പ്ലസ് വണ് പ്രവേശനത്തിന്റെ ആദ്യ അലോട്ട്മെന്റ് ലിസ്റ്റ് ഇന്ന്
പ്ലസ് വണ് പ്രവേശനത്തിന്റെ ആദ്യ അലോട്ട്മെന്റ് ലിസ്റ്റ് ഇന്ന് രാവിലെ 10 മണി മുതല് പ്രവേശനം സാധ്യമാകുന്നവിധം പ്രസിദ്ധീകരിക്കും. ആദ്യ അലോട്ട്മെന്റില് ഒന്നാമത്തെ ഓപ്ഷന് ലഭിക്കുന്നവര് ഫീസടച്ച് സ്ഥിരപ്രവേശനം നേടണം.
മറ്റ് ഓപ്ഷനുകളില് അലോട്ട്മെന്റ് ലഭിക്കുന്നവര്ക്ക് ഇഷ്ടാനുസരണം താത്കാലിക പ്രവേശനമോ സ്ഥിരപ്രവേശനമോ നേടാം. താത്കാലിക പ്രവേശനത്തിന് ഫീസടയ്ക്കേണ്ടതില്ല. താത്കാലികപ്രവേശനം നേടുന്നവര്ക്ക് ആവശ്യമെങ്കില് തിരഞ്ഞെടുത്ത ഏതാനും ഉയര്ന്ന ഓപ്ഷനുകള് മാത്രമായി റദ്ദാക്കാം. ഇതിനുളള അപേക്ഷയും പ്രവേശനം നേടുന്ന സ്കൂളിലാണ് നല്കേണ്ടത്.
ആദ്യ അലോട്ട്മെന്റില് ഇടം നേടാത്തവര് അടുത്ത അലോട്ട്മെന്റുകള്ക്കായി കാത്തിരിക്കണം. വിദ്യാര്ത്ഥികള്ക്ക് അപേക്ഷിച്ച ഓരോ സ്കൂളിലെയും കാറ്റഗറി തിരിച്ചുളള അവസാന റാങ്ക് വിവരങ്ങള് പരിശോധിക്കാം. അലോട്ടമെന്റ് ലഭിക്കുന്ന വിദ്യാര്ത്ഥികളെല്ലാം നിശ്ചിത സമയത്തിനുളളില് സ്കൂളുകളില് പ്രവേശനത്തിന് ഹാജരാകണമെന്നും ഹയര് സെക്കന്ഡറി ഡയറക്ടര് അറിയിച്ചു. രണ്ടാമത്തെ അലോട്ട്മെന്റിനുശേഷം ഇതുവരെ അപേക്ഷിക്കാന് കഴിയാത്തവര്ക്ക് സപ്ലിമെന്ററി അലോട്ട്മെന്റിനായി പുതിയ അപേക്ഷകള് സ്വീകരിക്കും.
സ്പോര്ട്സ് ക്വോട്ട സ്പെഷ്യല് അലോട്ട്മെന്റ് റിസള്ട്ടും ഇതിനോടൊപ്പം പ്രസിദ്ധീകരിക്കും. അഡ്മിഷന് 24 മുതല് 27 വരെ ആയിരിക്കും. വെബ്സൈറ്റില് അലോട്ട്മെന്റ് റിസല്ട്ടിനോടൊപ്പം പ്രസിദ്ധീകരിക്കുന്ന നിര്ദ്ദേശങ്ങളനുസരിച്ച് നിശ്ചിത സമയത്തിനുളളില് പ്രിന്സിപ്പല്മാര് പ്രവേശനനടപടികള് പൂര്ത്തിയാക്കണമെന്ന് ഹയര് സെക്കന്ഡറി ഡയറക്ടര് അറിയിച്ചു.
https://www.facebook.com/Malayalivartha
