ബിഷപ്പ് ഫ്രാങ്കോയുടെ സഹായിയില്‍ നിന്നും പിടിച്ച പണം തട്ടിയ കേസില്‍ രണ്ട് എ.എസ്.ഐമാര്‍ കൊച്ചിയില്‍ അറസ്റ്റില്‍. പഞ്ചാബ് പൊലീസിലെ എ.എസ്.ഐമാരായ ജോഗീന്ദ്രര്‍ സിംഗ്,​ രാജ്പ്രീത് സിംഗ് എന്നിവരാണ് കേരള പൊലീസിന്റെ പിടിയിലായത്. ഫോര്‍ട്ട് കൊച്ചിയിലെ ഹോട്ടലില്‍ ഒളിവില്‍ താമസിക്കവെയാണ് പട്യാല സ്വദേശികളായ ഇവര്‍ അറസ്റ്റിലാകുന്നത്.

ബിഷപ്പ് ഫ്രാങ്കോയുടെ സഹായിയായ വെെദികനില്‍ നിന്നും 16 കോടിയായിരുന്നു പഞ്ചാബ് പൊലീസ് പിടികൂടിയിരുന്നത്. എന്നാല്‍ ആദായ നികുതി വകുപ്പിന് മുന്നില്‍ 9 കോടി രൂപ മാത്രമേ കെെമാറിയിരുന്നുള്ളൂ. തുടര്‍ന്ന് രണ്ട് എ.എസ്.എെമാരും ഒളിവില്‍ പോകുകയായിരുന്നു. ഫോര്‍ട്ട് കൊച്ചിയിലെ ഹോട്ടലില്‍ അസ്വഭാവികമായി രണ്ട് പേര്‍ താവസിക്കുന്നുണ്ടെന്ന വിവരത്തെ തുടര്‍ന്ന പോലീസ് എത്തി അറസ്റ്റ് ചെയ്യുകയായിരുന്നു.