തയ്യല് തൊഴിലാളിയെ മഴു കൊണ്ട് തലയ്ക്ക് വെട്ടി കൊന്ന കേസിലെ പ്രതി മുഖ്യമന്ത്രി കസേരയിലിരിക്കുമ്പോള് കേരളത്തില് ഇത്തരം ക്രൂരകൃത്യങ്ങള് നടക്കും- രൂക്ഷ പ്രതികരണവുമായി വിടി ബലറാം എംഎല്എ
കേരള ചരിത്രത്തിലെ ആദ്യത്തെ രാഷ്ട്രീയ കൊലപാതകമാണ് വാടിക്കല് രാമകൃഷ്ണന് കൊലക്കേസ്. വാടിക്കല് രാമകൃഷ്ണന് എന്ന തയ്യല് തൊഴിലാളിയെ മഴു കൊണ്ട് തലയ്ക്ക് വെട്ടി കൊന്ന കേസിലെ പ്രതിയായിട്ടുള്ള ഒരുത്തന് കേരളത്തിന്റെ മുഖ്യമന്ത്രി കസേരയിലിരിക്കുന്പോള് ഇത്തരം കുറ്റകൃത്യങ്ങള് കേരളത്തില് ഉണ്ടാകുമെന്ന് പാലക്കാട്എസ് പി ഓഫീസിലേക്ക് യൂത്ത് കോണ്ഗ്രസ് നടത്തിയ പ്രതിഷേധ പ്രകടനത്തില് സംസാരിക്കുകയായിരുന്നു ബല്റാം എംഎല്എ.
കാസര്കോട് സിപിഎമ്മുകാര് വെട്ടിക്കൊന്ന യൂത്ത് കോണ്ഗ്രസ് പ്രവര്ത്തകരുടെ വീട് സന്ദര്ശിക്കാന് ആഗ്രഹിക്കുന്ന മുഖ്യമന്ത്രി എന്ത് കൊണ്ട് ഷുഹൈബിന്റെ വീട്ടിലേക്ക് പോകുന്നില്ലെന്ന് വിടി ബലറാം ചോദിക്കുന്നു. ഒരു വര്ഷം മുന്പ് അദ്ദേഹത്തിന്റെ സ്വന്തം ജില്ലയില് വച്ചു കൊല്ലപ്പെട്ടയാളാണ് ഷുഹൈബെന്നും ഇതുവരെയും ഷുഹൈബിന്റെ വീട്ടില് പോകാന് മുഖ്യമന്ത്രിക്ക് തോന്നാഞ്ഞത് എന്തുകൊണ്ടാണെന്നും വിടി ബലറാം ചോദിച്ചു.
ഇരട്ടക്കൊല കേസില് നീതി കിട്ടണമെങ്കില് സിബിഐ തന്നെ വരണമെന്ന് വിടി ബലറാം വ്യക്തമാക്കി . കേരളത്തിലെ സാംസ്കാരിക നായകന്മാര് എന്ന് സ്വയം അവകാശപ്പെടുന്നവര് സിപിഐഎമ്മിന് സ്തുതി പാടുകയാണ്. ഇത്തരം കപട സാംസ്കാരികനായകന്മാരെ ഇപ്പോള് യഥാര്ത്ഥ സാംസ്കാരികകകേരളം തിരിച്ചറിഞ്ഞു കൊണ്ടിരിക്കുകയാണെന്നും അദ്ദേഹം പറഞ്ഞു.
https://www.facebook.com/Malayalivartha
