പാലക്കാട്ടെ തോൽവിക്കു പിന്നിൽ ഗൂഡാലോചനയുണ്ടെന്നു പറഞ്ഞിട്ടില്ല; തിരിച്ചടിയുടെ കാരണങ്ങൾ സൂക്ഷ്മമായി പരിശോധിക്കുമെന്ന് എം.ബി. രാജേഷ്
പാലക്കാട്ടെ തോൽവിക്കു പിന്നിൽ ഗൂഡാലോചനയുണ്ടെന്നു പറഞ്ഞിട്ടില്ലെന്ന് മുൻ എംപി എം.ബി. രാജേഷ്. തോൽവിയിൽ ഗൂഡാലോചന ഇല്ലെന്നും ചെർപ്പുളശേരി പാർട്ടി ഓഫീസ് സംബന്ധിച്ച വിവാദത്തിൽ ഗൂഡാലോചനയുണ്ടെന്നാണു പറഞ്ഞതെന്നും രാജേഷ് വിശദീകരിച്ചു. ഇതു സംബന്ധിച്ച മാധ്യമവാർത്തകളും അദ്ദേഹം തള്ളി.
പാലക്കാട്ടെ പരാജയത്തിനു പിന്നിൽ ഗൂഡാലോചന എന്നാണ് മിക്ക മാധ്യമങ്ങളും റിപ്പോർട്ട് ചെയ്തിട്ടുള്ളത്. ഈ തലക്കെട്ട് ഒറ്റനോട്ടത്തിൽ തെറ്റിദ്ധാരണ സൃഷ്ടിക്കുന്നതാണ്. വിശദമായ വിശകലനങ്ങളും ചർച്ചകളും ഇനിയും നടക്കാനിരിക്കുന്നതേയുള്ളു. തിരിച്ചടിയുടെ കാരണങ്ങൾ സൂക്ഷ്മമായി പരിശോധിക്കുമെന്നും രാജേഷ് പറഞ്ഞു.
തോൽവിക്കു പിന്നിൽ ഗൂഡാലോചനയും നടന്നിട്ടില്ലെന്ന അസന്ദിഗ്ദ്ധമായ മറുപടി മാധ്യമങ്ങൾക്കു നൽകിയതാണ്. ചെർപ്പുളശേരി പാർട്ടി ഓഫീസ് സംബന്ധിച്ച വിവാദത്തിൽ ഗൂഡാലോചനയുണ്ടെന്നു പറഞ്ഞു. ആ ഗൂഡാലോചനയിൽ ഒരു സ്വാശ്രയ കോളജ് ഉടമയ്ക്ക് പങ്കുണ്ടെന്ന കാര്യം പറയുകയും ചെയ്തെന്നും രാജേഷ് വ്യക്തമാക്കി.എം.ബി. രാജേഷ് തുടർച്ചയായി ജയിച്ചുവന്ന പാലക്കാട്ട് യുഡിഎഫ് സ്ഥാനാർഥി വി.കെ. ശ്രീകണ്ഠൻ 11637 വോട്ടിന്റെ അട്ടിമറി ജയം നേടിയിരുന്നു.
https://www.facebook.com/Malayalivartha