വീണ്ടും പോലീസ് പണി തുടങ്ങിയോ? ജനമൈത്രി പോലീസ് ജനമൈത്രീ പോലീസ് എന്ന് കേട്ടിട്ടേയുള്ളൂ; തിരുവല്ലത്തെ പോലീസ് അതിക്രമം സംസ്ഥാന പോലീസിനെ നാണം കെടുത്തുന്നു
തിരുവനന്തപുരത്തെ ഷൂട്ടിംഗ് കേന്ദ്രമാണ് തിരുവല്ലം. ചിത്രാജ്ഞലി സ്റ്റുഡിയോ ഉള്ളതിനാല് അതിന്റെ പരിസരം ധാരാളം സിനിമാ സീരിയല് ടെലിഫിലിം ചിത്രീകരണങ്ങള്ക്ക് വേദിയാകാറുണ്ട്. കഴിഞ്ഞ ദിവസം സ്റ്റുഡിയോ ജങ്ഷനില് ആള്ക്കൂട്ടം കാഴ്ചക്കാരായി നിന്നപ്പോള് സിനിമാ ഷൂട്ടെന്നാണ് പലരും കരുതിയത്. ഒരാളെ പോലീസ് മര്ദിക്കുന്നതും യുവതി തടയാന് വരുന്നതും യുവതിയെ മുട്ടുകാല് ചവിട്ടി മറിക്കുന്നതും യുവതി തെറിച്ച് വീഴുന്നതും എല്ലാം സിനിമാ സ്റ്റൈലില് തന്നെ. എന്നാല് കളി മാറിയതോടെ സംഭവം സിനിമയിലല്ലെന്ന് മനസിലായി. ഉത്തരേന്ത്യയിലും സിനിമയിലും മാത്രം കണ്ടിട്ടുള്ള നടുറോഡിലെ ക്രൂര മര്ദനം ഇപ്പോള് ചര്ച്ചയാകുകയാണ്.
പോലീസിന് ജനകീയ മുഖം നല്കാനായി മുഖ്യമന്ത്രിയും ആഭ്യന്തര വകുപ്പ് മന്ത്രിയും കൂടിയായ പിണറായി വിജയന് ശക്തമായ നടപടികള് ചെയ്യുമ്പോഴാണ് ചില പോലീസുകാര് ജനങ്ങളെ വെറുപ്പിക്കുന്ന തരത്തിലുള്ള മൃഗീയത കാട്ടുന്നത്. ഇത് ഒരു തരത്തിലും അംഗീകരിക്കാന് കഴിയില്ല. നടുറോഡില് ഒരു യുവതിയെ പോലീസുകാരന് മുട്ടുകാല് കൊണ്ട് തൊഴിക്കുന്നത് പോലീസ് ഭീകരത ഓര്മ്മപ്പെടുത്തുന്നതാണ്.
അതേസമയം തിരുവല്ലത്ത് റോഡില് പരസ്യമായി യുവാവിനെ മര്ദ്ദിച്ച പൊലീസുകാരെ സിറ്റി പൊലീസ് സസ്പെന്റ് ചെയ്തു. മര്ദ്ദനത്തെ കുറിച്ച് സമൂഹമാധ്യമങ്ങളില് പ്രചരിച്ച വിഡിയോയുടെ അടിസ്ഥാനത്തില് എസ്. സി.പി.ഒ സൈമന്, സി പി ഒ ഗോപിനാഥ് എന്നിവരെയാണ് സിറ്റി പൊലീസ് കമ്മീഷണര് സസ്പെന്ഡ് ചെയ്തത്.
