ആലത്തൂരിലെ യു.ഡി.എഫ് സ്ഥാനാര്ഥി രമ്യ ഹരിദാസിനെതിരെ എല്ഡിഎഫ് കണ്വീനര് എ വിജയരാഘവന് നടത്തിയ അശ്ലീലച്ചുവയുള്ള പരാമര്ശത്തില് വെട്ടിലായത് സിപിഎം , ആലത്തൂരില് സിപിഎം സ്ഥാനാര്ത്ഥിയുടെ വിജയസാധ്യത മങ്ങുന്നു
ആലത്തൂരിലെ യു.ഡി.എഫ് സ്ഥാനാര്ഥി രമ്യ ഹരിദാസിനെതിരെ നടത്തിയ അശ്ലീലച്ചുവയുള്ള പരാമര്ശത്തിലൂടെ വിവാദമായ എല്.ഡി.എഫ് കണ്വീനര് എ. വിജയരാഘവന്റെ പൊന്നാനി പ്രസംഗത്തില് മുസ്ലിം ലീഗിനെപ്പറ്റിയും അതിരുകടന്ന വാക്കുകള്.
പ്രസംഗത്തില് നിന്ന്: ''കോണ്ഗ്രസ്സുകാര് മുഴുവന് പാണക്കാട്ട് പോയാണ് നോമിനേഷന് കൊടുക്കാന് പോണത്. കോണ്ഗ്രസ്സിന്റെ ആത്മാഭിമാനമെവിടെ!. വെള്ളക്കാരനെതിരെ പോരടിച്ച ദേശീയ സ്വാതന്ത്ര്യ പൈതൃകത്തിന്റെ കണിക ഈ കോണ്ഗ്രസ്സിനുണ്ടോ. രാഹുല് ഗാന്ധി തെളിയിച്ചത് അതല്ലേ. ഏത് കൊടിയാ രാഹുല് ഗാന്ധി വന്നപ്പോ ഏറ്റവും കണ്ടത്, പച്ചക്കൊടി. രാഹുല് ഗാന്ധി ആ പച്ചക്കൊടിയുടെ നടുവിലൂടെ പോവുന്ന രംഗം എനിക്ക് ആലോചിക്കാനേ പറ്റുന്നില്ല. രാഹുല് ഗാന്ധി ഒരു കാര്യം മനസ്സിലാക്കണം. അദ്ദേഹം ധരിച്ച വെളുത്ത ഖദര് കുപ്പായത്തിന് വെള്ളക്കാരന്റെ പീരങ്കിയുടെയും തോക്കിന്റെയും മുന്നിലേക്ക് നടന്നുപോയി രക്തസാക്ഷികളായ ആയിരക്കണക്കിന് ഇന്ത്യന് പോരാളികളുടെ ജീവരക്തത്തിന്റെ ഭൂമിക കൂടിയുണ്ട് എന്ന് മനസ്സിലാക്കാനുള്ള ഉല്കൃഷ്ട ബോധം ഉണ്ടായിരുന്നെങ്കില് ഇന്ത്യന് യൂനിയന് മുസ്ലിം ലീഗിന്റെ പച്ചക്കൊടിയുടെ താഴേക്ക് വരാന് ഒരിക്കലും തയാറാകുമായിരുന്നില്ല. അപമാനമാണിത്. ഈ രാജ്യത്തിന്റെ അപമാനമാണ്.കൊണ്ടോട്ടി കെ.ടി.ഡി.സി ഹോട്ടലില് നടന്ന ലീഗ്എസ്.ഡി.പി.ഐ കൂടിക്കാഴ്ചയെ പരിഹസിക്കാന് ഒളിമ്പ്യന് കെ.ടി. ഇര്ഫാനെയും പരാമര്ശിക്കുന്നുണ്ട് വിജയരാഘവന്. 'ടി.വിയില് കണ്ടില്ലേ. ഇ.ടി മുഹമ്മദ് ബഷീറും പി.കെ. കുഞ്ഞാലിക്കുട്ടിയും എന്ത് വേഗതയിലാണ് നടക്കുന്നത്. അതിന് പിറ്റേന്നാണ് ആ വാര്ത്ത വരുന്നത്.കൊണ്ടോട്ടിക്കാരന് ഇര്ഫാന് നടത്തത്തില് ഒളിമ്പിക്സ് യോഗ്യത മാര്ക്ക് കടന്നുവെന്ന്. എന്താ കാരണം. തലേന്ന് ടി.വിയില് മുഹമ്മദ് ബഷീറും കുഞ്ഞാലിക്കുട്ടിയും കൂടി നടന്നുപോവുന്ന ദൃശ്യം കണ്ട് ആ കരുത്തോടുകൂടി ഊക്കില് നടന്നു.അപ്പോള് യോഗ്യത മാര്ക്ക് നേടി. ഈ തെരഞ്ഞെടുപ്പില് പൊന്നാനിയില് തോറ്റ് മുഹമ്മദ് ബഷീര് വീട്ടിലേക്ക് നടന്നുപോവുന്ന വേഗതയുടെ കരുത്തില് ഇര്ഫാന് ഒളിമ്പിക്സ് സ്വര്ണമെഡല് നേടുമെന്ന കാര്യത്തില് ഒരു സംശയവുമില്ല'' എന്നായിരുന്നു വാക്കുകള്. അരീക്കോട് കുനിയില് നിന്നുള്ള ഇര്ഫാനെ കൊണ്ടോട്ടിക്കാരന് എന്നാണ് മലപ്പുറം സ്വദേശിയായ വിജയരാഘവന് വിശേഷിപ്പിക്കുന്നത്.
