നിറകണ്ണുകളോടെ പ്രിയങ്ക... വമ്പന് പരാജയത്തിന് ശേഷം പ്രിയങ്ക ഗാന്ധി മനസുതുറന്നു; മുതിര്ന്ന കോണ്ഗ്രസ് നേതാക്കളെ ഇരുത്തി വെള്ളം കുടിപ്പിച്ചു; എന്റെ സഹോദരന് പൊരുതിയത് ഏകനായി; തോല്വിയുടെ ഉത്തരവാദികളെല്ലാം ഈ ഹാളില് തന്നെയുണ്ട്
രാഹുല് ഗാന്ധിയും പ്രിയങ്ക ഗാന്ധിയും ഇറങ്ങിയിട്ടും കോണ്ഗ്രസിന് കാര്യമായി ഒന്നും ചെയ്യാന് കഴിയാതെ വന്നതോടെ അഴിച്ചുപണിക്കൊരുങ്ങുകയാണ്. അതിനിടെ കോണ്ഗ്രസിലെ മുതിര്ന്ന നേതാക്കള്ക്ക് എതിരെ പ്രവര്ത്തക സമിതി യോഗത്തില് രൂക്ഷ വിമര്ശനവുമായി പ്രിയങ്ക ഗാന്ധി രംഗത്തെത്തി. തെരഞ്ഞെടുപ്പില് എന്റെ സഹോദരന് ഏകനായാണ് പോരാടിയതെന്നും ഈ തോല്വിയുടെ ഉത്തരവാദിത്വം എല്ലാവര്ക്കുമുണ്ടെന്നും പ്രിയങ്ക പറഞ്ഞു. നരേന്ദ്ര മോദിക്കും ബി.ജെ.പിക്കുമെതിരെ താന് ഉയര്ത്തിക്കൊണ്ടുവന്ന പല വിഷയങ്ങളും ഏറ്റെടുക്കുന്നതിലും ജനങ്ങളിലേക്ക് എത്തിക്കുന്നതിലും പല നേതാക്കള്ക്കും വീഴ്ച സംഭവിച്ചെന്ന രാഹുലിന്റെ വിമര്ശനത്തിന് പിന്നാലെയാണ് പ്രിയങ്കയുടെ വിമര്ശനം.
തോല്വിയുടെ ഉത്തരവാദികളെല്ലാം ഈ ഹാളില്ത്തന്നെ ഇരിക്കുന്നുണ്ടെന്നു പറഞ്ഞാണ് പ്രിയങ്ക സംസാരിച്ച് തുടങ്ങിയത്. റഫാല് വിഷയത്തിലെ 'ചൗക്കിദാര് ചോര് ഹെ' മുദ്രാവാക്യം പോലും ഏറ്റെടുക്കാന് ആരും തയാറായില്ലെന്നും തോല്വിയുടെ ഉത്തരവാദികളെല്ലാം ഈ ഹാളില്ത്തന്നെ ഇരിക്കുന്നുണ്ടെന്നും പ്രിയങ്ക തുറന്നടിച്ചു.
നിലവിലെ സാഹചര്യത്തില് അധ്യക്ഷ പദവിയൊഴിയുന്നത് ബി.ജെ.പിയുടെ കെണിയില് വീഴുന്നതിനു തുല്യമാണെന്നും മുഖ്യശത്രുവായ രാഹുലിനെ രാഷ്ട്രീയത്തില് നിന്ന് ഒഴിവാക്കുകയാണ് എതിരാളികളുടെ ലക്ഷ്യമെന്നും പ്രിയങ്ക വ്യക്തമാക്കി.
