ഇതൊരു പാഠമായിരിക്കണം... ചുംബനം നടത്തിയാല്‍ ചുട്ടയടി
ചുംബനം നടത്തിയാല്‍ ചുട്ടയടി....നാലാള്‍ കാണ്‍കേ ചുംബനം നടത്തിയാല്‍ നല്ല ചുട്ടയടി കിട്ടുമെന്ന് പോലീസും പ്രതിഷേധക്കാരും.
കഴിഞ്ഞ ദിവസം കോഴിക്കോട് നടന്ന ചുംബന സമരം ഇതാണ് വ്യക്തമാക്കുന്നത്. പതിവുപോലെ ചുംബന സമരക്കാര്‍ കുറവും പ്രതിഷേധക്കാര്‍ കൂടുതലുമായിരുന്നു. പരസ്യമായി ചുംബിച്ച് പ്രതിഷേധിച്ചവരെ പോലീസും പ്രതിഷേധക്കാരും തലങ്ങും വിലങ്ങും അടിച്ച് ഓടിച്ചു. പേപ്പട്ടികള്‍ തെരുവിലിറങ്ങിയാല്‍ എങ്ങനെയാണ് നാട്ടുകാര്‍ കൈകാര്യം ചെയ്യുന്നത് അതുപോലെയാണ് ഇവര്‍ ചുംബനക്കാരെ നേരിട്ടത്.
ഇന്നലത്തെ അടിപൂരം ഇങ്ങനെ
12 സ്ത്രീകള്‍ ഉള്‍പ്പെടെ 63 ചുംബന സമരക്കാരും ചുംബന സമരത്തിനെതിരെ പ്രതിഷേധിച്ച 24 പേരും പൊലീസ് കസ്റ്റഡിയിലായി. കേസെടുത്ത ശേഷം പിന്നീട് ഇവരെ വിട്ടയച്ചു. പുതിയ സ്റ്റാന്‍ഡിനുള്ളില്‍ പ്രഖ്യാപിച്ച ചുംബന സമരം പിന്നീടു മിഠായിത്തെരുവിലേക്കും വ്യാപിക്കുകയായിരുന്നു. സംഘര്‍ഷാവസ്ഥ കണക്കിലെടുത്തു സമരം നിരോധിച്ചു ബസ് സ്റ്റാന്‍ഡിലും പരിസരത്തും പൊലീസ് നിരോധനാജ്ഞ പ്രഖ്യാപിച്ചിരുന്നു.
സമരം നടത്തുമെന്നു പ്രഖ്യാപിച്ച കോഴിക്കേട് പുതിയ സ്റ്റാന്‍ഡ് പരിസരത്ത് ഉച്ചയ്ക്കു രണ്ടു മുതല്‍ കാഴ്ചക്കാരും പ്രതിഷേധക്കാരും തമ്പടിച്ചിരുന്നു. സമരത്തെ അനുകൂലിച്ചും എതിര്‍ത്തും കാഴ്ചക്കാര്‍ രണ്ടു ചേരിയായി നിലയുറപ്പിച്ചു. ഹനുമാന്‍ സേന എന്ന പേരില്‍ ചിലരും സമരത്തെ നേരിടുമെന്നു പ്രഖ്യാപിച്ചു സ്ഥലത്തെത്തി. മഫ്ടിയിലും യൂണിഫോമിലും നൂറുകണക്കിനു പൊലീസുകാര്‍ സ്ഥലത്തുണ്ടായിരുന്നു. ഗുണ്ടകളെ തുരത്താന്‍ രൂപവല്‍ക്കരിച്ച സ്‌പൈഡര്‍ സംഘവും രംഗത്തിറങ്ങി. സമരം റിപ്പോര്‍ട്ട് ചെയ്യാന്‍ വിദേശ മാധ്യമങ്ങളടക്കം എത്തിയിരുന്നു.
പകല്‍ മൂന്നോടെ കിസ് ഓഫ് ലവിന്റെ ഏതാനും പ്രവര്‍ത്തകര്‍ ബലൂണും പ്ലക്കാര്‍ഡുകളുമായി മാവൂര്‍ റോഡിലൂടെ പുതിയ സ്റ്റാന്‍ഡിലേക്കുള്ള പ്രവേശന കവാടത്തില്‍ എത്തിയതോടെ സമരക്കാരെ ഒരു സംഘം ആളുകള്‍ വളഞ്ഞിട്ടു മര്‍ദിച്ചു. സ്ത്രീകള്‍ അടക്കമുള്ള സമരക്കാര്‍ മര്‍ദനത്തിനിടയില്‍പ്പെട്ടു. പൊലീസെത്തി ലാത്തി വീശി അക്രമികളെ തുരത്തിയ ശേഷം സമരക്കാരെയും അക്രമികളെയും കസ്റ്റഡിയിലെടുത്തു.
സംഘര്‍ഷം തുടരുന്നതിനിടെ മിഠായിത്തെരുവില്‍ ചുംബന സമര അനുകൂലികള്‍ എത്തി പരസ്യമായി ചുംബിച്ചു.
തിരക്കഥാകൃത്ത് ദീദി ദാമോദരനും ഭര്‍ത്താവ് പ്രേംചന്ദും മിഠായിത്തെരുവില്‍ പരസ്യമായി ചുംബിച്ചതോടെ ഇവര്‍ക്കു നേരെ ശിവസേനക്കാര്‍ ആക്രമണം അഴിച്ചുവിട്ടു. പ്രേംചന്ദിനെ ശിവസേന പ്രവര്‍ത്തകര്‍ കയ്യേറ്റം ചെയ്തു. പൊലീസ് എത്തിയാണ് ഇരുവരെയും രക്ഷിച്ചത്. പെണ്‍കൂട്ട് വനിതാ സംഘടനയുടെ പ്രവര്‍ത്തകരും സാംസ്‌കാരിക പ്രവര്‍ത്തകരും ഇവരെ അനുകൂലിച്ച് എത്തി. ഇതോടെ എതിര്‍പ്പുമായെത്തിയവര്‍ അക്രമം തുടങ്ങുകയായിരുന്നു. മിഠായിത്തെരുവില്‍ സമരം പ്രഖ്യാപിക്കാത്തതിനാല്‍ ഇവിടെ പൊലീസ് കുറവായത് അക്രമികള്‍ക്കു സഹായമായി. ഒരു മണിക്കൂറിലേറെ മിഠായിത്തെരുവില്‍ അക്രമികള്‍ അഴിഞ്ഞാടി.
ഇനിയൊരു ചുംബനം പൊതുവേദിയില്‍ നടത്താന്‍ പാടില്ല എന്ന നിലപാടിലാണ് പോലീസ്. നടത്തിയാല്‍ ഒരു ദയയും കൂടാതെ നേരിടാന്‍ തന്നെയാണ് പോലീസിന്റെ തീരുമാനം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
