പെരിയ ഇരട്ടക്കൊലപാതകം കേരളം കേട്ടറിഞ്ഞത് ഞെട്ടലോടെയായിരുന്നു. സമാധാനത്തിനായി പോരാടിയ ആ രണ്ടു യുവാക്കളുടെ ജീവനും ആ കാപാലികന്മാര്‍ എടുത്തുകൊണ്ടുപോയപ്പോള്‍ നാട്ടുകാര്‍ക്ക് അത് വിശ്വസിക്കാന്‍ ആയിരുന്നില്ല. അതിന്റെ രോഷമെല്ലാം അവര്‍ പ്രകടിപ്പിക്കുന്നുണ്ട്. തെളിവെടുപ്പിനായി പീതാംബരനെ നാട്ടിലേക്ക് കൊണ്ടുവന്നപ്പോള്‍ അവിടുത്തെ അമ്മമാര്‍ ആ കൊലയാളിയെ കാത്തുനിന്നത് കല്ലും ചൂലുമൊക്കെയായായിരുന്നു.

കൊലപാതകം നടന്ന കല്ല്യോട്ടെ റോഡിന് സമീപമുള്ള റബ്ബര്‍ തോട്ടത്തിലെ ഉപയോഗ ശൂന്യമായ കിണറ്റില്‍ നിന്നാണ് ആയുധങ്ങള്‍ കണ്ടെത്തിയത്. പീതാംബരനാണ് സ്ഥലം കാണിച്ചുകൊടുത്തത്. വാളിന് 50 സെന്റിമീറ്ററിലധികം നീളവും ഒന്നര ഇഞ്ച് വീതിയുമുണ്ട്. ഇരുമ്പു ദണ്ഡുകളില്‍ ചോരക്കറയുണ്ട്. പീതാംബരനെ എത്തിക്കുന്നതറിഞ്ഞ് സമീപത്തെ അമ്മമാര്‍ ചൂലും വടിയും കല്ലുമായി കൊലപാതകം നടന്ന സ്ഥലത്തു ഏറെ നേരം കാത്തിരുന്നു. ആദ്യം കൊലപാതകം നടന്ന സ്ഥലത്തേയ്ക്ക് എത്തിച്ച് തെളിവെടുപ്പ് നടത്താനായിരുന്നു തീരുമാനമെങ്കിലും രോഷം പൂണ്ട അമ്മമാരെ കണ്ട് പൊലീസ് തീരുമാനം മാറ്റി.

ഇരട്ടക്കൊലക്കേസില്‍ കസ്റ്റഡിയിലുള്ള അഞ്ചു പേരുടെയും അറസ്റ്റ് ഇന്ന് രേഖപ്പെടുത്തി. ഏച്ചിലടുക്കം സ്വദേശി സുരേഷ്, ഗിരിജന്‍, ശ്രീരാഗ്, ഓട്ടോ ഡ്രൈവര്‍ അനി എന്നിവരും 19 വയസുകാരന്‍ അശ്വിനുമാണ് അറസ്റ്റിലായത്. കൃത്യം നടത്തിയത് പീതാംബരന്റെ നിര്‍ദേശപ്രകാരമെന്നും അറസ്റ്റിലായവര്‍ മൊഴി നല്‍കി. അതേസമയം ഇന്നലെ അറസ്റ്റു രേഖപ്പെടുത്തിയ സജി ജോര്‍ജിനെ കോടതി ആറു ദിവസത്തേക്ക് പൊലീസ് കസ്റ്റഡിയില്‍ വിട്ടു.

കസ്റ്റഡിയിലുള്ളവരെല്ലാം മൊഴികളില്‍ ഉറച്ചു നില്‍ക്കുന്ന സാഹചര്യത്തിലാണ് അന്വേഷണ സംഘം അറസ്റ്റിനൊരുങ്ങുന്നത്. ഇതിനു മുന്നോടിയായി ജില്ലാ പൊലീസ് മേധാവിയുടെ അധ്യക്ഷതയില്‍ സംഘം യോഗം ചേര്‍ന്ന് ലഭിച്ച മൊഴികള്‍ വിശദമായി വിലയിരുത്തി. തുടര്‍ന്ന് ജില്ലയില്‍ ക്യാംപ് ചെയ്യുന്ന കണ്ണൂര്‍ റേഞ്ച് ഐജി ബല്‍റാം കുമാര്‍ ഉപാധ്യായയുമായി എസ് പി ജെയിംസ് ജോസഫ് ചര്‍ച്ച നടത്തി. കസ്റ്റഡിയിലുള്ള രണ്ടു പേര്‍ പീതാംബരനൊപ്പം നേരിട്ട് കൃത്യത്തില്‍ പങ്കെടുത്തിരുന്നു. ബാക്കിയുള്ള മൂന്നുപേര്‍ കൊലപാതകത്തിന്റെ ആസൂത്രണത്തില്‍ സജീവ പങ്കാളിത്തം വഹിച്ചു.കൃത്യത്തില്‍ കൂടുതല്‍പ്പേരില്ലെന്ന മൊഴിയും പിടിയിലായവര്‍ ആവര്‍ത്തിക്കുന്നു.

