തൃശൂര് എന്നെ അങ്ങ് എടുത്തു... യുഡിഎഫ് സ്ഥാനാർഥി ടിഎൻ പ്രതാപന് മികച്ച ഭൂരിപക്ഷത്തോടെ വമ്പൻ വിജയം
യുഡിഎഫ് സ്ഥാനാർഥി ടിഎൻ പ്രതാപന് മികച്ച ഭൂരിപക്ഷത്തോടെ വിജയം. സുരേഷ് ഗോപിയുടെ സെലിബ്രിറ്റി സ്ഥാനാർത്ഥിത്വം കൊണ്ട് ശ്രദ്ധേയമായ മണ്ഡലമായിരുന്നു തൃശൂർ. തെരഞ്ഞെടുപ്പ് പ്രചാരണത്തിന്റെ സമയത്ത് സുരേഷ് ഗോപിയുടെ അതിപ്രസരം ഏറെ ചർച്ചകൾക്കിടയാക്കിയിരുന്നു. ‘തൃശൂർ ഞാനിങ്ങെടുക്കുവാ, തൃശൂരിനെ നിങ്ങൾ എനിക്ക് തരണം’ എന്നൊക്കെയായിരുന്നു സുരേഷ് ഗോപി പ്രചാരണസമയത്ത് പ്രസംഗിച്ചത്. ഇത് പരിഹാസങ്ങൾക്കിടയാക്കിയ സംഭവങ്ങളാണ്. ശബരിമല വിഷയത്തെച്ചൊല്ലിയുള്ള സുരേഷ് ഗോപിയുടെ പ്രസ്താവന തെരഞ്ഞെടുപ്പ് കമ്മീഷന്റെ അടുത്തുവരെയെത്തിയിരുന്നു. സുരേഷ് ഗോപി വരുന്നതോടെ തൃശൂരിൽ ബിജെപിയുടെ വിജയം ഉറപ്പാകുമെന്നൊക്കെയായിരുന്നു ബിജെപിയുടെ പ്രതീക്ഷ. എന്നാൽ ഫലസൂചനകൾ പുറത്തുവന്നപ്പോൾ സുരേഷ് ഗോപി ചിത്രത്തിൽ പോലുമുണ്ടായില്ല എന്നതായിരുന്നു സത്യം.
തൃശൂരിൽ വോട്ടെണ്ണി തുടങ്ങിയത് മുതൽ യുഡിഎഫിനായിരുന്നു ആധിപത്യം. സുരേഷ് ഗോപിക്ക് ഒരു ഘട്ടത്തിൽ പോലും മുന്നിലെത്താനായില്ല. സുരേഷ് ഗോപിയുടെ സ്ഥാനാർത്ഥിത്വത്തിൽ ആശങ്ക പ്രകടിപ്പിച്ച് ടി എൻ പ്രതാപൻ രംഗത്തെത്തിയിരുന്നെങ്കിലും, അതിശയകരമായ മുന്നേറ്റം തന്നെ ടിഎൻ പ്രതാൻ നടത്തി. മത നിരപേക്ഷതയുടെ വിജയമാണ് തൃശൂര് മണ്ഡലത്തിൽ ഉണ്ടായതതെന്ന് യുഡിഎഫ് സ്ഥാനാര്ത്ഥി ടിഎൻ പ്രതാപൻ പ്രതികരിച്ചിരുന്നു . ആദ്യാവസാനം ലീഡ് നിലനിര്ത്തിയാണ് ടിഎൻ പ്രതാപൻ തൃശൂരിൽ വിജയം ഉറപ്പിച്ചത്. തുടക്കത്തിൽ ചെറിയ സമയം മാത്രം ലീഡിലേക്ക് വന്ന ഇടത് മുന്നണിയുടെ രാജാജി മാത്യു തോമസ് പിന്നീടൊരിക്കലും പ്രതീപന്റെ ലീഡ് മറികടന്നില്ലെന്നതും ശ്രദ്ധേയമാണ്.
ചലചിത്രതാരവും രാജ്യസഭാ എംപിയുമായ സുരേഷ് ഗോപിയുട സ്ഥാനാര്ത്ഥിത്വം കൊണ്ട് കൂടി ശ്രദ്ധേയമായിരുന്നു ഇത്തവണ തൃശൂരിലെ മത്സരം. വോട്ടെണ്ണലിന്റെ തുടക്കം മുതൽ സുരേഷ് ഗോപി മൂന്നാം സ്ഥാനത്തായിരുന്നു. ശക്തി കേന്ദ്രങ്ങളിൽ പോലും ആധിപത്യം ഉറപ്പിക്കാൻ സുരേഷ് ഗോപിക്കായില്ല. പ്രചാരണ വേളയിൽ തൃശൂര് എനിക്ക് വേണം തൃശൂരിനെ ഞാനിങ്ങെടുക്കുവാ എന്ന സുരേഷ് ഗോപിയുടെ പ്രസംഗം സമൂഹമാധ്യമങ്ങളിൽ വലിയ തോതിൽ പ്രചാരം നേടിയിരുന്നു.
ജയം ഉറപ്പിച്ച ശേഷം സുരേഷ് ഗോപിക്ക് അതേ നാണയത്തിൽ മറുപടി നൽകാനും ടിഎൻ പ്രതാപൻ മറന്നില്ല. തൃശൂർ തൃശൂര്കാർ ആർക്കും എടുക്കാൻ കൊടുക്കില്ലെന്നായിരുന്നു ടിഎൻ പ്രതാപന്റെ മറുപടി. ഏഴ് നിയമസഭാ മണ്ഡലങ്ങളിൽ നാട്ടികയിൽ മാത്രമാണ് ടിഎൻ പ്രതാപന് രണ്ടാം സ്ഥാനത്ത് ഉണ്ടായത്. അതും നാട്ടികയിൽ ഇടത് മുന്നണി നേടിയാത് വളരെ ചെറിയ ലീഡ് മാത്രമാണ്. പുതുക്കാട് നാട്ടിക എന്നിവിടങ്ങളും തൃശൂരിലും ഇടക്കൊന്ന് മുന്നേറിയെങ്കിലും ബിജെപി സ്ഥാനാര്ത്ഥി സുരേഷ് ഗോപി പിന്നെയും മൂന്നാം സ്ഥാനത്തേക്ക് പോവുകയായിരുന്നു.
https://www.facebook.com/Malayalivartha
