എസ്എസ്എല്സിക്ക് പിന്നാലെ രണ്ടാം വര്ഷ ഹയര് സെക്കന്ഡറി സര്ട്ടിഫിക്കറ്റുകളും ഈ വര്ഷം മുതല് ഡിജി ലോക്കര് സംവിധാനത്തിലേക്ക്
എസ്എസ്എല്സിക്ക് പിന്നാലെ രണ്ടാം വര്ഷ ഹയര് സെക്കന്ഡറി സര്ട്ടിഫിക്കറ്റുകളും ഈ വര്ഷം മുതല് ഡിജി ലോക്കര് സംവിധാനത്തില് ലഭ്യമാക്കാന് മന്ത്രി സി രവീന്ദ്രനാഥ് നിര്ദേശം നല്കി. പുനര്മൂല്യനിര്ണയം, സേ പരീക്ഷകളുടെ ഫലംകൂടി പ്രസിദ്ധീകരിച്ചശേഷം മുഴുവന് സര്ട്ടിഫിക്കറ്റുകളും ഡിജി ലോക്കറില് ജൂലൈയില് ലഭ്യമാക്കുമെന്ന് ഹയര് സെക്കന്ഡറി ജോയിന്റ് ഡയറക്ടര് ഡോ. എസ് എസ് വിവേകാനന്ദന് അറിയിച്ചു. അതേസമയം പ്ലസ് ടു പരീക്ഷയുടെ അച്ചടിച്ച സര്ട്ടിഫിക്കറ്റുകള് 30 മുതല് വിതരണം ചെയ്യും.
ഈ വര്ഷത്തെ എസ്എസ്എല്സി സര്ട്ടിഫിക്കറ്റുകള് ജൂലൈ 15 മുതല് ഡിജി ലോക്കറില് ലഭിക്കുന്നുണ്ട്. കഴിഞ്ഞ വര്ഷത്തെ എസ്എസ്എല്സി സര്ട്ടിഫിക്കറ്റുകള് ഡിജി ലോക്കറില് 15 മുതല് ലഭ്യമാണ്.
എല്ലാ രേഖകളും സുരക്ഷിതമായി ഇ രേഖകളായി സൂക്ഷിക്കുന്ന സംവിധാനമാണ് ഡിജി ലോക്കര്. https://digilocker.gov.in എന്ന സൈറ്റിലൂടെ മൊബൈല് നമ്പറും ആധാറും ഉപയോഗിച്ച് അക്കൗണ്ട് തുറക്കാം. സൈറ്റില് സൈന് അപ്പ് എന്ന ലിങ്ക് ക്ലിക്ക് ചെയ്ത് മൊബൈല് നമ്പര് കൊടുക്കണം. ഈ മൊബൈലിലേക്ക് ലഭിക്കുന്ന ഒറ്റത്തവണ പാസ്വേഡ് നല്കിയശേഷം യൂസര് നെയിമും പാസ്വേഡും നല്കണം. അതിനുശേഷം ആധാര് നമ്പര് ഇതിലേക്കു ലിങ്ക് ചെയ്യണം.
കഴിഞ്ഞ വര്ഷത്തെ എസ്എസ്എല്സി സര്ട്ടിഫിക്കറ്റ് ഡിജി ലോക്കറില് ലഭിക്കുന്നതിനായി ഡിജി ലോക്കറില് ലോഗിന് ചെയ്ത ശേഷം 'ഗെറ്റ് മോര് നൗ' എന്ന ബട്ടണ് ക്ലിക്ക് ചെയ്യണം. എജ്യുക്കേഷന് എന്ന സെക്ഷനില് നിന്നു ബോര്ഡ് ഓഫ് പബ്ലിക് എക്സാമിനേഷന് കേരള തെരഞ്ഞെടുക്കുക. തുടര്ന്ന് ക്ലാസ് 10 സ്കൂള് ലീവിങ് സര്ട്ടിഫിക്കറ്റ് സെലക്ട് ചെയ്യുക.
രജിസ്റ്റര് നമ്പറും വര്ഷവും കൊടുത്ത് സൈറ്റിലൂടെ ലഭിക്കുന്ന മാര്ഗനിര്ദേശം അനുസരിച്ചു ചെയ്താല് എസ്എസ്എല്സി സര്ട്ടിഫിക്കറ്റ് ലഭിക്കും. ഫോണ്: 1800 4251 1800(ടോള് ഫ്രീ)155300(ബിഎസ്എന്എല് നെറ്റ്വര്ക്കില് നിന്ന്) 0471 2115054,0471 2115098, 0471 2335523(മറ്റു നെറ്റ്വര്ക്കില് നിന്ന്).
https://www.facebook.com/Malayalivartha
