വയനാട്ടില് യു.ഡി.എഫ് സ്ഥാനാര്ഥിയായി മത്സരിക്കുന്ന കോണ്ഗ്രസ് അധ്യക്ഷന് രാഹുല് ഗാന്ധി നാമനിര്ദേശ പത്രിക സമര്പ്പിക്കാനായി വയനാട്ടിലെത്തി; ഒപ്പം പ്രിയങ്കയും ; പത്രിക നല്കിയശേഷം രാഹുലും പ്രിയങ്കയും റോഡ്ഷോയില് പങ്കെടുക്കും
നാമനിര്ദേശ പത്രിക സമര്പ്പിക്കാനായി രാഹുല് ഗാന്ധി വയനാട്ടിലെത്തി. തുറന്ന വാഹനത്തില് നേതാക്കള്ക്കൊപ്പം കലക്ടറേറ്റിലേക്ക് പുറപ്പെട്ടു. പ്രിയങ്ക ഗാന്ധിയും ഒപ്പമുണ്ട്. പത്രിക നല്കിയശേഷം രാഹുലും പ്രിയങ്കയും റോഡ്ഷോയില് പങ്കെടുക്കും
രാഹുല് ഗാന്ധിയെ വരവേല്ക്കാനൊരുങ്ങിയിരിക്കുകയാണ് വയനാട്. രാഹുലിന്റെ ചിത്രമുള്ള ടീഷര്ട്ടും തൊപ്പിയും ധരിച്ച് യൂത്ത് കോണ്ഗ്രസ് പ്രവര്ത്തകര് ഇരുവരെയും അനുഗമിച്ചു. വൈത്തിരി വെടിവയ്പിനു തിരിച്ചടിക്കുമെന്ന മാവോയിസ്റ്റ് മുന്നറിയിപ്പിന്റെ പശ്ചാത്തലത്തില് അതീവ സുരക്ഷയിലാണ് മേഖല . എസ്പിജി നിയന്ത്രണത്തിലാണ് കല്പറ്റ നഗരം. രാവിലെ എട്ട് മുതല് വൈകിട്ട് ആറുവരെ താമരശേരി ചുരത്തില് ചരക്ക് വാഹനങ്ങള്ക്ക് പൂര്ണ നിയന്ത്രണമേര്പ്പെടുത്തി.
10.30 ഓടെ കോഴിക്കോട് ഗസ്റ്റ് ഹൗസില് നിന്നിറങ്ങിയ അദ്ദേഹം സമീപത്ത് കൂടിയിരുന്ന പ്രവര്ത്തകര്ക്കടുത്തേക്ക് അപ്രതീക്ഷിതമായി കാറില് നിന്നിറങ്ങിയെത്തി. സെക്കന്റുകള് മാത്രം അവിടെ ചിലവിട്ട ശേഷം വീണ്ടും കാറിലേക്ക് കയറി വിക്രം മൈതാനിയിലേക്ക് പോയി. പ്രിയങ്ക ഗാന്ധിയും ഹെലികോപ്ടറില് രാഹുലിനൊപ്പമുണ്ട്..
രാഹുല് എത്തുന്നതിന് മുമ്പായി തയ്യാറെടുപ്പുകള് വിലയിരുത്തുന്നതിനായി രാവിലെ 8.45 ഓടെ പ്രത്യേക ഹെലിക്കോപ്റ്ററില് എഐസിസി ജനറല് സെക്രട്ടറിമാരായ ഉമ്മന് ചാണ്ടിയും കെ.സി വേണുഗോപാലും, പി.കെ കുഞ്ഞാലിക്കുട്ടിയും കല്പ്പറ്റയിലെത്തി. ജില്ലയിലെ യുഡിഎഫ് നേതൃത്വവുമായി റോഡ് ഷോ അടക്കമുള്ള കാര്യങ്ങളെക്കുറിച്ച് ഇവര് സംസാരിച്ചു.
നാമനിര്ദേശപത്രിക നല്കിയ ശേഷം കല്പറ്റയില് രണ്ട് കിലോമീറ്റര് ദൂരം റോഡ് ഷോ നടത്തും. തുടര്ന്ന് തിരിച്ച് കരിപ്പൂരിലെത്തി രാഹുല് പ്രചാരണ പരിപാടിക്കായി നാഗ്പൂരിലേക്ക് പോകും. പ്രിയങ്ക ഡല്ഹിയിലേക്കാകും മടങ്ങുക.
https://www.facebook.com/Malayalivartha
