ഇരുട്ടി വെളുക്കും മുമ്പ് കാലുമാറി... ശബരിമലയില് പോലീസ് അകമ്പടിയോടെ യുവതികള് കയറിയതോടെ എല്ലാം കലങ്ങി മറിഞ്ഞു; വനിതാ മതിലിലൂടെ എല്ലാവരേയും ഒരുമിച്ച് കൊണ്ടുവന്നവര് കാലുമാറി; രൂക്ഷ വിമര്ശനവുമായി വെള്ളാപ്പള്ളിയും തുഷാര് വെള്ളാപ്പള്ളിയും
വനിതാ മതില് സര്ക്കാരിനും ഇടതുമുന്നണിയ്ക്കും ഉണ്ടാക്കിയ ഊര്ജം ചെറുതല്ല. വെള്ളാപ്പള്ളി നടേശനെപ്പോലെയുള്ള അതികായരെ രംഗത്തിറക്കാനും ഒപ്പം കൂട്ടാനും സര്ക്കാരിനായി. എന്നാല് അത് നിലനിര്ത്താന് കഴിഞ്ഞില്ല. മതില് കെട്ടിപ്പൊക്കുന്നതോടൊപ്പം സമാന്തരമായി യുവതികളെ കയറ്റാന് പോലീസ് ശ്രമിച്ചതോടെയാണ് കളി മാറിയത്. മതിലിന് ഒപ്പം നിന്നവര് തന്നെ കാല് മാറി സര്ക്കാരിനേയും പോലീസിനേയും കുറ്റപ്പെടുത്തി. ഇതില് ഏറ്റവും പ്രധാനമാണ് എസ്എന്ഡിപി ജനറല് സെക്രട്ടറി വെള്ളാപ്പള്ളി നടേശനും മകനും ബിഡിജെഎസ് അദ്ധ്യക്ഷനുമായ തുഷാര് വെള്ളാപ്പള്ളിയും രംഗത്തെത്തിയത്.
സുപ്രീംകോടതി വിധിയുടെ അടിസ്ഥാനത്തില് ശബരിമലയില് നടന്നത് വേദനാജനകമെന്ന് വെള്ളാപ്പള്ളി നടേശന് പറഞ്ഞു. രാത്രിയുടെ മറവില് ആക്ടിവിസ്റ്റുകളെ സന്നിധാനത്ത് എത്തിച്ചു. സന്നിധാനം വിശ്വാസികള്ക്കുള്ള ഇടമെന്നും വെള്ളാപ്പള്ളി നടേശന് പറഞ്ഞു. ശബരിമലയില് രഹസ്യമായി യുവതീദര്ശനം സാധ്യമാക്കിയ സര്ക്കാര് തന്ത്രം തറവേലയാണെന്ന് ബിഡിജെഎസ് അദ്ധ്യക്ഷന് തുഷാര് വെള്ളാപ്പള്ളി പ്രതികരിച്ചിരുന്നു.
ശബരിമലയില് ദര്ശനം നടത്താന് സ്ത്രീകളെ സഹായിച്ച സര്ക്കാര് നടപടിക്കെതിരെ എന്ഡിഎ കണ്വീനറും ബിഡിജെഎസ് അധ്യഷനുമായ തുഷാര് വെള്ളാപ്പള്ളി അതിരൂക്ഷ വിമര്ശനമാണ് ഉയര്ത്തിയിരിക്കുന്നത്. സംഭവത്തിനു പിന്നാലെ ആദ്യഘട്ടത്തില് പ്രതികരിക്കാതെയാണ് ഒടുവില് പിന്വാതിലിലൂടെ ദര്ശനം നടത്തിയതും, പോലീസ് സഹായിച്ചതും നിരാശാജനകമെന്ന് വെള്ളാപ്പള്ളിയുടെ പ്രതികരണമെത്തിയത്.
ശബരിമലയില് രഹസ്യമായി യുവതീ ദര്ശനം സാധ്യമാക്കിയത് തറവേലയെന്ന് തുഷാര് വെള്ളാപ്പള്ളി ആഞ്ഞടിച്ചു. ഭൂരിപക്ഷ സമുദായത്തിന്റെ വിശ്വാസത്തെ സര്ക്കാര് നിന്ദിക്കുകയുകയാണ്. ഇത് ജനാധിപത്യത്തിനു യേജാിച്ച പ്രവര്ത്തിയല്ല ഇതെന്നും തുഷാര് കൂട്ടിച്ചേര്ത്തു. രാഷ്ട്രീയ വിരോധം തീര്ക്കാന് മുഖ്യമന്ത്രി ശബരിമലയെ ഉപകരണമാക്കുകയാണെന്നും തുഷാര് ആരോപണം ഉയര്ത്തി.
ഇതിനിടെ ശിവഗിരി മഠവും വനിതാ മതിലിനെതിരെ രംഗത്ത് വന്നിരുന്നു. ജനുവരി ഒന്നിന് മതില് കെട്ടിയത് തീര്ത്ഥാടനം അട്ടിമറിെച്ചന്നാണ് ശ്രീനാരായണ ധര്മസംഘം ട്രസ്റ്റ് പ്രസിഡന്റ് സ്വാമി വിശുദ്ധാനന്ദ തുറന്നടിച്ചത്.
