ഒരു കൊടിക്കീഴിലല്ലാതെ സ്ത്രീകള് അണിചേരുകയും അവര്ക്ക് പിന്തുണ നല്കാന് പുരുഷന്മാര് ഒത്ത് ചേരുകയും ചെയ്ത ചരിത്ര സംഭവമായി വനിതാ മതില് മാറി... തുടക്കത്തിലെ വിവാദങ്ങളില് നിന്ന് വിജയത്തിലേക്ക് മതില് ഉയരുകയായിരുന്നു
യുഡിഎഫും സംഘപരിവാറും മറ്റ് പ്രതിലോമ ശക്തികളും നടത്തിയ കുപ്രചാരണങ്ങളേയും നുണകളെയും അതിജീവിച്ച് നവോത്ഥന മൂല്യങ്ങള് സംരക്ഷിക്കാന് പടുത്തുയര്ത്തുന്ന വനിതാ മതിലില് സ്ത്രീകളുടെ വന് പ്രവാഹം. വിവാദങ്ങളില് നിന്ന് വിജയത്തിലേക്ക് മതില് ഉയരാന് ഇത് സഹായിച്ചു. ഓരോ പ്രദേശത്തില് നിന്നും പരിപാടിയില് പങ്കെടുക്കാന് സ്ത്രീകള് ഒറ്റയ്ക്കും കൂട്ടായും നിശ്ചയിച്ച സ്ഥലത്തേക്ക് രാവിലെ മുതല് തന്നെ ഒഴുകിയെത്തി.
കേരളത്തിന്റെ നവോത്ഥാന പാരമ്പര്യവും സ്ത്രീ പുരുഷ സമത്വവും ഉറപ്പാക്കുവാന് ഉയര്ത്തുന്ന വനിതാ മതിലില് പങ്കെടുത്ത് തങ്ങളുടെ ആത്മാഭിമാനം ഉയര്ത്തിപ്പിടിക്കാനായി. ജാതിമത രാഷ്ട്രീയ ഭേദമന്യേ സ്ത്രീകള് കൈകോര്ക്കുവാന് തയ്യാറായത് അതുകൊണ്ടാണെന്ന് പങ്കെടുത്ത സ്ത്രീകള് പറയുന്നു. കാസര്കോട് മുതല് വെള്ളയമ്പലത്തെ സമാപന സ്ഥലം വരെ എല്ലാ പ്രധാന കേന്ദ്രങ്ങളിലും വനിതാ മതിലിനായി ആവേശത്തോടെയാണ് സ്ത്രീകള് എത്തിയത്. ഒപ്പം വനിതാ മതിലിന് പിന്തുണയുമായി പുരുഷന്മാരും അണിനിരന്നതോടെ വനിതാ മതില് ചരിത്ര സംഭവമായി .
ഈ ചരിത്ര സംഭവം റിപ്പോര്ട്ട് ചെയ്യാന് വിദേശ മാധ്യമപ്രവര്ത്തകര് അടക്കം വലിയ മാധ്യമ സംഘവും സജ്ജമായി എന്നത് മറ്റൊരു ചരിത്രമായി. ആദ്യഘട്ടത്തില് കുപ്രചാരണങ്ങളുടെ സ്വാധീനത്തില് മാറി നിന്ന പലരും വസ്തുതയും ആവശ്യകതയും തിരിച്ചറിഞ്ഞ് വനിതാ മതിലില് പങ്കുചേരുകയായിരുന്നു. അതോടെ വലിയ ആവേശമാണ് ഉണ്ടായത് . ഒരു പ്രത്യേക കൊടിക്കീഴില് അല്ലാതെ സ്ത്രീകള് അണിചേരുകയും അവര്ക്ക് പിന്തുണയുമായി പുരുഷന്മാര് ഒത്തുചേരുകയും ചെയ്യുന്ന അത്യപൂര്വ്വ ചരിത്ര സംഭവം കൂടിയായി മാറി വനിതാ മതില് . അങ്ങനെ വനിതാ മതില് വന് മതിലായി.
https://www.facebook.com/Malayalivartha
