സംസ്ഥാനത്തെ പങ്കാളിത്ത പെന്‍ഷന്‍കാരുടെകാരുടെ നവമാധ്യമ കൂട്ടായ്മ രജിസ്റ്റേഡ് സംഘടനയായി മാറി. ഔദ്യോഗിക പ്രഖ്യാപനവും അംഗത്വ വിതരണവും കാസര്‍ഗോഡ് ,കാഞ്ഞങ്ങാട് വ്യാപാരഭവനില്‍ നടന്നു. സമ്മേളനം മുന്‍ ഹൈക്കോടതി ജഡ്ജി ചന്ദ്രശേഖര ദാസ് ഉദ്ഘാടനം ചെയ്തു. സര്‍ക്കാര്‍ ജീവനക്കാര്‍ക്ക് പെന്‍ഷന്‍ നല്‍കുന്നത് ഭരണഘടനാപരമായ ഉത്തരവാദിത്വമാണന്നും ഇത് കാര്‍പ്പറേറ്റുകള്‍ക്ക് നിരുപാധികമായി അടിയറവെച്ച് ജീവനക്കാരോട് നിരുത്തരവാദപരമായാണ് പങ്കാളിത്ത പെന്‍ഷന്‍ പദ്ധതിയിലൂടെ യു.ഡി.എഫ് സര്‍ക്കാര്‍ നടപ്പാക്കിയതെന്നും അത് മാറ്റി ജീവനക്കാര്‍ക്ക് പെന്‍ഷന്‍ സംരക്ഷിതത്വം ഉറപ്പാക്കണമെന്നും അദ്ദേഹം ആവശ്യപ്പെട്ടു. സംസ്ഥാനത്തെ സര്‍ക്കാര്‍ ജീവനക്കാരുടെ ഔദ്യോഗിക സംഘടനകളെയെല്ലാം വെല്ലുവിളിച്ചാണ് ഈ ഗ്രൂപ്പ് പ്രവര്‍ത്തിക്കുന്നത്.

പങ്കാളിത്ത പെന്‍ഷന്‍ പിന്‍വലിക്കുക ,സ്റ്റാറ്റിയൂട്ടറി പെന്‍ഷന്‍ പുന:സ്ഥപാക്കുക , കേരള സര്‍വ്വീസ് റൂള്‍ പാര്‍ട്ട് ത്രി
പ്രകാരമുള്ള എല്ലാ ആനുകൂല്യങ്ങളും എല്ലാ ജീവനക്കാര്‍ക്കും ഒരു പോലെ ലഭ്യമാക്കുക എന്നീ ആവശ്യങ്ങള്‍ സമ്മേളനം അവശ്യപ്പെട്ടു . സംഘടനയുടെ സംസ്ഥാന പ്രസിഡന്റ് ഷാഹിദ് റഫീക്ക് അദ്ധ്യക്ഷനായിരുന്നു. 2018 ജനുവരിയില്‍ മലപ്പുറം ജില്ലയിലെ പത്തുപേര്‍ പത്തുപേര്‍ തുടങ്ങിയ ഒരു വാട്‌സ്ആപ്പ് ഗ്രൂപ്പാണ് മാര്‍ച്ച് പത്താം തീയതി ആലുവയില്‍ കൂടി. തുടര്‍ന്നാണ് സംസ്ഥാനത്തുടനീളം ഗ്രൂപ്പ് പടര്‍ന്നു പന്തലിച്ചത് . ഇന്ന് ഈ വാട്‌സപ്പ് കൂട്ടായ്മയ്ക്ക് ,സംസ്ഥാന കമ്മറ്റിയും ,14 ജില്ലകളിലും ജില്ലാ കമ്മിറ്റികളും , താലൂക്ക് കമ്മിറ്റികളുടെ ഗ്രൂപ്പുകളും ഉള്‍പ്പെടെ നൂറ്റമ്പതോളം വാട്‌സ്ആപ്പ് ഗ്രൂപ്പുകളുണ്ട്. അതില്ലെലാം നാല്‍പതിനായിരത്തോളം അംഗങ്ങളുണ്ട്. കൂടാതെ എന്‍.പി.എസ് എംപ്ലോയിസ് കളക്ടീവ് കേരള എന്ന പേരില്‍ ഫേസ്ബുക്ക് പേജും ടെലിഗ്രാം പേജും ഉണ്ട്.

