കൊടുങ്ങല്ലൂരില് ആശുപത്രിയില് ചികിത്സയിലുള്ള ബന്ധുവിനെ കാണാന് കാറില് പോകണമെന്ന് പറഞ്ഞ് പെട്രോള് വാങ്ങി സൂക്ഷിച്ച ഇരുപത്തിയേഴുകാരിയെയും, കുഞ്ഞിനെയും പൊള്ളലേറ്റ് മരിച്ച നിലയില് കണ്ടെത്തി
കൊടുങ്ങല്ലൂരില് യുവതിയും കുഞ്ഞും ദുരൂഹ സാഹചര്യത്തില് പൊള്ളലേറ്റ് മരിച്ച നിലയില്. എടവനക്കാട് നായരമ്പലം നെടുങ്ങാട് വട്ടത്തറ നാദിര്ഷായുടെ ഭാര്യ കൃഷ്ണ (27), മകന് നദാല് (രണ്ട്) എന്നിവരാണ് മരിച്ചത്. പെരിഞ്ഞനം വടക്കൂട്ട് പരേതനായ സാജന്റെ മകളാണ് കൃഷ്ണ. കൊടുങ്ങല്ലൂര് സി.ഐ ഓഫിസിന് സമീപം ഇവര് വാടകക്ക് താമസിക്കുന്ന വീട്ടില് ബുധനാഴ്ച പുലര്ച്ചെ 4.30നാണ് സംഭവം. കൃഷ്ണയുടെ അമ്മ ലത സാജന് മാത്രമേ സംഭവ സമയത്ത് വീട്ടില് ഉണ്ടായിരുന്നുള്ളൂ. ഇവര്ക്ക് പൊള്ളലേറ്റിട്ടില്ല.
എറണാകുളത്ത് സ്വകാര്യ സ്ഥാപനത്തില് ജീവനക്കാരനായ നാദിര്ഷ ഇടക്ക് മാത്രമേ കൊടുങ്ങല്ലൂരിലെ വാടക വീട്ടില് എത്താറുള്ളൂ. ഇവരുടെ വീട് നായരമ്പലത്ത് നിര്മാണത്തിലാണ്. കൊടുങ്ങല്ലൂര് എസ്.ബി.ഐയില് ക്രെഡിറ്റ് കാര്ഡ് ഏജന്റാണ് കൃഷ്ണ. ചൊവ്വാഴ്ച കൊടുങ്ങല്ലൂരിലെ വീട്ടില് വന്ന നാദിര്ഷ വൈകീട്ട് അഞ്ചോടെ മടങ്ങിയിരുന്നു. ആശുപത്രിയില് ചികിത്സയിലുള്ള ബന്ധുവിനെ കാണാന് രാവിലെ കാറില് പോകാനെന്ന് പറഞ്ഞ് നേരത്തേ പെട്രോള് വാങ്ങി സൂക്ഷിച്ചിരുന്നുവത്രെ. ലത വിവരം നല്കിയതനുസരിച്ചാണ് നാദിര്ഷ സ്ഥലത്തെത്തിയത്. പൊള്ളലേറ്റ കുഞ്ഞിനെ ആശുപത്രിയില് എത്തിച്ചുവെങ്കിലും മരിച്ചു.
ഫോറന്സിക് വിദഗ്ധരും വിരലടയാള വിദഗ്ധരും സംഭവ സ്ഥലത്ത് പരിശോധന നടത്തി. മൃതദേഹങ്ങള് തൃശൂര് മെഡിക്കല് കോളജില് പോസ്റ്റുമോര്ട്ടം നടത്തി. ബന്ധുക്കള് മരണത്തില് ദുരൂഹത പ്രകടിപ്പിച്ചു. എന്നാല്, കൃഷ്ണ കുഞ്ഞിനോടൊപ്പം തീകൊളുത്തി മരിച്ചതായാണ് പൊലീസിന്റെ പ്രാഥമിക നിഗമനം.
https://www.facebook.com/Malayalivartha