വ്യക്തിഹത്യ നടത്തിയ എല്ഡിഎഫ് കണ്വീനര് എ. വിജയരാഘവനെതിരെ പൊലീസില് പരാതി നല്കുമെന്ന് ആലത്തൂരിലെ യുഡിഎഫ് സ്ഥാനാര്ഥി രമ്യ ഹരിദാസ്. അധിക്ഷേപം വലിയ പ്രയാസമുണ്ടാക്കി. ഈ നിലയിലെത്തിയത് ഒരുപാട് പ്രതിസന്ധികളെ തരണംചെയ്താണ്. തനിക്കും അമ്മയും അച്ഛനും കുടുംബവുമുണ്ടെന്ന് ഓര്ക്കണമായിരുന്നു. ഒരുപാട് പ്രതിസന്ധികള് തരണം ചെയ്താണ് പൊതുരംഗത്ത് നില്ക്കുന്നത്.
ആശയപരമായ പോരാട്ടമാണ് വേണ്ടത്. വ്യക്തിഹത്യ അംഗീകരിക്കാനാവില്ല. നവോത്ഥാനമുദ്രാവാക്യമുയര്ത്തുന്നവര് സ്ത്രീകളോട് ഇങ്ങനെയല്ല പെരുമാറേണ്ടത്. സ്ത്രീ സുരക്ഷയ്ക്കു ഏറെ പ്രാധാന്യം നല്കുന്ന മുഖ്യമന്ത്രിയാണ് ഇവിടെയുള്ളത്. താന് എങ്ങനെയുള്ള വ്യക്തിയാണെന്ന് ആലത്തൂര് ജനതയ്ക്കറിയാം. എത്ര പ്രതിസന്ധിയുണ്ടായാലും തളരില്ലെന്നും ആലത്തൂരില് ജയിക്കുമെന്നും രമ്യ മാധ്യമങ്ങളോടു പറഞ്ഞു.
ആലത്തൂര് സ്ഥാനാര്ഥി രമ്യ ഹരിദാസിനെതിരെ ഇന്നലെയാണ് എ. വിജയരാഘവന് അധിക്ഷേപ വാക്കുകള് ഉപയോഗിച്ചത്. രമ്യ മുസ്ലിം ലീഗ് നേതാവ് കുഞ്ഞാലിക്കുട്ടിയെ കണ്ടതിനെയാണ് എ.വിജയരാഘവന് മോശം രീതീയില് പരാമര്ശിച്ചത്. പൊന്നാനി ലോക്സഭാ മണ്ഡലം എല്.ഡി.എഫ് കണ്വന്ഷനിലായിരുന്നു എ.വിജയരാഘവന്റെ വിവാദ പരാമര്ശം
മുഖ്യമന്ത്രി പിണറായി വിജയന് എല്.ഡി.എഫ് കണ്വന്ഷന് വേദിയില് എത്തുന്നതിന് തൊട്ടു മുന്പായിരുന്നു എല്.ഡി.എഫ് കണ്വീനര് എ.വിജയരാഘവന്റെ വിവാദ പ്രസംഗം. മുസ്ലീം ലീഗ് നേതാക്കള്ക്കെതിരെ കടുത്ത വിമര്ശനം ഉന്നയിച്ചായിരുന്നു പ്രസംഗം തുടങ്ങിയത്. പൊന്നാനിയില് പി.വി.അന്വറിന്റെ സ്ഥാനാര്ഥിത്വം പ്രഖ്യാപിച്ചതു മുതല് നേതാക്കള് പാണക്കാട് എത്തുകയാണെന്നു പറഞ്ഞ വിജയരാഘവന് ആലത്തൂര് സ്ഥാനാര്ഥി കുഞ്ഞാലിക്കുട്ടിയെ കണ്ടതിനെ മോശം ഭാഷയില് ആണ് പരാമര്ശിച്ചത്
ബിരിയാണിയെന്നു കേട്ടാല് പാര്ലമെന്റ് മറക്കുന്നവരാണ് ലീഗിന്റെ എം.പിമാരെന്നും വിജയരാഘവന് വിമര്ശിച്ചു. രമ്യ ഹരിദാസിനെതിരായ പരാമര്ശം പ്രചാരണ വിഷയമാക്കാനാണ് യു.ഡി.എഫിന്റെ തീരുമാനം.
"
https://www.facebook.com/Malayalivartha
