രാഹുല് ഗാന്ധിയെ വീണ്ടും അമുല് ബേബിയെന്നു വിളിച്ച് മുന് മുഖ്യമന്ത്രി വി.എസ്. അച്യുതാനന്ദന്; ഇരിക്കുന്ന കൊമ്പില് കോടാലി വയ്ക്കുന്ന ബുദ്ധിയാണ് രാഹുല് ഗാന്ധിക്കെന്ന് വി.എസ്
കോണ്ഗ്രസ് അധ്യക്ഷന് രാഹുല് ഗാന്ധിയെ വീണ്ടും അമുല് ബേബിയെന്നു വിളിച്ച് മുന് മുഖ്യമന്ത്രി വി.എസ്. അച്യുതാനന്ദന്. ഇരിക്കുന്ന കൊന്പില് കോടാലി വയ്ക്കുന്ന ബുദ്ധിയാണ് രാഹുല് ഗാന്ധിക്കെന്നും ആ വിളി ഇപ്പോഴും പ്രസക്തമാണെന്നും വിഎസ് പരിഹസിച്ചു. ഫേസ്ബുക്കില് എഴുതിയ കുറിപ്പിലായിരുന്നു വിഎസിന്റെ അധിക്ഷേപം.
മുന്പൊരിക്കല് രാഹുലിനെ താന് അമുല് പുത്രന് എന്ന് വിളിച്ച് കളിയാക്കിയിരുന്നു. അതു വെറുതെ പറഞ്ഞതല്ല. ഇന്ത്യന് രാഷ്ട്രീയത്തിന്റെ ഗതിവിഗതികള് മനസിലാക്കാതെ, ശിശുസഹജമായ അതി വൈകാരികതയോടെ സാഹചര്യങ്ങളെ സമീപിക്കുന്നതുകൊണ്ട് പറഞ്ഞതായിരുന്നു. രാഹുലിന്റെ സമീപനത്തില് ഇപ്പോഴും മാറ്റമില്ല- വി.എസ് പറഞ്ഞു.
കോണ്ഗ്രസ് ഒരു അരാജക പാര്ട്ടിയാണ്. ആര്ക്കും എന്തു നിലപാടും സ്വതന്ത്രമായി എടുക്കാനും അതിനനുസരിച്ചു മുന്നോട്ടുപോവാനുമുള്ള സ്വാതന്ത്ര്യമുള്ള വിചിത്രമായ ജനാധിപത്യമാണ് കോണ്ഗ്രസിന്േറത്. എന്നാല്, എല്ലാ ജനാധിപത്യവും അവസാനിക്കുന്നത് നെഹ്രു കുടുംബത്തിലെ ഇളമുറ കാരണവന്മാരിലാണ്. രാഹുലാണ് ഇപ്പോഴത്തെ കാരണവര്. രാഹുലാവട്ടെ ബിജെപിക്കെതിരെ വിശാല മുന്നണി വേണമെന്നു പറയുകയും അത്തരം മുന്നണികളെ ശിഥിലമാക്കുകയും ചെയ്യുകയാണ്- വി.എസ് കുറ്റപ്പെടുത്തി.
ആരുടെയൊക്കെയോ ഉപദേശങ്ങളില് കുരുങ്ങി, കുട്ടിയെപ്പോലെ പെരുമാറുകയാണ് രാഹുല്. ഡല്ഹിയില് ആം ആദ്മിക്കാരോട് സഹകരിക്കേണ്ടതില്ല എന്നു ഷീലാ ദീക്ഷിത് പറഞ്ഞാല്, അങ്ങോട്ടു ചായും. കേരളത്തില് ഇടതുപക്ഷത്തെ തകര്ക്കുകയാണ് ലക്ഷ്യമെന്ന് ചെന്നിത്തലയും ആന്റണിയും ഉപദേശിച്ചാല് അങ്ങോട്ടും ചായും. അങ്ങനെയാണ്, രാഹുല് ഇപ്പോള് വയനാടന് ചുരം കയറി ഇടതുപക്ഷത്തോട് യുദ്ധത്തിനു വന്നിട്ടുള്ളത്- വി.എസ് പറഞ്ഞു.
രാഹുല് വന്നതുകൊണ്ട് ഇടതുപക്ഷം വര്ധിത വീര്യത്തോടെ രാഹുലിനെയും ഒപ്പം ബിജെപിയെയും നേരിടും. എന്നാല്, കോണ്ഗ്രസിന്റെ ബിജെപിയാണ് മുഖ്യശത്രു എന്ന വാദം പൊളിച്ചടുക്കപ്പെടും. കാരണം, രാഹുല് വെറുമൊരു കോണ്ഗ്രസ്സുകാരനല്ല. കോണ്ഗ്രസിന്റെ അവസാനവാക്കാണ്. ഇരിക്കുന്ന കൊന്പില് കോടാലി വയ്ക്കുന്ന ഈ ബുദ്ധിയെയാണ് അന്ന് ഞാന് അമുല് ബേബി എന്ന് വിളിച്ചത്. ആ വിളിതന്നെ ഇന്നും പ്രസക്തമാണെന്നും വി.എസ് ഫേസ്ബുക്കില് കുറിച്ചു.
https://www.facebook.com/Malayalivartha