2013 ഏപ്രില്‍ ഒന്നിന് ശേഷം സര്‍വീസില്‍ കയറിയവരാണ് സംഘടനയിലെ അംഗങ്ങള്‍ കേരളത്തില്‍ പങ്കാളിത്തപെന്‍ഷന്‍ നടപ്പിലാക്കുന്നതിന് മുമ്പ് മുമ്പ് ഇതിനെതിരെ ധാരാളം സമരങ്ങള്‍ നടത്തിയെങ്കിലും 2013 ന് ശേഷം ശേഷം ഒരു സര്‍വീസ് സംഘടനയും സത്യസന്ധമായി പങ്കാളിത്തപെന്‍ഷന്‍ കാര്‍ക്ക് വേണ്ടി വേണ്ടി പ്രവര്‍ത്തിക്കാത്തതിനാലാണ് വിവിധ രാഷ്ട്രീയ വിശ്വാസങ്ങള്‍ ഉള്ളവര്‍ രാഷ്ട്രീയാതീതമായി പങ്കാളിത്തപെന്‍ഷന്‍ പിന്‍വലിക്കുക എന്ന ഒറ്റ ആവശ്യത്തിനായി സ്‌റ്റേറ്റ് ചജട കളക്ടീവ് കേരള എന്ന സംഘടനയില്‍ അണിചേര്‍ന്നു കൊണ്ടിരിക്കുന്നത്.

എന്‍.പി.എസ്.സി.കെയുടെ പോസ്റ്റ് കാര്‍ഡ് വിപ്ലവത്തിലൂടെ 2018 മെയില്‍ പുന:പരിശോധനാ കമ്മീഷന് രണ്ടാഴ്ചയ്ക്കുള്ളില്‍ നിയമിക്കുമെന്ന് പ്രഖ്യാപിച്ചതിനുശേഷം 2018 നവംബര്‍ ഏഴിനാണ് ആറുമാസം കാലാവധിയുള്ള പുനപരിശോധന കമ്മീഷനെ നിയമിച്ചുള്ള ഉത്തരവ് സര്‍ക്കാര്‍ ഇറക്കിയത്. അതിനുശേഷം മൂന്നുമാസം ആകുമ്പോഴും കമ്മീഷന് ഓഫീസോ , കമ്മീഷന്‍ അംഗങ്ങള്‍ക്ക് യോഗം യോഗം ചേരുവാനുള്ള സാഹചര്യമോ ഉണ്ടായിട്ടില്ല. ഇതിനായി പോലും ഒരു സര്‍വീസ് സംഘടനയും ശ്രമിക്കാത്തതിനാലാണ്, വാട്‌സ്ആപ്പ് കൂട്ടായ്മയ്മ കൂടുതല്‍ ശക്തമായി പ്രവര്‍ത്തിക്കേണ്ടതിനായി സംഘടന രജിസ്റ്റര്‍ ചെയ്യേണ്ടിവന്നത്. പങ്കാളിത്തപെന്‍ഷന്‍ പിന്‍വലിക്കുന്നതുവരെ സംഘടന ശക്തമായ പ്രവര്‍ത്തിച്ചുകൊണ്ടിരിക്കും 14 കൊല്ലത്തേ സേവനത്തിന് ശേഷം വിരമിക്കുമ്പോള്‍ ലഭിക്കുന്ന പെന്‍ഷന്‍ 1200 രൂപയില്‍ താഴെയാണെന്ന് അനുഭവത്തില്‍ വന്നിട്ടും ഇതിനെതിരെ പ്രതികരിക്കാത്ത നിലവിലെ സര്‍വീസ് സംഘടനകളുടെ നിലപാടുകളില്‍ പങ്കാളിത്തപെന്‍ഷനില്‍ ഉള്‍പ്പെട്ട ജീവനക്കാര്‍ അസംതൃപ്തരാണ് ഇതിന്റെ പരിണതഫലങ്ങള്‍ വരും കാലങ്ങളില്‍ സര്‍വ്വീസ് സംഘടന മേഖലയില്‍ പ്രതിഫലിക്കും.