കേ​ന്ദ്ര​ത്തി​ലെ മോ​ദി ഭ​ര​ണ​വും കേ​ര​ള​ത്തി​ലെ പി​ണ​റാ​യി ഭ​ര​ണ​വും ഒ​രു നാ​ണ​യ​ത്തി​ന്‍റെ ര​ണ്ടു വ​ശ​ങ്ങ​ളാ​ണെന്ന് പ്രതിപക്ഷ നേതാവ് രമേശ് ചെന്നിത്തല. ര​ണ്ടു കൂ​ട്ട​രും മ​ത​ന്യൂ​ന​പ​ക്ഷ-പി​ന്നോ​ക്ക-​ആ​ദി​വാ​സി വി​ഭാ​ഗ​ങ്ങ​ളെ പീ​ഡി​പ്പി​ക്കു​ന്ന​തി​ലും അ​വ​രു​ടെ അ​വ​കാ​ശ​ങ്ങ​ള്‍ നി​ഷേ​ധി​ക്കു​ന്ന​തി​ലും പ​ര​സ്പ​രം മ​ത്സ​രി​ക്കു​ക​യാ​യി​രു​ന്നുവെന്നും ചെ​ന്നി​ത്ത​ല കു​റ്റ​പ്പെ​ടു​ത്തി. കേ​ര​ള​ത്തി​ല്‍ അ​ധി​കാ​ര​ത്തി​ലെ​ത്തി​യാ​ല്‍ മ​ത​ന്യൂ​ന​പ​ക്ഷ-​പി​ന്നോ​ക്ക-​ആ​ദി​വാ​സി വി​ഭാ​ഗ​ങ്ങ​ള്‍​ക്കാ​യി പ​ദ്ധ​തി​ക​ള്‍ ആ​വി​ഷ്ക​രി​ക്കു​മെ​ന്നും അ​ദ്ദേ​ഹം പ​റ​ഞ്ഞു.

തെ​ര​ഞ്ഞെ​ടു​പ്പ് സ​മ​യ​ത്ത് ഇ​ട​തു​പ​ക്ഷം ഉ​യ​ര്‍​ത്തി​യ​ കോ-​ലീ-​ബി സ​ഖ്യം എ​ന്ന ആ​രോ​പ​ണം വെ​റും ആ​രോ​പ​ണം മാ​ത്ര​മാ​ണെ​ന്ന് തെ​ളി​ഞ്ഞു. സം​ഘ​പ​രി​വാ​ര​ത്തി​ന്‍റെ മു​ന്നേ​റ്റ​ത്തെ ത​ട​യാ​നാ​യ​ത് കോ​ണ്‍​ഗ്ര​സി​നും യു​ഡി​എ​ഫി​നും മാ​ത്ര​മാ​ണെ​ന്നുംചെന്നിത്തല ആഞ്ഞടിച്ചു. ധാ​ര്‍​ഷ്ട്യ​ത്തോ​ടെ​യു​ള്ള മു​ഖ്യ​മ​ന്ത്രി​യു​ടെ​യും ഇ​ട​ത് പ്ര​വ​ര്‍​ത്ത​ക​രു​ടെ​യും പ്ര​വ​ര്‍​ത്ത​ന ശൈ​ലി​ അ​വ​ര്‍​ക്ക് തി​രി​ച്ച​ടി​യായി. ശൈ​ലി മാ​റ്റി​ല്ലെ​ന്നാ​ണ് മു​ഖ്യ​മ​ന്ത്രി ആവര്‍ത്തിച്ച്‌ പറയുന്നത്. അ​തി​ന് ഞ​ങ്ങ​ള്‍​ക്ക് അ​ദ്ദേ​ഹ​ത്തോ​ട് ഏ​റെ ന​ന്ദി​യു​ണ്ടെന്നും രമേശ് ചെന്നിത്തല പ​രി​ഹ​സി​ച്ചു.

