ഗതാഗതനിയമങ്ങള് ലംഘിക്കുന്നവര്ക്ക് കുട്ടിപ്പോലീസിന്റെ ഉപദേശം
ഗതാഗത നിയമങ്ങള് അനുസരിക്കാതെ വാഹനങ്ങള് ഓടിക്കുന്നവര്ക്ക് നിര്ദ്ദേശങ്ങള് നല്കാനായി സ്റ്റുഡന്റ് പോലീസ്. കര്മനിരതരായി രംഗത്തു വന്നിരിക്കുന്നത് മല്ലപ്പള്ളി സിഎംഎസ് ഹയര് സെക്കന്ഡറി സ്കൂളിലെ പോലീസ് കേഡറ്റുകളാണ് . എല്ലാ ദിവസങ്ങളിലും രാവിലെയും വൈകുന്നേരവും കോട്ടയം കോഴഞ്ചേരി റാന്നി റോഡുകള് സന്ധിക്കുന്ന ഹൈസ്കൂള് ജംഗ്ഷനിലാണ് ഇവരുടെ സേവനം ലഭിക്കുന്നത്.
ഹെല്മറ്റ് ധരിക്കാതെയും സീറ്റ് ബല്റ്റ് ഉപയോഗിക്കാതെയും കടന്നു പോകുന്നവരെ കണ്ടാല് കൈ കാണിച്ച് വാഹനങ്ങള് നിര്ത്തുകയും സ്നേഹത്തോടു കൂടി ഇവ ഉപയോഗിക്കുവാന് പ്രേരിപ്പിക്കുകയുമാണ് പതിവ്. നല്ല ശതമാനം യാത്രക്കാരും ഇവരോടു സഹകരിക്കും എങ്കിലും കുട്ടികളല്ലേ എന്തു ചെയ്യും എന്ന് വിചാരിച്ച് കടന്നു പോകുന്നവര് കുടുങ്ങിയതു തന്നെ. ഇവരുടെ വണ്ടിയുടെ നമ്പറുകള് കുറിച്ചെടുത്ത് പോലീസിന് കൈമാറുകയും പോലീസ് നടപടികള് സ്വീകരിക്കുകയും ചെയ്തു വരുന്നുണ്ട്.
ഇവരുടെ സേവനം തുടങ്ങിയതിനു ശേഷം ഹെല്മറ്റ് ഉപയോഗിക്കാത്തവരുടെ എണ്ണം വളരെയധികം കുറഞ്ഞതായി പോലീസ് അവകാശപ്പെടുന്നു. വഴിയാത്രക്കാരും പൊതുജനങ്ങളും വളരെയധികം ശ്രദ്ധിച്ച ഈ പ്രവര്ത്തനങ്ങള് അവധി ദിവസങ്ങളില് മറ്റ് പ്രധാനപ്പെട്ട റോഡുകളിലേക്കും വ്യാപിപ്പിക്കുവാന് ആഗ്രഹിക്കുന്നതായി കേഡറ്റുകള് അറിയിച്ചു. മല്ലപ്പള്ളി കീഴ്വായ്പൂര് പോലീസ് ഇന്സ്പെക്ടര് കെ.സലിം, എസ്ഐ. ഹരികുമാര് സി.കെ, ഷാനവാസ് എന്നിവര് വേണ്ട നേതൃത്വം നല്കി വരുന്നു.
https://www.facebook.com/Malayalivartha
