സ്വന്തം ജീവന്‍ പിടയുമ്പോഴും സാജുവിന്റെ മനസ്സില്‍ തന്നെ വിശ്വസിച്ചു യാത്ര ചെയ്യുന്നവരായിരുന്നു. ഓട്ടത്തിനിടെ നെഞ്ചുവേദന അനുഭവപ്പെട്ട കെ.എസ്.ആര്‍.ടി.സി ബസ് െ്രെഡവര്‍ യാത്രക്കാരുടെ ജീവന്‍ സുരക്ഷിതമാക്കിയേശഷമാണ് മരണത്തിനു കീഴടങ്ങിയത്.

ഈരാറ്റുപേട്ട ഡിപ്പോയിലെ െ്രെഡവര്‍ തിടനാട് തട്ടാരുപറമ്പില്‍ സാജു മാത്യുവാണ് (40) മരിച്ചത്. ഞായറാഴ്ച രാവിലെ 9.35ന് എം.സി റോഡില്‍ കോടിമത പാലത്തിനു സമീപമായിരുന്നു സംഭവം. ഈരാറ്റുപേട്ടയില്‍നിന്ന് രാവിലെ 7.15ന് പുറപ്പെട്ട ചേന്നാട്തിരുവനന്തപുരം ഫാസ്റ്റിെന്റ െ്രെഡവറായിരുന്നു സാജു. കോട്ടയം ബസ് സ്റ്റാന്ഡ് പിന്നിട്ടതിനുശേഷമാണ് ശാരീരകാസ്വാസ്ഥ്യമുണ്ടായത്. കോട്ടയം സ്റ്റാന്‍ഡില്‍ നിന്ന് എം.സി റോഡിലൂടെ ചങ്ങനാശ്ശേരി ഭാഗത്തേക്ക് പോകവെ കോടിമതപാലത്തില്‍ എത്തിയപ്പോഴാണ് നെഞ്ചുവേദന അനുഭവെപ്പട്ടു. നിയന്ത്രണം നഷ്ടമാകുമെന്ന് ഭയന്ന സാജു ഒരുവിധത്തില്‍ ബസ് നിര്‍ത്തി ഹാന്‍ഡ് ബ്രേക്ക് ഇട്ട് സ്റ്റിയറിങ്ങിലേക്ക് മറിഞ്ഞു വീഴുകയായിരുന്നു.

അപ്രതീക്ഷിതമായി വാഹനം നിര്‍ത്തിയതോടെ കണ്ടക്ടര്‍ തിടനാട് സ്വദേശി അനീഷും ചെങ്ങന്നൂര്‍ ഡിപ്പോയിലെ െ്രെഡവര്‍ ടി.കെ. ലാലും ഓടിയെത്തി. ഡ്യൂട്ടിക്ക് പോകുകയായിരുന്ന ലാല്‍ ബസ് സ്റ്റാര്‍ട്ടാക്കി സാജുവിനെ കോട്ടയം ജനറല്‍ ആശുപത്രിയിലേക്ക് എത്തിച്ചു. ഈസമയം ബസില്‍ 25ലധികം യാത്രക്കാരുണ്ടായിരുന്നു. ബസിലുണ്ടായിരുന്ന നഴ്‌സുമാര്‍ സാജുവിെന വാഹനത്തില്‍ കിടത്തി പ്രഥമശുശ്രൂഷ നല്‍കി ജീവന്‍ നിലനിര്‍ത്തി. അതിവേഗം ആശുപത്രിയിലേക്ക് പാഞ്ഞ ബസില്‍നിന്ന് സാജുവിനെ അത്യാഹിതവിഭാഗത്തില്‍ പ്രവേശിപ്പിച്ചപ്പോഴും ജീവനുണ്ടായിരുന്നു. പിന്നീടാണ് മരണത്തിനു കീഴങ്ങിയത്. മൂന്നുമാസംമുമ്പ് ഹൃദയാഘാതത്തെ തുടര്‍ന്ന് സാജുവിനെ ആന്‍ജിയോപ്ലാസ്റ്റിക്ക് വിധേയമാക്കിയിരുന്നു. എല്ലാവരും കൈമെയ്യ് മറന്ന് സഹായിച്ചെങ്കിലും രക്ഷിക്കാന്‍ കഴിയാത്ത വിഷമത്തിലാണ് യാത്രക്കാര്‍ ആശുപത്രി വിട്ടത്. സംഭവമറിഞ്ഞ് കെ.എസ്.ആര്‍.ടി.സി അധികൃതര്‍ ആശുപത്രിയില്‍ എത്തിയിരുന്നു. ഭാര്യ: ജാന്‍സി. മകള്‍: കാതറീന്‍.