അ​ടു​ത്ത നി​യ​മ​സ​ഭാ തെ​ര​ഞ്ഞെ​ടു​പ്പി​നുശേ​ഷം യു​ഡി​എ​ഫ് കേ​ര​ള​ത്തി​ല്‍ അ​ധി​കാ​ര​ത്തി​ല്‍ വന്നാല്‍ ശ​ബ​രി​മ​ല​യ്ക്കാ​യി പ്ര​ത്യേ​ക നി​യ​മ​നി​ര്‍​മാ​ണം ന​ട​ത്തു​മെ​ന്നും അദ്ദേഹം പറഞ്ഞു. ലോക്സഭ തെ​ര​ഞ്ഞെ​ടു​പ്പ് വി​ജ​യ​ത്തി​ന് ജ​ന​ങ്ങ​ളോ​ട് ന​ന്ദി പ​റ​യു​ന്നു​വെ​ന്നും അ​വ​ര്‍ ന​ല്‍​കി​യ വി​ജ​യ​മാ​ണി​തെ​ന്നും ചെ​ന്നി​ത്ത​ല പ​റ​ഞ്ഞു. വന്‍ പരാജയം ഏറ്റുവാങ്ങിയ ഇ​ട​തു പ​ക്ഷ​ത്തി​ന് കേ​ര​ള​ത്തി​ല്‍ അ​ധി​കാ​ര​ത്തി​ല്‍ തു​ട​രാ​ന്‍ അ​വ​കാ​ശ​മി​ല്ല. ഇ​ട​തു​പ​ക്ഷം ജ​ന​മ​ന​സു​ക​ളി​ല്‍ നി​ന്ന് തൂ​ത്തെ​റി​യ​പ്പെ​ട്ടെ​ന്നും ചെ​ന്നി​ത്ത​ല തു​റ​ന്ന​ടി​ച്ചു.

ലോക്‌സഭ തിരഞ്ഞെടുപ്പില്‍ എല്‍.ഡി.എഫിനുണ്ടായ പരാജയത്തിന്റെ ഉത്തരവാദിത്വം ഏറ്റെടുത്ത് മുഖ്യമന്ത്രി രാജി വെക്കണമെന്ന ആവശ്യവുമായി പ്രതിപക്ഷ നേതാക്കള്‍ രംഗത്തെത്തിയിരുന്നു. മുഖ്യമന്ത്രിയുടെ ശൈലിയാണ് പരാജയത്തിന് കാരണമെന്നും വിമര്‍ശനമുയര്‍ന്നിരുന്നു. എന്നാല്‍ തന്റെ ശൈലിയില്‍ ഒരു മാറ്റവും വരുത്തില്ലെന്ന് മുഖ്യമന്ത്രി ഇതിനോട് പ്രതികരിച്ചിരുന്നു. മു​ഖ്യ​മ​ന്ത്രി​യു​ടെ ശൈ​ലി മാ​റ​രു​തെ​ന്നാ​ണ് യു​ഡി​എ​ഫ് ആ​ഗ്ര​ഹി​ക്കു​ന്ന​തെ​ന്ന് പ്ര​തി​പ​ക്ഷ നേ​താ​വ് ര​മേ​ശ് ചെ​ന്നി​ത്ത​ല കഴിഞ്ഞ ദിവസം പ്രതികരിച്ചിരുന്നു. ഇ​തേ ശൈ​ലി​യു​മാ​യി മു​ഖ്യ​മ​ന്ത്രി മു​ന്നോ​ട്ട് പോ​കു​ന്ന​താ​ണ് ത​ങ്ങ​ൾ​ക്ക് ന​ല്ല​തെ​ന്നും അ​ദ്ദേ​ഹം പ​റ​ഞ്ഞു. തെരഞ്ഞെടുപ്പ് വിജയത്തിൻ്റെ പശ്ചാത്തലത്തിൽ മാധ്യമപ്രവർത്തകരോട് പ്രതികരിക്കുകയായിരുന്നു ചെന്നിത്തല. പി​ണ​റാ​യി വി​ജ​യ​ന്‍ ക​ണ്ണ​ട​ച്ച് ഇ​രു​ട്ടാ​ക്കു​ക​യാ​ണ്. ക​ഴി​ഞ്ഞ മൂ​ന്ന് വ​ര്‍​ഷ​മാ​യി പ്ര​വ​ര്‍​ത്തി​ക്കാ​ത്ത സ​ര്‍​ക്കാ​രി​നെ​തി​രാ​യ ജ​ന​വി​കാ​ര​മാ​ണ് തെ​ര​ഞ്ഞ​ടു​പ്പി​ല്‍ ക​ണ്ട​ത്. തെ​ര​ഞ്ഞെ​ടു​പ്പി​ലെ പ​രാ​ജ​യ​ത്തെ കു​റി​ച്ച് വ​സ്തുനി​ഷ്ഠ​മാ​യ വി​ല​യി​രു​ത്ത​ല​ല്ല വി​ജ​യ​ന്‍റെ ഭാ​ഗ​ത്ത് നി​ന്നു​ണ്ടാ​യ​ത്. തെ​റ്റ് പ​റ്റി​യ​ത് ത​ങ്ങ​ൾ​ക്ക​ല്ലെ​ന്ന് പി​ണ​റാ​യി വാ​ദി​ക്കു​ന്നു. മൂ​ന്ന​ര​ക്കോ​ടി ജ​ന​ങ്ങ​ൾ​ക്ക് തെ​റ്റു​പ​റ്റി​യെ​ന്നാ​ണ് ഇ​വ​രു​ടെ വാ​ദ​മെ​ന്നും ചെ​ന്നി​ത്ത​ല കൂ​ട്ടി​ച്ചേ​ർ​ത്തു.

