എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശനെതിരെ രൂക്ഷമായ ആരോപണം അഴിച്ചുവിട്ട ബിജുരേമേശനെതിരെ വെള്ളപ്പള്ളി രംഗത്ത്. ബിജുരമേശന്റെ ജല്‍പനങ്ങള്‍ക്ക് മറുപടി പറയാന്‍ കഴിയില്ലെന്ന് വെള്ളാപ്പള്ളി നടേശന്‍ തിരിച്ചടിച്ചു. ഒരു പ്രമുഖ ഓണ്‍ലൈന്‍ പത്രത്തിന് നല്‍കിയ അഭിമുഖത്തിലാണ് വെള്ളാപ്പള്ളി പ്രതികരിച്ചത്.
ബിജു രമേശിന്റെ ആരോപണങ്ങള്‍ തീര്‍ത്തും അടിസ്ഥാന രഹിതമാണെന്ന് വെള്ളാപ്പള്ളി പറഞ്ഞു. ബിജു രമേശ് ഇന്നു പറയുന്നതല്ല പിന്നീട് ആവര്‍ത്തിക്കുന്നതെന്ന് വെള്ളാപ്പള്ളി പറഞ്ഞു. ബാര്‍കോഴയുമായി ബന്ധപ്പെട്ട് മന്ത്രിസഭയിലെ മുഴുവന്‍ അംഗങ്ങളും പണം വാങ്ങിയെന്നു പറയുന്ന ബിജു ആരൊക്കെയാണെന്ന് വ്യക്തമാക്കണം. അതില്‍ ലീഗ് മന്ത്രിമാരും ഉള്‍പ്പെട്ടിട്ടുണ്ടോയെന്ന് പറയണം. കോഴയില്‍പ്പെടാത്ത രണ്ടുപേര്‍ ആരൊക്കെയെന്ന് വ്യക്തമാക്കണമെന്നും വെള്ളാപ്പള്ളി നടേശന്‍ പറഞ്ഞു.
എസ് എന്‍ സ്ഥാപനങ്ങളിലെ നിയമനത്തില്‍ അഴിമതിയുണ്ടെങ്കില്‍ അത് തെളിയിക്കണം. അല്ലാതെ അഭിമുഖം നല്‍കിയല്ല അത് പറയേണ്ടത്. നിയമനത്തിലെ സമുദായ സംവരണം നടപ്പിലാക്കാന്‍ കോളേജ് പ്രിന്‍സിപ്പല്‍മാര്‍ക്ക് അധികാരം നല്‍കിയിട്ടുണ്ട്. ഇതു നിരീക്ഷിക്കാന്‍ മാനേജ്‌മെന്റ് പ്രതിനിധിയുണ്ട്. അഴിമതി നടന്നിട്ടുണ്ടെന്നു തെളിയിച്ചാല്‍ പ്രിന്‍സിപ്പലിനെ പുറത്താക്കും.
എന്റെ ജാതി സ്‌നേഹം ബിജു രമേശിനെ കാണിക്കേണ്ടതില്ല. ഇയാള്‍ ധര്‍മ്മവേദിയുടെ പ്രചാരകനായതുക്കൊണ്ട് തനിക്കെതിരെ പ്രവര്‍ത്തിക്കുന്നതെന്നും ആരോപണത്തില്‍ കഴമ്പില്ലന്നും വെള്ളാപ്പള്ളി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha