ശ്രീപദ്മനാഭ സ്വാമി ക്ഷേത്രത്തിലെ ശ്രീകോവിലിനടുത്ത് വച്ച് ഭക്തയോട് അപമര്യാദയായി പെരുമാറിയ ഗാര്ഡിനെതിരെ നടപടി
ഭക്തയോട് അപമര്യാദയായി പെരുമാറിയ ഗാര്ഡിനെതിരെ നടപടി. ശ്രീപദ്മനാഭ സ്വാമി ക്ഷേത്രത്തിലെ ശ്രീകോവിലിനടുത്ത് വച്ച് ഭക്തയോട് അപമര്യാദയായി പെരുമാറിയ ക്ഷേത്രത്തിലെ ഗാര്ഡ് നായിക് ഊരാളി സുനി എന്നുവിളിക്കുന്ന സുനില്കുമാറിനെതിരെ ക്ഷേത്രം അധികൃതര് നടപടിയെടുത്തത്. തിങ്കളാഴ്ച വൈകിട്ടായിരുന്നു അഭിഭാഷക കൂടിയായ വനിതയോട് സുനില്കുമാര് മോശമായി പെരുമാറിയത്.
ഇയാളെക്കുറിച്ച് നിരവധി പരാതികള് നേരത്തെ ലഭിച്ചിരുന്നതായി എക്സിക്യൂട്ടീവ് ഓഫീസര് വി.രതീശന് അറിയിച്ചു. സുനിലിനെ ക്ഷേത്രത്തിനകത്തെ ചുമതലകളില് നിന്നും മാറ്രിയതായി അദ്ദേഹം പറഞ്ഞു. നിരവധി ഭക്തരോട് ഇയാള് മോശം പെരുമാറ്റം നടത്തിയതായി പരാതിയുണ്ട്. ക്ഷേത്രത്തിലെ ഒരു യൂണിയന്റെ നേതാവു കൂടിയാണ്. മുന്നൂറോളം ജീവനക്കാരില് ചിലരുടെ മോശം പെരുമാറ്റം കാരണം ക്ഷേത്രത്തിന്റെ സല്പേരിന് കളങ്കമുണ്ടാകുകയാണെന്ന് മറ്റ് ജീവനക്കാര് പറഞ്ഞു.
https://www.facebook.com/Malayalivartha
