സെവന്സ് ഫുട്ബോള് ടൂര്ണമെന്റിന്റെ ഫൈനല് മത്സരത്തിനിടെ ഗ്യാലറി തകര്ന്ന് അപകടം... പരുക്കേറ്റവരെ കോഴിക്കോട് മെഡിക്കല് കോളജ് ആശുപത്രിയിലും വിവിധ സ്വകാര്യ ആശുപത്രികളിലും പ്രവേശിപ്പിച്ചു
ഇന്നലെ രാത്രി ഒന്പതരയോടെയാണ് സ്റ്റേഡിയത്തിന്റെ കിഴക്കു ഭാഗത്തെ ഗ്യാലറി പിന്നിലേക്കു തകര്ന്നു വീണത്. കളി തുടങ്ങാനിരിക്കെയാണ് ഗ്യാലറി തകര്ന്ന് ദുരന്തം ഉണ്ടായത്. കളി കാണാന് രണ്ടായിരത്തിലധികം പേരാണ് ഉണ്ടായിരുതെന്നാണു സംഘാടകര് പറയുന്നു. ഗ്യാലറി നിര്മിച്ചത് കവുങ്ങുതടി കൊണ്ടാണ്. തകര്ന്ന ഗ്യാലറിയുടെ അടിയില്പ്പെട്ടാണ് ഭൂരിഭാഗം പേര്ക്കും പരിക്കേറ്റത്. കളി കാണാന് വൈകിയെത്തിയവര് ഏറെയും കിഴക്കുഭാഗത്തെ ഗ്യാലറിയിലാണ് കയറിയിരുന്നതെന്ന് കാണികള് പറയുന്നു. ടീം കടലുണ്ടി ഫുട്ബോള് ടൂര്ണമെന്റില് ഡയമണ്ട്് പരപ്പനങ്ങാടിയും ഉദയപറമ്ബില് പീടികയുമായിരുന്നു ഏറ്റുമുറ്റേണ്ടിയിരുന്നത്. കടലുണ്ടിയില് ഗ്യാലറി തകര്ന്ന് 100ലേറെ പേര്ക്ക് പരുക്ക്. സെവന്സ് ഫുട്ബോള് ടൂര്ണമെന്റിന്റെ ഫൈനല് മത്സരത്തിനിടെ ഗ്യാലറി തകര്ന്നാണ് അപകടം.
കടലുണ്ടി പഞ്ചായത്ത് മിനി സ്റ്റേഡിയത്തില് ടീം കടലുണ്ടി സെവന്സ് ഫുട്ബോള് ഫൈനലിനിടെയാണ് ഗ്യാലറി തകര്ന്നത്. പരുക്കേറ്റവരെ കോഴിക്കോട് മെഡിക്കല് കോളജ് ആശുപത്രിയിലും വിവിധ സ്വകാര്യ ആശുപത്രികളിലും പ്രവേശിപ്പിച്ചു. നടുവിന് സാരമായി പരിക്കേറ്റ രണ്ടു പേര് മെഡിക്കല് കോളജ് ആശുപത്രിയില് ചികില്സയിലുണ്ട്. ആരുടെയും പരുക്ക് ഗുരുതരമല്ലെന്ന് ആശുപത്രി വൃത്തങ്ങള് അറിയിച്ചു. ഫറോക്ക് പോലീസും മീഞ്ചന്ത ഫയര്ഫോഴ്സും ദ്രുതകര്മസേനയും രക്ഷാപ്രവര്ത്തനങ്ങള്ക്കു നേതൃത്വം നല്കി.
https://www.facebook.com/Malayalivartha
