കന്യാസ്ത്രീമാരുടെ സ്ഥലംമാറ്റം റദ്ദാക്കിയിട്ടില്ലെന്ന് ജലന്ധര രൂപത? കന്യാസ്ത്രീ സമൂഹത്തിന്റെ ആഭ്യന്തര വിഷയങ്ങളില് രൂപതാ അഡ്മിനിസ്ട്രേറ്റര് ഇടപെടാറില്ല
ബിഷപ്പ് ഫ്രാങ്കോ മുളയ്ക്കലിനെതിരായി നല്കിയ കേസ് അവസാനിക്കുന്നത് വരെ കുറവിലങ്ങാട്ട് മഠത്തില് തുടരാന് ജലന്ധര്രൂപത അനുമതി നല്കിയതായി സിസ്റ്റര് അനുപമ വെളിപ്പെടുത്തിയിരുന്നു. എന്നാല് ജലന്ധര് ബിഷപ്പ് ഫ്രാങ്കോ മുളയ്ക്കലിനെതിരായ പീഡന പരാതിയുമായി രംഗത്തെത്തിയ കന്യാസ്ത്രീകളെ സ്ഥലം മാറ്റിയ നടപടി റദ്ദാക്കിയിട്ടില്ലെന്ന് ജലന്ധര രൂപത പി.ആര്.ഒ. കന്യാസ്ത്രീ സമൂഹത്തിന്റെ ആഭ്യന്തര വിഷയങ്ങളില് രൂപതാ അഡ്മിനിസ്ട്രേറ്റര് ഇടപെടാറില്ലെന്നും കൗണ്സിലിനും മദര് ജനറലിനുമാണ് അധികാരമെന്നും രൂപത വാര്ത്താക്കുറിപ്പില് അറിയിച്ചു.
ജലന്ധര്രൂപതാ അഡ്മിനിസ്ട്രേറ്റര് ബിഷപ്പ് ആഗ്നലോ ഗ്രേഷ്യസ് പുറത്തിറക്കിയ ഉത്തരവ് ലഭിച്ചതായും സിസ്റ്റര് അനുപമ വ്യക്തമാക്കിയിരുന്നു. കോട്ടയത്ത് നടക്കുന്ന സേവ് ഔവര് സിസ്റ്റേഴ്സ് പ്രതിഷേധ കണ്വെന്ഷനിലാണ് സിസ്റ്റര് അനുപമ ഇക്കാര്യം വെളിപ്പെടുത്തിയത്.
സമരത്തില് പങ്കെടുത്ത കന്യാസ്ത്രീമാരെ സ്ഥലം മാറ്റിയതിനെതിരെ വലിയ പ്രതിഷേധമാണുണ്ടായത്.
ബിഷപ്പ് ഫ്രാങ്കോയ്ക്കെതിരെ പീഡന പരാതി ഉന്നയിച്ച കന്യാസ്ത്രീയെയും സാക്ഷികളെയുമാണ് സ്ഥലം മാറ്റിയത്. സിസ്റ്റര് അനുപമ, സി. ജോസഫിന്, സി. നീന റോസ്, സി. ആല്ഫി എന്നിവരും സ്ഥലം മാറ്റപ്പെട്ടവരുടെ കൂട്ടത്തിലുണ്ട്. സിസ്റ്റര് അനുപമയെ പഞ്ചാബിലേക്കും മറ്റുള്ളവരെ ഛത്തീസ്ഗഡിലേക്കുമാണ് മാറ്റിയത്.
https://www.facebook.com/Malayalivartha
