കേരളത്തിന്റെ തീരപ്രദേശങ്ങളില് ഐഎസ് സാന്നിധ്യമെന്ന് ഇന്റലിജന്സ് റിപ്പോർട്ട്; സുരക്ഷാ മുന്നറിയിപ്പുകളുടെ പശ്ചാത്തലത്തില് സംസ്ഥാന പൊലീസ് മേധാവി ലോകനാഥ് ബെഹ്റ വിവിധ സുരക്ഷാ ഏജന്സികളിലെ ഉന്നത ഉദ്യോഗസ്ഥരുമായി ചര്ച്ച നടത്തി
കേരളത്തിന്റെ തീരപ്രദേശങ്ങളില് ഐഎസ് സാന്നിധ്യമെന്ന് ഇന്റലിജന്സ് റിപ്പോർട്ട്. സുരക്ഷാ മുന്നറിയിപ്പുകളുടെ പശ്ചാത്തലത്തില് സംസ്ഥാന പൊലീസ് മേധാവി ലോകനാഥ് ബെഹ്റ വിവിധ സുരക്ഷാ ഏജന്സികളിലെ ഉന്നത ഉദ്യോഗസ്ഥരുമായി ചര്ച്ച നടത്തി.
ഐഎസ് ഭീഷണി നേരിടുന്നതുമായി ബന്ധപ്പെട്ട പ്രവര്ത്തനങ്ങള് ഏകോപിപ്പിക്കുന്നതിനുള്ള സംസ്ഥാനതല കോര്ഡിനേറ്ററായി സെക്യൂരിറ്റി വിഭാഗം ഐജി ജി.ലക്ഷ്മണിനെ നിയോഗിച്ചു. ഭീഷണി സംബന്ധിച്ച് ഇന്ത്യന് കോസ്റ്റ് ഗാര്ഡിലെ മുതിര്ന്ന ഉദ്യോഗസ്ഥരുമായി സംസ്ഥാന പൊലീസ് മേധാവി പ്രത്യേകം കൂടിക്കാഴ്ച നടത്തി.
സുരക്ഷാ ഭീഷണി നേരിടുന്നതിന് എല്ലാവിധ സജ്ജീകരണങ്ങളും ക്രമീകരിച്ചിട്ടുണ്ട് . സുരക്ഷാ മുന്നറിയിപ്പിന്റെ അടിസ്ഥാനത്തില് ആവശ്യമായ മുന്കരുതല് നടപടികള് സ്വീകരിക്കുന്നതിന് എല്ലാ ഐജിമാര്ക്കും ജില്ലാ പൊലീസ് മേധാവിമാര്ക്കും കോസ്റ്റല് പൊലീസ് സ്റ്റേഷന് അധികൃതര്ക്കും തീരദേശത്തെ മറ്റു പൊലീസ് സ്റ്റേഷനുകള്ക്കും നിര്ദ്ദേശം നല്കിയിട്ടുണ്ട്. ഇക്കാര്യത്തില് തീരപ്രദേശത്തെ ജനങ്ങളുടെ സഹകരണം സംസ്ഥാന പൊലീസ് മേധാവി അഭ്യര്ത്ഥിച്ചു.
ശ്രീലങ്കൻ സ്ഫോടന പരമ്പരകൾക്ക് ശേഷം ഉടലെടുത്ത സാഹചര്യങ്ങളുടെ പശ്ചാത്തലത്തിൽ ഇസ്ലാമിക് സ്റ്റേറ്റ് ഭീകരര് ലക്ഷദ്വീപ് ലക്ഷ്യമാക്കി നീങ്ങുന്നതായുള്ള രഹസ്യാന്വേണ ഏജൻസികളുടെ റിപ്പോർട്ടുകൾക്ക് പിറകെ കേരള പോലീസ് നടപടികൾ കർശനമാക്കിയിരിക്കുകയാണ്.
https://www.facebook.com/Malayalivartha
