കോഴിക്കോട് വിമാനത്താവളത്തില് ആധുനിക സൗകര്യങ്ങളോടെ നിര്മിച്ച അന്താരാഷ്ട്ര ആഗമന ടെര്മിനല് ഉദ്ഘാടനം നാളെ
കോഴിക്കോട് വിമാനത്താവളത്തില് ആധുനിക സൗകര്യങ്ങളോടെ നിര്മിച്ച അന്താരാഷ്ട്ര ആഗമന ടെര്മിനല് വെള്ളിയാഴ്ച ഉദ്ഘാടനം ചെയ്യും. കരിപ്പൂരില് നടക്കുന്ന ചടങ്ങില് ഉച്ചക്ക് 12ന് വിഡിയോ കോണ്ഫറന്സ് മുഖേന കേന്ദ്ര വ്യോമയാന മന്ത്രി സുരേഷ് പ്രഭു, ഗവര്ണര് ജസ്റ്റിസ് സദാശിവം എന്നിവര് ചേര്ന്നാണ് ഉദ്ഘാടനം നിര്വഹിക്കുക. ഇതോടെ ദക്ഷിണേന്ത്യയിലെ നീളം കൂടിയ ടെര്മിനലില് ഒന്നായി കരിപ്പൂര് മാറും.
എന്നാല്, യാത്രക്കാര്ക്ക് തുറന്നുകൊടുക്കാന് വൈകും. നിലവിലുള്ള ടെര്മിനലിലെ കസ്റ്റംസ്, എമിഗ്രേഷന് സൗകര്യങ്ങള് പുതിയതിലേക്ക് മാറ്റേണ്ടതുണ്ട്. എക്സ്റേ യന്ത്രങ്ങളും കണ്വെയര് ബെല്റ്റുകളും മാറ്റിസ്ഥാപിക്കണം. പുതിയ ടെര്മിനലില് അതോറിറ്റിയുടെ കണ്വെയര് ബെല്റ്റും എക്സ്റേ യന്ത്രവുമുണ്ട്. യന്ത്രങ്ങളും സൗകര്യങ്ങളും മാറ്റിയ ശേഷമേ ടെര്മിനല് തുറന്നുനല്കൂ. ഇതിന് പത്തുദിവസം എടുക്കുമെന്നാണ് അതോറിറ്റി അറിയിച്ചിരിക്കുന്നത്.
ടെര്മിനലിന്റെ സവിശേഷതകള്
112 മീറ്റര് നീളവും 85 മീറ്റര് വീതിയിലും നിര്മിച്ച ടെര്മിനലിന്റെ നിര്മാണ ചെലവ് 120 കോടി&ിയുെ;<യൃ രണ്ട് നിലകളിലായി 2.25 ലക്ഷം ചതുരശ്രഅടി വിസ്തൃതി
ഒന്നാംനിലയില് 32 എമിഗ്രേഷന് കൗണ്ടറും ആറ് വിസ ഓണ് അറൈവല് കൗണ്ടറും
കൂടുതല് ചെക്ക് ഇന് കൗണ്ടറുകള്
കസ്റ്റംസ് പരിശോധനക്കായി ഒന്നാംനിലയില് മൂന്നുവീതം എക്സ്റേ മെഷീനും മെറ്റല് ഡിറ്റക്ടര് വാതിലും
മൂന്ന് എയ്റോ ബ്രിഡ്ജുകള്. ഭാവിയില് ഒന്നുകൂടി വരും
ഒരേസമയം അഞ്ച് വിമാനങ്ങളിലെ യാത്രക്കാര്ക്കുള്ള സൗകര്യം. തിരക്കേറിയ സമയങ്ങളില് 1,527 യാത്രക്കാര്ക്കുള്ള സൗകര്യം. 60 മീറ്റര് നീളത്തിലുള്ള അഞ്ച് കണ്വെയര് ബെല്റ്റ്. ഇത് തിരക്ക് കുറക്കാന് സഹായകരമാകും. നിലവില് 916 യാത്രക്കാര്ക്കുള്ള സൗകര്യം മാത്രമാണുള്ളത്
കസ്റ്റംസ് ഹാളില് റെഡ് ചാനലില് കൂടുതല് സൗകര്യങ്ങള്
അലക്ഷ്യമായി കൈകാര്യം ചെയ്യുന്ന ബാഗേജുകള്ക്കും അമിതതൂക്കമുള്ള ബാഗേജുകള്ക്കും പ്രത്യേക സ്ഥലം വ്യോമ ഗതാഗതം വീക്ഷിക്കാനുള്ള ഗാലറി
താഴെനിലയില് ഡ്യൂട്ടി ഫ്രീ ഷോപ്പിനുള്ള സൗകര്യം
സി.ഐ.എസ്.എഫ് ജീവനക്കാരുടെ എണ്ണം 330 ഉള്ളത് 450 ആയി ഉയര്ത്തി
https://www.facebook.com/Malayalivartha