ആറ്റിങ്ങല്‍ പാര്‍ലമെന്റ് മണ്ഡലം ബി.ജെ.പി സ്ഥാനാര്‍ത്ഥി ശോഭാസുരേന്ദ്രന്റെ കൈവശം പതിനയ്യായിരം രൂപയും ഭര്‍ത്താവിന്റെ കൈവശം 22,000 രൂപയുമുണ്ടെന്ന് നാമനിര്‍ദ്ദേശ പത്രികയ്‌ക്കൊപ്പം നല്‍കിയ രേഖകളില്‍ പറയുന്നു. ആശ്രിതന്റെ കൈവശം 1600 രൂപ. സ്വര്‍ണം 4 പവന്‍ (96,000 രൂപ മതിപ്പ്). ഭര്‍ത്താവിന്റെ കൈവശമുള്ള സ്വര്‍ണം 20 ഗ്രാം (60,000 രൂപ മതിപ്പ്). വാഹനം ബജാജ് ഡിസ്‌കവറി സ്‌കൂട്ടര്‍ (2009 മോഡല്‍, 40,000 രൂപ മതിപ്പു വില). ഭര്‍ത്താവിന്റെ പേരിലുള്ള വാഹനം മാരുതി സ്വിഫ്റ്റ് (2018 മോഡല്‍, 4,50,000 രൂപ മതിപ്പു വില). ഭര്‍ത്താവിന്റെ പേരിലുള്ള ജംഗമ ആസ്തി 6,37,949 രൂപ.

ആശ്രിതന്റെ പേരിലുള്ള ജംഗമ ആസ്തി 7313 രൂപ. സ്ഥാവര ആസ്തി 4,42,000 രൂപ. ഭര്‍ത്താവിന്റെ പേരിലുള്ള സ്ഥാവര ആസ്തി 7,30,000 രൂപ. ക്രമിനല്‍ കേസുകളുടെ എണ്ണം 11. പാലിയേക്കര ടോള്‍ പ്ലാസയ്‌ക്കെതിരായ സമരത്തില്‍ പങ്കെടുത്തതിന് . പൊലീസ് ഉദ്യോഗസ്ഥന്റെ ആജ്ഞ ലംഘിച്ച് പൊതുസ്ഥലത്ത് പ്രകടനം നടത്തിയതിന് . പൊലീസ് ഉദ്യോഗസ്ഥന്റെ ആജ്ഞ ലംഘിച്ച് പൊതുസ്ഥലത്ത് പ്രകടനം നടത്തി പൊതു മുതല്‍ നശിപ്പിച്ചു,. സ്ഥ നിയമവിരുദ്ധമായി പ്രകടനം നടത്തി റെയില്‍വേയുടെ പ്രവര്‍ത്തനം തടസപ്പെടുത്തിയതിന്. നിയമവിരുദ്ധമായി പ്രകടനം നടത്തി എയര്‍പോര്‍ട്ട് ഉപരോധിച്ചതിന് .ദേശീയ പാത ഉപരോധിച്ചതിന്
നിയമവിരുദ്ധമായി പ്രകടനം നടത്തി പൊലീസ് ആജ്ഞ ധിക്കരിച്ചതിന്റെ പേരില്‍ മൂന്നു കേസുകള്‍. 

നിയമവിരുദ്ധമായി പൊലീസ് ഉത്തരവ് ലംഘിച്ച് കളക്ടറേറ്റ് ഉപരോധിച്ചു.നിയമവിരുദ്ധമായി പൊലീസ് ഉത്തരവ് ലംഘിച്ച് സംഘംചേര്‍ന്നു. എന്നീ കേസുകളുമുണ്ട്. ആറ്റിങ്ങല്‍ മണ്ഡലത്തില്‍ മൂന്ന് മുന്നണികളിലെയും സ്ഥാനാര്‍ത്ഥികള്‍ ഈഴവ സമുദായത്തില്‍ പെട്ടവരാണ്.ബി.ജെ.പി ആദ്യം ടിപി സെന്‍കുമാറിനെ നിര്‍ത്തുമെന്ന് പറഞ്ഞെങ്കിലും നമ്പി നാരായണനെതിരെ പ്രസ്താവന നടത്തിയതിനാല്‍ ഒഴിവാക്കുകയായിരുന്നു. എല്‍.ഡി.എഫിലെ സമ്പത്തും യു.ഡി.എഫില്‍ അടൂര്‍ പ്രകാശുമാണ് സ്ഥാനാര്‍ത്ഥികള്‍. ലോക്‌സഭാ തെരഞ്ഞെടുപ്പിനുള്ള നാമനിര്‍ദേശ പത്രികാ സമര്‍പ്പണം നാളെ (ഏപ്രില്‍ 04) അവസാനിക്കും. ഇന്നലെ രണ്ടു പേര്‍ കൂടി പത്രിക സമര്‍പ്പിച്ചു. ഇതോടെ ജില്ലയിലെ രണ്ടു ലോക്‌സഭാ മണ്ഡലങ്ങളിലുമായി നാമനിര്‍ദേശ പത്രിക സമര്‍പ്പിച്ചവരുടെ എണ്ണം 15 ആയി. 

ജില്ലാ കളക്ടര്‍ ഡോ. കെ. വാസുകിക്കാണ് ശോഭാ സുരേന്ദ്രന്‍ പത്രിക നല്‍കിയത്. തിരുവനന്തപുരം മണ്ഡലത്തില്‍ പ്രവാസി നിവാസി പാര്‍ട്ടി സ്ഥാനാര്‍ഥിയായി പി. കേരള വര്‍മ രാജയും പത്രിക നല്‍കിയിട്ടുണ്ട്. ഇതോടെ തിരുവനന്തപുരം മണ്ഡലത്തില്‍ നാമനിര്‍ദേശ പത്രിക സമര്‍പ്പിച്ചവരുടെ എണ്ണം ഒമ്പതായി. ആറ്റിങ്ങല്‍ മണ്ഡലത്തില്‍ ഇതുവരെ ആറു പേര്‍ പത്രിക സമര്‍പ്പിച്ചു. പ്രവൃത്തി ദിവസങ്ങളില്‍ രാവിലെ 11 മുതല്‍ വൈകിട്ടു മൂന്നു വരെ വരണാധികാരിയായ ജില്ലാ കളക്ടര്‍ക്ക് നാമനിര്‍ദേശ പത്രികകള്‍ സമര്‍പ്പിക്കാം. വരണാധികാരിയുടെ അഭാവത്തില്‍ സ്‌പെസിഫൈഡ് എ.ആര്‍.ഒമാരായി നിശ്ചയിച്ചിട്ടുള്ള സബ് കളക്ടര്‍ കെ. ഇമ്പശേഖറിനും (തിരുവനന്തപുരം ലോക്‌സഭാ മണ്ഡലം) റവന്യൂ റിക്കവറി വിഭാഗം ഡെപ്യൂട്ടി കളക്ടര്‍ മോന്‍സി പി. അലക്‌സാണ്ടറിനും (ആറ്റിങ്ങല്‍ ലോക്‌സഭാ മണ്ഡലം) പത്രികകള്‍ സമര്‍പ്പിക്കാം. അഞ്ചിനാണ് നാമനിര്‍ദേശ പത്രികകളുടെ സൂക്ഷ്മ പരിശോധന നടക്കുന്നത്. എട്ടു വരെ പത്രികകള്‍ പിന്‍വലിക്കാം.