ഹർത്താലിൽ സംസ്ഥാനത്ത് പരക്കെ അക്രമം; ആര്സിസിയില് ചികിത്സയ്ക്ക് എത്തിയ സ്ത്രീ റെയില്വേ സ്റ്റേഷനില് കുഴഞ്ഞു വീണു മരിച്ചു; പേരാമ്പ്രയിലും കൊയിലാണ്ടിയിലും കെ.എസ്.ആര്.ടി.സി ബസിന് നേരേ കല്ലേറ്; തീര്ത്ഥാടന കേന്ദ്രമായ എരുമേലിയിലെ കടകൾ അടപ്പിച്ചു; റോഡിൽ കല്ലിട്ടും ടയര് കത്തിച്ചും ഗതാഗതം തടസ്സപ്പെടുത്തി; യുവതി പ്രവേശനത്തിൽ പ്രതിഷേധം കനപ്പിച്ച് ഹർത്താൽ അനുകൂലികൾ
യുവതി പ്രവേശനത്തിൽ പ്രതിഷേധിച്ച് ശബരിമല കർമ്മ സമിതിയുടെയും ബിജെപിയുടെയും നേതൃത്വത്തിൽ ആഹ്വാനം ചെയ്ത ഹർത്താലിൽ ആംബുലൻസ് കിട്ടാൻ വൈകിയതിനെത്തുടർന്ന് സ്ത്രീ മരിച്ചു. വയനാട് സ്വദേശി പാത്തുമ്മ (64)യാണ് മരിച്ചത്. തിരുവനന്തപുരം ആര്സിസിയില് ചികിത്സയ്ക്ക് എത്തിയ പാത്തുമ്മ തമ്പാന്നൂര് റെയില്വേ സ്റ്റേഷനില് കുഴഞ്ഞ് വീണ് മരിക്കുകയായിരുന്നു.
ശ്രീചിത്ര ആര്സിസിയില് ചികിത്സയിലായിരുന്നു ഇവര്. റെയില്വേ സ്റ്റേഷനില് ട്രെയിന് ഇറങ്ങുന്നതിനിടെ ദേഹാസ്വാസ്ഥ്യം അനുഭവപ്പെടുകയായിരുന്നു. തുടര്ന്ന് പൊലീസിന്റെ ആംബുലന്സ് എത്തി ഇവരെ ആശുപത്രിയില് എത്തിച്ചെങ്കിലും രക്ഷിക്കാനായില്ല.
എന്നാല് പൊലീസുകാരെ വിവരമറിയിച്ചിട്ടും ആംബുലന്സ് എത്താന് വൈകിയെന്ന് ബന്ധുക്കള് ആരോപിക്കുന്നു. ഹര്ത്താല് ആയതിനാല് മറ്റ് വാഹനങ്ങളൊന്നും കിട്ടിയില്ലെന്നും ബന്ധുക്കള് പറഞ്ഞു. എന്നാണത് ഹര്ത്താല് തുടങ്ങി ആദ്യ മണിക്കൂറുകളില് തന്നെ സംസ്ഥാനത്തിന്റെ വിവിധ ഇടങ്ങളില് നിന്നും അക്രമ സംഭവങ്ങള് റിപ്പോര്ട്ട് ചെയ്യപ്പെട്ടു.
സ്വകാര്യ വാഹനങ്ങള് നിരത്തില് ഇറങ്ങുന്നുണ്ടെങ്കിലും പൊതുഗതാഗതം പൂര്ണമായും സ്തംഭിച്ച നിലയിലാണ്. കോഴിക്കോട് നഗരത്തില് ഹര്ത്താല് അനുകൂലികള് ബസുകള് തടയുന്നുണ്ട്. പേരാമ്ബ്രയിലും കൊയിലാണ്ടിയിലും കെ.എസ്.ആര്.ടി.സി ബസിന് നേരേ കല്ലേറുണ്ടായി. കോഴിക്കോട് രാവിലെ തുറന്ന ഹോട്ടലിന് നേരേയും ഒരു സംഘം കല്ലെറിഞ്ഞു. മലപ്പുറം തവനൂരില് സി.പി.എം ലോക്കല് കമ്മിറ്റി ഓഫീസിന് തീയിട്ടു.