ശനിയാഴ്ച നടന്ന പ്രവര്ത്തകസമിതി യോഗത്തില് രാജസ്ഥാന് മുഖ്യമന്ത്രി അശോക് ഗെലോട്ട്, മധ്യപ്രദേശ് മുഖ്യമന്ത്രി കമല്നാഥ്, മുന് കേന്ദ്രമന്ത്രി പി.ചിദംബരം എന്നിവര്ക്കെതിരെ രാഹുല് വിമര്ശനം ഉന്നയിച്ചിരുന്നു. പ്രതിസന്ധിഘട്ടങ്ങളിലും ഇവര് മക്കള്ക്കു സീറ്റ് ലഭിക്കുന്നതിനായി വാശിപിടിച്ചെന്ന് കോണ്ഗ്രസ് അധ്യക്ഷന് തുറന്നടിച്ചിരുന്നു.
അതേസമയം ലോക്സഭാ തെരഞ്ഞെടുപ്പിലെ ദയനീയ പരാജയത്തില് മുതിര്ന്ന കോണ്ഗ്രസ് നേതാക്കളെ വിമര്ശിച്ച് അധ്യക്ഷന് രാഹുല് ഗാന്ധിയും രംഗത്തെത്തി. ഇന്നലെ ചേര്ന്ന പ്രവര്ത്തക സമിതി യോഗത്തിലാണ് രാജസ്ഥാന് മുഖ്യമന്ത്രി അശോക് ഗെഹ്ലോട്ട്, മധ്യപ്രദേശ് മുഖ്യമന്ത്രി കമല്നാഥ്, പി ചിദംബരം എന്നവര്ക്കെതിരെ രാഹുല് രംഗത്തുവന്നത്.
തെരഞ്ഞെടുപ്പില് മക്കളുടെ കാര്യത്തിനാണ് മുന്ഗണന നല്കിയതെന്നാണ് രാഹുലിന്റെ വിമര്ശനം. പ്രാദേശിക നേതാക്കളെ വളര്ത്തിക്കൊണ്ടു വരാന് കോണ്ഗ്രസ് ശ്രമിക്കണമെന്ന് ജ്യോതിരാദിത്യ സിന്ധ്യ അഭിപ്രായപ്പെട്ടപ്പോഴാണ് രാഹുല് ഇടപെട്ട് ഇക്കാര്യം തുറന്നുപറഞ്ഞത്.
ജോദ്പൂരില് നിന്ന് അശോക് ഗെഹ്ലോട്ടിന്റെ മകന് വൈഭവ് ബിജെപി സ്ഥാനാര്ത്ഥിക്കെതിരെ 2.7 ലക്ഷം വോട്ടിന് പരാജയപ്പെട്ടു. എന്നാല് ചിന്ദ്വാരയില് നിന്ന് കമല്നാഥിന്റെ മകന് നകുല് നാഥും ശിവഗംഗയില് നിന്ന് ചിദംബരത്തിന്റെ മകന് കാര്ത്തി ചിദംബരവും വിജയിച്ചു.
അതേസമയം തോല്വിയുടെ ഉത്തരവാദിത്തം ഏറ്റെടുത്ത് രാജിവയ്ക്കുമെന്ന നിലപാടില് രാഹുല് ഗാന്ധി ഉറച്ചു നിന്നു. എന്നാല് മന്മോഹന് സിങ്ങും പ്രിയങ്ക ഗാന്ധിയും രാഹുലിനെ പിന്തിരിപ്പിച്ചതായാണ് റിപ്പോര്ട്ട്. രാഹുല് ഗാന്ധി ഇപ്പോള് രാജിവയ്ക്കുന്നത് പ്രവര്ത്തകര്ക്ക് നല്ല സന്ദേശം നല്കില്ലെന്ന് സോണിയ ഗാന്ധി വ്യക്തമാക്കി. ഇനി മുന്നോട്ട് പാര്ട്ടി സ്വീകരിക്കേണ്ട നിലപാട് എന്തെന്ന് തീരുമാനിക്കാന് പ്രവര്ത്തക സമിതി രാഹുലിനെ ഏല്പിച്ചു.
https://www.facebook.com/Malayalivartha