അയല്ക്കാരിയായ സ്ത്രീയേയും കുട്ടികളേയും ആക്രമിച്ചു എന്ന പരാതിയിലാണ്, പോക്സോ കേസ് അടക്കം നിരവധി കേസുകളില് പ്രതിയായ വല്ലംചിറ സ്വദേശി അനീഷിനെ (25) പൊലീസ് കസ്റ്റഡിയിലെടുത്തത്. പ്രതിക്കെതിരെ പോലീസ് കസ്റ്റഡിയില് നിന്നും രക്ഷപെടാന് ശ്രമിച്ചതിനും കേസ് എടുത്തിട്ടുണ്ട്.
എന്നാല് സംഭവത്തില് പോലീസ് പറയുന്നത് മറ്റൊരു കഥയാണ്. അയല്വീട്ടിലെ സത്രീയെയും കുട്ടികളെയും ആക്രമിച്ചുവെന്ന പരാതിയിലാണ് അനീഷ്നെ ഞായറാഴ്ച വൈകിട്ട് തിരുവല്ലം പൊലീസ് കസ്റ്റഡിയില് എടുത്തത്. ഇതിനു പിന്നാലെ ഇയാളുടെ അമ്മയും ഭാര്യയും പൊലീസ് സ്റ്റേഷനിലെത്തിയത്. ഇതിനിടയിലാണ് സംഭവം അരങ്ങേറിയത്.
എസ്ഐ അടക്കമുള്ള മറ്റ് ഉദ്യോഗസ്ഥര് പുറത്തേക്ക് പോയ സമയത്ത് അനീഷ് പാറാവുകാരനെ തള്ളിമാറ്റി പുറത്തേക്ക് ഓടി രക്ഷപ്പെടാന് ശ്രമിച്ചതായി പോലീസ് പറയുന്നു. പിന്നാലെ ഓടിയെത്തിയ പാറാവുകാരനും ഹെഡ് എസ്സിപിഒയും ചേര്ന്ന് ഇയാളെ പിടികൂടുകയായിരുന്നു. ഇയാള് ഓടാതിരിക്കാനാണു കാലില് ചവിട്ടിപ്പിടിച്ചതെന്നാണ് പൊലീസിന്റെ വിചിത്രവാദം. തിരുവല്ലം സ്റ്റുഡിയോ ജംക്ഷനില് റോഡില് വീണു കിടക്കുന്ന അനീഷിന്റെ കാലില് പൊലീസുകാരന് ചവിട്ടുന്ന ദൃശ്യങ്ങള് സമൂഹമാധ്യമങ്ങളിലൂടെ പ്രചരിച്ചപ്പോള് സംഭവം വിവാദമായി.
അനീഷിനെ മര്ദിക്കുന്നതു തടയാന് ശ്രമിച്ച ഭാര്യക്കു നേരേയും പൊലീസ് അക്രമം അഴിച്ചു വിട്ടു. അനീഷിന്റെ കാലില് ചവിട്ടുന്നത് തടഞ്ഞ ഭാര്യയെ പൊലീസ് ഉദ്യോഗസ്ഥന് കാല്മുട്ടു മടക്കി ഇടിച്ച് തെറിപ്പിക്കുന്ന ദൃശ്യങ്ങളാണ് സമൂഹമാധ്യമങ്ങളില് പ്രചരിച്ചത്. സമൂഹമാധ്യമങ്ങളില് പ്രചരിച്ച വീഡിയോയുടെ അടിസ്ഥാനത്തിലാണ് പോലീസുകാര്ക്കെതിരെ നടപടിക്ക് ശുപാര്ശ ചെയ്തത്. തിരുവല്ലം പൊലീസ് സ്റ്റേഷനിലെ ഹെഡ്കോണ്സറ്റബിള് സൈമണിനെതിരെ ഫോര്ട്ട് അസിസ്റ്റ്ന്റ് കമ്മീഷണര് ആര്.പ്രതാപന് നായര് ഉന്നത ഉദ്യോഗസ്ഥര്ക്കു റിപ്പോര്ട്ട് നല്ക്കുകയായിരുന്നു.
L"
https://www.facebook.com/Malayalivartha