അതേസമയം മുഖ്യമന്ത്രി പിണറായി വിജയന്‍ ഇന്ന് ജില്ലയില്‍ എത്തുന്നുണ്ട് .ഇതുകൂടി കണക്കിലെടുത്താത്ത് തിടുക്കപ്പെട്ട് പ്രതികളുടെ അറസ്റ്റ് രേഖപ്പെടുത്താന്‍ അന്വേണസംഘം ഒരുങ്ങുന്നതെന്നാണ് സൂചന. കാറുകണ്ടെടുത്ത വെളുത്തോളിയില്‍ എത്തിച്ച് തെളിവെടുത്ത ശേഷമാണ് സജിജോര്‍ജിനെ കോടതിയില്‍ ഹജരാക്കിയത്. ഫോറന്‍സിക് പരിശോധനയും കൂടുതല്‍ തെളിവെടുപ്പും പൂര്‍ത്തിയാക്കാനുള്ളതു കൊണ്ട് കസ്റ്റഡിയില്‍ വേണമെന്ന പൊലീസിന്റെ ആവശ്യം കോടതി അംഗീകരിച്ചു പ്രതിക്ക് നേരിട്ട് കൃത്യത്തില്‍ പങ്കുണ്ടെന്നും പൊലീസ് കോടതിയെ അറിയിച്ചു. തെളിവെടുപ്പിന് കൊണ്ടു പോകും മുമ്പ് കസ്റ്റഡിയിലുള്ള പീതാംബരനേയും, സജി ജോര്‍ജിനേയും ഒന്നിച്ചിരുത്തി ചോദ്യം ചെയ്തു.

കാസര്‍കോട് പെരിയ ഇരട്ടകൊലക്കേസില്‍ അഞ്ചുപ്രതികളുടെ അറസ്റ്റ് പൊലീസ് രേഖപ്പെടുത്തി. ഇതോടെ അറസ്റ്റിലായവരുടെ എണ്ണം ഏഴായി. ഇന്നലെ അറസ്റ്റു ചെയ്ത സിപിഎം ബ്രാഞ്ച് കമ്മിറ്റിയംഗം സജി ജോര്‍ജിനെ കോടതി ആറു ദിവസത്തേക്ക് പൊലീസ് കസ്റ്റഡിയില്‍ വിട്ടു. അതേസമയം അന്വഷണം ക്രൈംബ്രാഞ്ചിന് കൈമാറി. പെരിയ ഇരട്ടക്കൊലയില്‍ പങ്കെടുത്തവരെല്ലാം അറസ്റ്റിലായെന്നും അന്വേഷണം ക്രൈംബ്രാഞ്ചിന് വിട്ടത് അറിഞ്ഞിട്ടില്ലെന്നും എസ് പി ജെയിംസ് ജോസഫ് മാധ്യമങ്ങളോട് പറഞ്ഞതിന് തൊട്ടുപിന്നാലെ ക്രൈംബ്രാഞ്ച് അന്വേഷണസംഘം രൂപീകരിച്ചു. കൊച്ചി ക്രൈംബ്രാഞ്ച് എസ്പി മുഹമ്മദ് റഫീക്ക് സംഘത്തലവന്‍ ക്രൈംബ്രാഞ്ച് മലപ്പുറം ഉ്യടജ പ്രദീപ്, കാസര്‍കോട് ഇക അബ്ദുള്‍ സലീം എന്നിവര്‍ സംഘത്തില്‍

ഏച്ചിലടുക്കം സ്വദേശികളായ സുരേഷ്, അനില്‍ക്കുമാര്‍, പത്തൊന്‍പതുകാരനായ അശ്വിന്‍, കല്ലിയോട് സ്വദേശികളായ ശ്രീരാഗ്, ഗിജിന്‍ എന്നിവരുടെ അറസ്റ്റാണ് വൈകീട്ടോടെ രേഖപ്പെടുത്തിയത്. സുരേഷും, അനില്‍ക്കുമാറും പീതാംബരനൊപ്പം നേരിട്ട് കൃത്യത്തില്‍ പങ്കെടുത്തു. ബാക്കിയുള്ള മൂന്നുപേര്‍ ആസൂത്രണത്തില്‍ പ്രധാന പങ്ക് വഹിച്ചുവെന്ന് അന്വേഷണസംഘം കണ്ടെത്തി.സംഭവത്തില്‍ കൂടുതല്‍പ്പേരില്ലെന്ന് ചോദ്യം ചെയ്യലില്‍ പ്രതികള്‍ ആവര്‍ത്തിച്ചു.

മുഖ്യമന്ത്രി പിണറായി വിജയന്‍ നാളെ ജില്ലയില്‍ എത്തുന്നുണ്ട് .ഇത് കണക്കിലെടുത്താത്ത് തിടുക്കപ്പെട്ട് പ്രതികളുടെ അറസ്റ്റ് രേഖപ്പെടുത്തിയതെന്നാണ് സൂചന. ഇന്നലെ അറസ്റ്റു ചെയ്ത സജി ജോര്‍ജിനെ കാറുകണ്ടെടുത്ത വെളുത്തോളിയില്‍ എത്തിച്ച് തെളിവെടുത്ത ശേഷം കോടതിയില്‍ ഹജരാക്കി. ഫോറന്‍സിക് പരിശോധനയും കൂടുതല്‍ തെളിവെടുപ്പും പൂര്‍ത്തിയാക്കാനുള്ളതുകൊണ്ട് പ്രതിയെ കസ്റ്റഡിയില്‍ വേണമെന്ന പൊലീസിന്റെ ആവശ്യം കോടതി അംഗീകരിച്ചു. സജി നേരിട്ട് കൃത്യത്തില്‍ പങ്കെടുത്തെന്നും പൊലീസ് കോടതിയെ അറിയിച്ചു. എന്നാല്‍ താന്‍ വാഹനം ഓടിക്കുകമാത്രമാണ് ചെയ്തതെന്നും, കൊലപാതകത്തില്‍ നേരിട്ട് പങ്കില്ലെന്നും സജി മനോരമ ന്യൂസിനോട് പറഞ്ഞു.കഴിഞ്ഞദിവസം അറസ്റ്റിലായി പീതാംബരനെ അന്വേഷണസംഘം ഇന്നും ചോദ്യം ചെയ്തു.