​ൽ നി​​യ​മ​പോ​രാ​ട്ട​വു​മാ​യി മു​ന്നോ​ട്ടു​പോ​കു​ന്ന സ​മ​സ്​​ത നേ​തൃ​ത്വം വി​ഷ​യ​ത്തെ അ​തി​ഗൗ​ര​വ​മാ​യാ​ണ്​ കാ​ണു​ന്ന​ത്. എ​സ്.​വൈ.​എ​സ്​ നേ​താ​വ്​ അ​ബ്​​ദു​സ്സ​മ​ദ്​ പൂ​ക്കോ​ട്ടൂ​ർ കു​ഞ്ഞാ​ലി​ക്കു​ട്ടി​യെ വി​മ​ർ​ശി​ച്ച്​ പ​ര​സ്യ​പ്ര​തി​ക​ര​ണം നടത്തിയിരുന്നു.