കൊല്ലം ജില്ലയിലെ പത്തനാപുരത്ത് റോഡിന് കുറുകെ മരക്ഷണങ്ങള് കൂട്ടിയിട്ട് റോഡ് ഉപരോധിച്ചു. കൊട്ടാരക്കരയില് സമരാനുകൂലികള് റോഡില് ടയറുകള് കത്തിച്ചാണ് ഗതാഗതം തടസ്സപ്പടുത്തിയത്. ശബരിമല പാതയിലെ പ്രധാന തീര്ത്ഥാടന കേന്ദ്രമായ എരുമേലിയില് ബിജെപി പ്രവര്ത്തകര് കടകള് അടപ്പിച്ചു.
പാലക്കാട് വെണ്ണക്കരയില് ഇന്നലെ അര്ധരാത്രിയോടെ സിപിഐഎം നിയന്ത്രണത്തിലുളള വായനശാലക്ക് അഞ്ജാതര് തീയിട്ടു. ഇ എം എസ് സ്മാരക വായനശാലയ്ക്ക് നേരെയാണ് ആക്രമണമുണ്ടായത്. ഇന്ന് പുലര്ച്ചയോടെ മലപ്പുറം തവനൂരിലുള്ള സിപിഎം തവനൂര് ലോക്കല് കമ്മിറ്റി ഓഫീസിനും ഒരു സംഘം തീയിട്ടു. കോഴിക്കോട് കുന്ദമംഗലത്തും പാറോപ്പടിയിലും വെസ്റ്റ്ഹിൽ കോയ റോഡിലും ഹർത്താലാനുകൂലികൾ റോഡിൽ കല്ലിട്ടും ടയര് കത്തിച്ചും ഗതാഗതം തടസ്സപ്പെടുത്തി. കൊല്ലം ജില്ലയിലെ പത്തനാപുരത്ത് റോഡിന് കുറുകെ മരക്ഷണങ്ങള് കൂട്ടിയിട്ട് റോഡ് ഉപരോധിച്ചു. കൊട്ടാരക്കരയിൽ സമരാനുകൂലികള് റോഡില് ടയറുകള് കത്തിച്ചാണ് ഗതാഗതം തടസ്സപ്പടുത്തിയത്. ശബരിമല പാതയിലെ പ്രധാന തീര്ത്ഥാടന കേന്ദ്രമായ എരുമേലിയില് ബിജെപി പ്രവര്ത്തകര് കടകള് അടപ്പിച്ചു.
പാലക്കാടും തൃശ്ശൂരും കെഎസ്ആര്ടിസി ബസുകള് സര്വ്വീസ് നടത്തുന്നില്ല. ബെംഗളൂരുവില് നിന്നും വന്ന കെഎസ്ആര്ടിസി ബസുകള് കോട്ടയത്തേക്കും മൂന്നാറിലേക്കും പൊലീസ് സംരക്ഷണയോടെ യാത്ര തുടരുന്നുണ്ട്. മറ്റു സ്ഥലങ്ങളിലേക്ക് ഒന്നും തന്നെ കെഎസ്ആര്ടിസി സര്വ്വീസ് നടത്തുന്നില്ല. കണ്ണൂര് പയ്യന്നൂർ എടാട്ട്, പെരുമ്പ എന്നിവിടങ്ങളിൽ കെഎസ്ആര്ടിസി ബസിന് നേരെ കല്ലേറുണ്ടായി. ഇതേ തുടര്ന്ന് കണ്ണൂരിലെ കെഎസ്ആര്ടിസി സര്വ്വീസുകള് പൂര്ണമായി നിര്ത്തി വച്ചിരിക്കുകയാണ്. കോട്ടയം റെയിൽവേ സ്റ്റേഷനിൽ നിന്നും പമ്പയിലേക്ക് കെ എസ് ആർ ടി സി സർവ്വീസ് നടത്തുന്നുണ്ട്.
https://www.facebook.com/Malayalivartha
