തിരുവനന്തപുരത്ത് കുമ്മനം തന്നെ... ആര് എസ് എസിനു അനുഭാവ മറുപടിയുമായി അമിത് ഷാ, തിരുവനന്തപുരത്ത് കുമ്മനം രാജശേഖരനെ സ്ഥാനാര്ഥിയാക്കണമെന്ന് ആര്.എസ്.എസ്
തിരുവനന്തപുരത്ത് കുമ്മനം തന്നെ. ആര് എസ് എസിനു അനുഭാവ മറുപടിയുമായി അമിത് ഷാ. തിരുവനന്തപുരത്ത് കുമ്മനം രാജശേഖരനെ സ്ഥാനാര്ഥിയാക്കണമെന്ന് ആര്.എസ്.എസ്. കുമ്മനം രാജശേഖരനെ പാര്ട്ടി പ്രവര്ത്തനങ്ങളിലേക്ക് തിരിച്ചുകൊണ്ട് വരണമെന്നും ബി.ജെ.പി ദേശീയ അധ്യക്ഷന് അമിത് ഷായുമായി നടത്തിയ കൂടിക്കാഴ്ചയില് ആര്.എസ്.എസ് നേതാക്കള് ആവശ്യപ്പെട്ടു. തെരഞ്ഞെടുപ്പ് പ്രചാരണങ്ങള്ക്കായി പാലക്കാട് എത്തിയ അമിത് ഷാ ബി.ജെ.പി നേതാക്കളെ ഒഴിവാക്കിയാണ് ആര്.എസ്.എസ് നേതാക്കളുമായി കൂടികാഴ്ച നടത്തിയത്. ആര്.എസ്.എസ് നേതാക്കളായ ഹരി കൃഷ്ണന്, എം.രാധാകൃഷ്ണന്, പി.എന് ഈശ്വരന് എന്നിവരാണ് അമിത് ഷായുമായി ചര്ച്ച നടത്തിയത്. കുമ്മനം രാജശേഖരനെ തിരുവനന്തപുരത്ത് മത്സരിപ്പിക്കണമെന്നാണ് മുഖ്യമായും ആര്.എസ്.എസ് നേതാക്കള് മുന്നോട്ട് വെച്ചത്.
സ്ഥാനാര്ത്ഥിയാകാന് ഗവര്ണര് സ്ഥാനമൊഴിയും. ഇത് സംബന്ധിച്ചുളള പ്രഖ്യാപനം മാര്ച്ച് 4ന് ഉണ്ടായേക്കുമെന്നും സൂചനയുണ്ട്. ഇക്കാര്യം സംസ്ഥാന നേതൃത്വത്തെ ദേശീയ നേതൃത്വം അറിയിച്ചു. തിരുവനന്തപുരത്തെ ആര് എസ് എസ് പട്ടികയില് കുമ്മനം മാത്രം. കുമ്മനവും മത്സര സന്നദ്ധത അറിയിച്ചു. കുമ്മനത്തിനായി പ്രചാരണത്തിന് സജ്ജരാകാന് ആര്എസ്എസ് നിര്ദ്ദേശവും നല്കി. തിരുവനന്തപുരം ലോക്സഭാ മണ്ഡലത്തില് കുമ്മനം രാജശേഖരന് മത്സരിക്കണമെന്ന് ബിജെപി നേതൃയോഗത്തിലും ആവശ്യമുയര്ന്നിരുന്നു. തിരുവനന്തപുരം ജില്ലാ കമ്മിറ്റിയാണ് ഇക്കാര്യം ഉന്നയിച്ചത്. കെ.സുരേന്ദ്രനും തിരുവനന്തപുരത്ത് മത്സരിക്കാന് താല്പര്യമറിയിച്ചതായി സൂചനയുണ്ടായിരുന്നു. ഒടുവില് നറുക്ക് കുമ്മനത്തിനു തന്നെ.
ബി.ജെ.പിക്ക് അകത്തെ തമ്മിലടി പരിഹരിക്കമെന്നും ആര്.എസ്.എസ് നേതാക്കള് ആവശ്യപ്പെട്ടതായി സൂചനയുണ്ട്. കേരള കോണ്ഗ്രസ് നേതാവ് പി.സി തോമസും അമിത് ഷായുമായി ചര്ച്ച നടത്തി. പി.സി തോമസ് കോട്ടയം സീറ്റില് മത്സരിക്കുന്നതില് ബി.ജെ.പി നേതൃത്വത്തിന് അതൃപ്തിയുള്ള പശ്ചാത്തലത്തിലാണ് കൂടിക്കാഴ്ച. ശബരിമല വിഷയം തന്നെയാണ് ബി.ജെ.പിയുടെ പ്രധാന തെരഞ്ഞെടുപ്പ് പ്രചാരണ വിഷയം തെര!ഞ്ഞെടുപ്പ് ഒരുക്കങ്ങളുടെ ഭാഗമായി 4 ജനറല് സെക്രട്ടറിമാരുടെ യാത്ര, യുവമോര്ച്ചയുടെ ബൈക്ക് റാലി, കേന്ദ്ര സര്ക്കാര് ആനുകൂല്യങ്ങള് ലഭിച്ചവരുടെ സംഗമം തുടങ്ങി വിവിധ പരിപാടികളാണ് ആസൂത്രണം ചെയ്തിരിക്കുന്നത്.
ശബരിമല വിഷയത്തില് മുപ്പതിനായിരത്തോളം വിശ്വാസികളെ കള്ളക്കേസില് കുടുക്കിയ കേരളത്തിലെ നിരീശ്വരവാദി സര്ക്കാരിനെ പിഴുതെറിയണമെന്ന് ബിജെപി ദേശീയ അധ്യക്ഷന് അമിത് ഷാ. സുപ്രീം കോടതി വിധി ഒരു മതത്തിന് മാത്രമാണോ ബാധകമെന്നും മസ്ജിദുകളിലെ ഉച്ചഭാഷിണി ഉപയോഗം സംബന്ധിച്ച കോടതി വിധി പിണറായി സര്ക്കാര് നടപ്പാക്കിയോ എന്നും അമിത് ഷാ ചോദിച്ചു. പാലക്കാട് ബിജെപി റാലിയില് സംസാരിക്കുകയായിരുന്നു അദ്ദേഹം. ഒരു തവണ ബിജെപി ക്ക് അവസരം തന്നാല് കേരളത്തെ ഒന്നാം നമ്പര് സംസ്ഥാനമാക്കുമെന്നും കേരളത്തില് നിന്ന് ഇത്തവണ ബിജെപിക്ക് എം.പി.മാരുണ്ടാകുമെന്നും അമിത് ഷാ പറഞ്ഞു. യു ഡി എഫും എല് ഡി എഫും ഭായ് ഭായ് കൂട്ടുകെട്ടാണ്. പത്ത് വര്ഷം യു പി എ കേന്ദ്രം ഭരിച്ചിട്ട് കേരളം എന്താണ് നേടിയത്.
"
https://www.facebook.com/Malayalivartha
