കാസര്‍കോട് യൂത്ത് കോണ്‍ഗ്രസ് പ്രവര്‍ത്തകരുടെ കൊലപാതകത്തില്‍ മകന് നീതി കിട്ടാനായി ഏതറ്റം വരേയും പോകുമെന്ന് കൊല്ലപ്പെട്ട കൃപേഷിന്റെ പിതാവ് കൃഷ്ണന്‍. കേസില്‍ ഇപ്പോള്‍ അറസ്റ്റിലായ ഏഴ് പേര്‍ക്ക് മാത്രമാണ് പങ്കെന്ന് താന്‍ വിശ്വസിക്കുന്നില്ലെന്ന് 1012 പേരെങ്കിലും ഈ കൃത്യത്തില്‍ പങ്കെടുത്തിട്ടുണ്ട്. അക്രമം ഉണ്ടായതിനെ തുടര്‍ന്ന് ഭയന്നോടിയ കൃപേഷിനെ നൂറ് മീറ്ററോളം പിന്തുടര്‍ന്ന് വെട്ടി വീഴ്ത്തുകയായിരുന്നു. ഇതൊന്നും മുഖ്യപ്രതി പീതാംബരന് ഒറ്റയ്ക്ക് ചെയ്യാവുന്ന കാര്യമല്ലെന്നും കൃഷ്ണന്‍ പറഞ്ഞു.

മകന് നീതി കിട്ടാന്‍ ഏത് അറ്റം വരേയും പോകാനാണ് എന്റെ തീരുമാനം. ഞങ്ങളുടെ വീടിന് അടുത്തുള്ള ഒരു ക്വാറി മുതലാളിയാണ് ശാസ്താ ഗംഗാധരന്‍. ഇയാളുടെ വീട്ടിലും ക്വാറിയിലുമൊക്കെയായി ഇരുപത്തിയഞ്ചോളം വണ്ടികളുണ്ട്. എന്നാല്‍ കൊലപാതകം നടക്കുന്ന ദിവസം അവിടെ ഒറ്റ വണ്ടിയില്ലായിരുന്നു. ജീവനക്കാര്‍ക്കെല്ലാം അന്ന് അവധി നല്‍കി. ഈ ക്വാറി മുതലാളിയുടെ ഉടമസ്ഥതയിലുള്ള പറമ്ബിലെ കിണറ്റില്‍ നിന്നാണ് ആയുധങ്ങള്‍ കണ്ടെത്തിയത്.

കേരള പൊലീസിനെ സ്വതന്ത്രമാക്കി വിട്ടാല്‍ നാല് ദിവസം കൊണ്ട് അവര്‍ക്ക് ഈ കേസിലെ എല്ലാ പ്രതികളേയും പിടികൂടാന്‍ സാധിക്കും. കൊലപാതകം നടന്ന ദിവസം പരിസരത്തെ അഞ്ചോളം വീടുകളില്‍ ആരുമില്ലായിരുന്നു. ഇതൊക്കെ വ്യക്തമായ ആസൂത്രണവും ഗൂഢാലോചനയും ഉണ്ടെന്നാണ് തെളിയിക്കുന്നത്.