ഏഴു വയസുകാരന്റെ നില അതീവ ഗുരുതരമായി തുടരുന്നു... തലച്ചോറിലേക്കുള്ള രക്തയോട്ടം 90 ശതമാനവും നിലച്ച അവസ്ഥയിലാണ്; ട്യൂബ് വഴി ദ്രവരൂപത്തിലുള്ള ഭക്ഷണം നല്കുന്നുണ്ട്!!!
പ്രതി അരുണ് ആനന്ദിനെതിരെ പോക്സോ ചുമത്തി. ഇളയകുട്ടിയെ മര്ദ്ദിച്ചതിനെതിരെ പ്രത്യേക കേസെടുക്കുന്നതും പരിഗണനയിലാണ്. ക്രൂരമായ മര്ദ്ദിച്ചതിന് പുറമേ ഏഴ് വയസ്സുകാരനെ അരുണ് പല തവണ ലൈംഗിക അതിക്രമത്തിനും ഇരയാക്കിയെന്ന് കണ്ടെത്തിയിരുന്നു. കുട്ടിയെ ചികിത്സിക്കുന്ന ഡോക്ടര്മാരില് നിന്നാണ് ഇക്കാര്യം വ്യക്തമായത്. കുട്ടിയെ അരുണ് നിരന്തരം മര്ദ്ദിച്ചിരുന്നെന്ന് പൊലീസ് പറഞ്ഞു. അരുണിന്റെ ക്രിമിനല് പശ്ചാത്തലം കൂടി അടിസ്ഥാനമാക്കിയാണ് കേസ് അന്വേഷണം. മയക്കുമരുന്നുപയോഗിച്ചിരുന്ന പ്രതിയുടെ ചെയ്തികള് പുറത്തുവന്നതോടെ സമാനതകളില്ലാത്ത ക്രൂരതയാണ് നടന്നതെന്ന് വ്യക്തം.
അതേസമയം ഏഴ് വയസ്സുകാരന്റെ ആരോഗ്യനിലയില് പുരോഗതിയില്ല. മസ്തിഷ്കത്തിന്റെ പ്രവര്ത്തനം പൂര്ണ്ണമായും നിലച്ചു. ട്യൂബ് വഴി ദ്രവരൂപത്തിലുള്ള ഭക്ഷണം നല്കുന്നുണ്ട്. വെന്റിലേറ്റര് മാറ്റിയാല് കുട്ടിക്ക് അതിജീവിക്കാന് പറ്റാത്ത സാഹചര്യമാണ് നിലവിലുള്ളത്. എന്നാലും മറ്റു അവയവങ്ങള് പ്രവര്ത്തിക്കുന്ന സാഹചര്യത്തില് വെന്റിലേറ്റര് മാറ്റില്ലെന്നും ആശുപത്രി അധികൃതര് അറിയിച്ചു. കുട്ടിയുടെ തലച്ചോറിലേക്കുള്ള രക്തയോട്ടം 90 ശതമാനവും നിലച്ച അവസ്ഥയിലാണ്. വെന്റിലേറ്റര് സഹായത്തോടെയാണ് കുട്ടിയുടെ ജീവന് നിലനിര്ത്തുന്നത്. നിലവിലുള്ള ചികിത്സ തുടരാനാണ് മെഡിക്കല് സംഘത്തിന്റെ നിര്ദ്ദേശം. കഴിഞ്ഞ ദിവസം മുഖ്യമന്ത്രിയും ആരോഗ്യമന്ത്രിയും കുട്ടിയെ ആശുപത്രിയില് സന്ദര്ശിച്ചിരുന്നു.
https://www.facebook.com/Malayalivartha