അതേസമയം നരേന്ദ്രമോദി സർക്കാർ 30 ന് അധികാരമേൽക്കും. രാഷ്‌ട്രപതിഭവനിൽ വ്യാഴാഴ്‌ച വൈകിട്ട് ഏഴിനു നടക്കുന്ന ചടങ്ങിൽ പ്രധാനമന്ത്രി നരേന്ദ്രമോദിക്കൊപ്പം മറ്റ് മന്ത്രിമാരും സത്യപ്രതിജ്ഞ ചെയ്യും. എൻ.ഡി.എ നേതൃത്വം നൽകുന്ന രണ്ടാം മോദി മന്ത്രിസഭയിൽ പുതുമുഖങ്ങൾക്ക് കൂടുതൽ പ്രാമുഖ്യമുണ്ടാകും. മുൻ മന്ത്രിസഭയിലെ മുതിർന്ന അംഗങ്ങളെ നിലനിറുത്തി, സ്‌ത്രീകൾക്കും യുവാക്കൾക്കും കൂടുതൽ പ്രാതിനിധ്യം നൽകുമെന്നാണ് സൂചന.

സത്യപ്രതിജ്ഞാ ചടങ്ങ് പ്രൗഢഗംഭീരമാക്കാനുള്ള ഒരുക്കങ്ങളിലാണ് ബി.ജെ.പി. ചടങ്ങിൽ വിദേശ നേതാക്കൾ പങ്കെടുക്കുമെന്ന് അറിയിച്ചിട്ടുണ്ടെങ്കിലും, ആരെല്ലാമെത്തുമെന്ന് വിദേശകാര്യ മന്ത്രിലായം സ്ഥിരീകരിച്ചിട്ടില്ല.ശനിയാഴ്‌ച, ദേശീയ ജനാധിപത്യ സഖ്യത്തിന്റെ നേതാവായി തിരഞ്ഞെടുക്കപ്പെട്ട മോദിയെ പ്രധാനമന്ത്രിയായി നിയമിച്ച് വൈകിട്ടു തന്നെ രാഷ്‌ട്രപതി ഉത്തരവിറക്കിയിരുന്നു.