വെള്ളാപ്പള്ളിയും കുടുംബവും വനിതാ മതിലില് പങ്കെടടുത്തെങ്കിലും തുഷാര് പങ്കെടുക്കാത്തത് വാര്ത്തയായി. വനിതാമതില് സംഘാടകസമിതി ചെയര്മാനുമായ വെള്ളാപ്പള്ളി നടേശന്റെ സാന്നിധ്യത്തില് ഭാര്യ പ്രീതി നടേശന്, മകള് വന്ദന എന്നിവര് ആലപ്പുഴയില് വനിതാമതിലിന്റെ ഭാഗമായെങ്കിലും മകന് തുഷാറിന്റെ ഭാര്യ പങ്കെടുത്തില്ല. പ്രീതി നടേശന് ആലപ്പുഴ ജില്ലാകേന്ദ്രത്തില് നവോത്ഥാനപ്രതിജ്ഞ ചൊല്ലിക്കൊടുക്കുമ്പോള് അഭിമുഖമായി സി.പി.എം. ജില്ലാ സെക്രട്ടറി ആര്. നാസര്, കോട്ടയം ജില്ലാ സെക്രട്ടറി വി.എന്. വാസവന് തുടങ്ങിയവര്ക്കൊപ്പം വെള്ളാപ്പള്ളി പുരുഷന്മാരുടെ സമാന്തരമതിലില് അണിചേര്ന്നു. യോഗം വൈസ് പ്രസിഡന്റ് കൂടിയായ തുഷാര് വെള്ളാപ്പള്ളി ശിവഗിരിയില് യോഗത്തില് പങ്കെടുക്കാന് പോയെന്നാണു നേതാക്കളുടെ ഭാഷ്യം.
എന്.ഡി.എ. ഘടകകക്ഷിയായ ബി.ഡി.ജെ.എസിന്റെ നേതാക്കളാരും ആലപ്പുഴ ജില്ലയിലെ മതിലില് പങ്കെടുത്തില്ല. വനിതാമതില് വര്ഗീയമല്ലെന്നും സര്ക്കാര് സംഘടിപ്പിക്കുന്ന പരിപാടിയില് ബി.ഡി.ജെ.എസ്. പ്രവര്ത്തകര് പങ്കെടുക്കുന്നതില് തടസമില്ലെന്നും തുഷാര് പറഞ്ഞതു വിവാദമായിരുന്നു. ഇതേത്തുടര്ന്ന് ബി.ജെ.പി. നേതാക്കള് ഇടപെട്ട് തുഷാറിനെ പിന്തിരിപ്പിക്കുകയായിരുന്നു എന്നാണു സൂചന.
ലോകസ്ഭാ തെരഞ്ഞെടുപ്പ് ആസന്നമായ സാഹചര്യത്തില് ബി.ഡി.ജെ.എസിന്റെ നിലപാട് എന്.ഡി.എയുടെ സാധ്യതകളെ ബാധിക്കുമെന്നായിരുന്നു ബി.ജെ.പി. നേതൃത്വത്തിന്റെ വിലയിരുത്തല്. വനിതാമതിലുമായി ബന്ധപ്പെട്ട് ബി.ഡി.ജെ.എസ്. പ്രവര്ത്തകര് സാമൂഹികമാധ്യമങ്ങളിലും നിശബ്ദരായിരുന്നു.
അതേസമയം വനിതാ മതിലില് ബിഡിജെഎസിന് സ്വതന്ത്ര നിലപാട് സ്വീകരിക്കാമെന്ന് ബിജെപി സംസ്ഥാന അധ്യക്ഷന് പി എസ് ശ്രീധരന്പിള്ള നേരത്തെ വ്യക്തമാക്കിയിരുന്നു. അത് എന്ഡിഎയില് ഭിന്നത ഉണ്ടാക്കില്ലെന്നും ശ്രീധരന്പിള്ള വ്യക്തമാക്കി. എന്നാല് ശബരിമലയുടെ പേരിലാണ് സിപിഐഎം മതില് സംഘടിപ്പിക്കുന്നതെങ്കില് അത് തുറന്നു പറയാന് തയ്യാറാവണമെന്നും ശ്രീധരന്പിള്ള ആവശ്യപ്പെട്ടു.
അതേസമയം പാര്ട്ടി അംഗങ്ങള്ക്ക് വനിതാ മതിലില് പങ്കെടുക്കാമെന്ന് തുഷാര് വെള്ളാപ്പള്ളി നേരത്തേ വ്യക്തമാക്കിയിരുന്നു. വനിതാ മതിലിനെ വര്ഗീയ മതില് എന്ന് വിളിക്കാനാവില്ലെന്നും തുഷാര് പറഞ്ഞിരുന്നു.
ഈയൊരു അവസ്ഥയാണ് യുവതീ പ്രവേശനത്തോടെ പെട്ടെന്ന് മാറി മറിഞ്ഞത്. കൂടെ നിന്നവര് ഒഴിഞ്ഞ് പോകുന്ന അവസ്ഥ തെരഞ്ഞെടുപ്പ് അുെത്ത വേളയില് പാര്ട്ടിയെ അവോരസപ്പെടുത്തുന്നുണ്ട്. അതേസമയം തന്നെ സംസ്ഥാനത്ത് പ്രതിഷേധവും പരിധി വിടുകയാണ്.
https://www.facebook.com/Malayalivartha
