രാഹുല് ഗാന്ധിയും പ്രിയങ്കയും കോഴിക്കോടെത്തി, വന് സ്വീകരണം നല്കി പ്രവര്ത്തകര്; വയനാട്ട് നിന്നും മലബാര് മേഖലയില് നിന്നും രാത്രി കാത്ത് നിന്നത് ആയിരങ്ങള്; പ്രവര്ത്തകരെ നിരാശരാക്കാതെ രാഹുല് താരമായി
വയനാട് ലോക്സഭാ മണ്ഡലത്തില് നാമനിര്ദേശപത്രിക സമര്പ്പിക്കാനായി കോണ്ഗ്രസ് അദ്ധ്യക്ഷന് രാഹുല് ഗാന്ധിയും എ.ഐ.സി.സി ജനറല് സെക്രട്ടറി പ്രിയങ്ക ഗാന്ധിയും കരിപ്പൂരിലെത്തി. അസമില് നിന്ന് കരിപ്പൂര് വിമാനത്താവളത്തില് എത്തിയ ഇരുവരും റോഡ് മാര്ഗം കോഴിക്കോട്ടേക്ക് തിരിച്ചു.
പ്രിയങ്ക ഗാന്ധിയാണ് കരിപ്പൂര് വിമാനത്താവളത്തില് ആദ്യം എത്തിയത്. തുടര്ന്ന് എയര്പോര്ട്ട് ലോഞ്ചില് സഹോദരനും കോണ്ഗ്രസ് അദ്ധ്യക്ഷനുമായ രാഹുല് ഗാന്ധിക്ക് വേണ്ടി കാത്തിരുന്നു. ഒമ്ബതരയോടെ എത്തിയ രാഹുല് ഗാന്ധിയുമായി ഇരുവരും റോഡ് മാര്ഗംഗം കോഴിക്കോട് ഗസ്റ്റ് ഹൗസിലേക്ക് പോയി. പ്രതിപക്ഷനേതാവ് രമേശ് ചെന്നിത്തല,.കെ.പി.സി.സി അദ്ധ്യക്ഷന് മുല്ലപ്പള്ളി രാമചന്ദ്രന്, ഉമ്മന്ചാണ്ടി. പി.കെ.കുഞ്ഞാലിക്കുട്ടി, ഇ.ടി. മുഹമ്മദ് ബഷീര് തുടങ്ങിയ പ്രമുഖ നേതാക്കള് രാഹുല് ഗാന്ധിയെ സ്വീകരിക്കാന് വിമാനത്താവളത്തില് എത്തിയിരുന്നു. രാഹുലിനേയും പ്രിയങ്കയേയും സ്വീകരിക്കാന് നൂറുകണക്കിന് ആളുകളാണ് വിമാനത്താവളത്തിന് മുന്പില് എത്തിയത്.
രാത്രി കോഴിക്കോട് തങ്ങിയ ശേഷം രാഹുലും സംഘവും ഹെലികോപ്ടര് മാര്ഗം വ്യാഴാഴ്ച രാവിലെ വയനാട്ടിലേക്ക് തിരിക്കും. രാവിലെ പത്തോടെ കല്പറ്റ എസ്.കെ.എം.ജെ സ്കൂള് ഗ്രൗണ്ടില് ഇറങ്ങും. ഇവിടുന്ന് 400 മീറ്റര് മാത്രമാണ് പത്രിക കൊടുക്കുന്ന വയനാട് കലക്ടറേറ്റിലേക്കുള്ള ദൂരം. കല്പറ്റ ടൗണില് റോഡ് ഷോ നടത്തിയാണ് രാഹുല് പത്രിക നല്കാനെത്തുക എന്നാണ് സൂചന. സന്ദര്ശന ഭാഗമായി കനത്ത സുരക്ഷയാണ് കല്പറ്റയിലും പരിസരങ്ങളിലും ഒരുക്കിയിരിക്കുന്നത്. എസ്.പി.ജി നേരിട്ടാണ് സുരക്ഷയും മറ്റും കാര്യങ്ങളും നിയന്ത്രിക്കുന്നത്.
എസ്.പി.ജി എ.ഐ.ജി ഗുര്മീത് ഡോ!!റ്ജെയുടെ നേതൃത്വത്തിലുള്ള നൂറോളം പേരടങ്ങുന്ന സംഘം ഇതിനായി വയനാട്ടിലെത്തിയിട്ടുണ്ട്. കൂടാതെ, പൊലീസിന്റെ വന്പടയും സുരക്ഷയൊരുക്കും. സംഘടന ചുമതലയുള്ള എ.ഐ.സി.സി ജനറല് സെക്രട്ടറി കെ.സി. വേണുഗോപാലാണ് രാഹുലിന്റെ പരിപാടികള്ക്ക് ചുക്കാന് പിടിക്കുന്നത്. പത്രിക സമര്പ്പണത്തിന് എ.കെ. ആന്റണി ഉള്പ്പെടെയുള്ള മുതിര്ന്ന നേതാക്കള് രാഹുലിനെ അനുഗമിക്കും.
രാഹുല് ഗാന്ധിയോടൊപ്പം നാലു പേര്ക്ക് മാത്രമേ കളക്ടറുടെ ചേംബറിലേക്ക് കയറാന് അനുമതിയുള്ളൂ. മാദ്ധ്യമപ്രവര്ത്തകര്ക്കും കടുത്ത നിയന്ത്രണമുണ്ട്. പരമാവധി 10 മിനിറ്റിനകം നടപടിക്രമങ്ങള് പൂര്ത്തിയാക്കാനാണ് നിര്ദേശം. സുരക്ഷാ ക്രമീകരണങ്ങളുടെ ഭാഗമായി വ്യാഴാഴ്ച കലക്ടറേറ്റ് കോമ്ബൗണ്ടിനകത്ത് ജീവനക്കാരുടേത് ഉള്പ്പെടെയുള്ള സ്വകാര്യ വാഹനങ്ങള്ക്ക് പ്രവേശനം ഉണ്ടായിരിക്കില്ല.
നോമിനേഷന് കൊടുത്തതിനു ശേഷം രാഹുല് സമീപത്തെ ഏതെങ്കിലും ഓഡിറ്റോറിയത്തില് മണ്ഡലത്തിലെ പ്രധാനപ്പെട്ട നേതാക്കളുമായി ആശയവിനിമയം നടത്തും.
https://www.facebook.com/Malayalivartha
