ആധിപിടിച്ച് രാഹുല്... പ്രധാനമന്ത്രിയായി നരേന്ദ്രമോദി സത്യപ്രതിജ്ഞ ചെയ്യുമ്പോള് അതൊന്നും ഉള്ക്കൊള്ളാനാകാതെ സമ്പൂര്ണ പരാജയവുമായി പടിയിറങ്ങാനൊരുങ്ങി രാഹുല് ഗാന്ധി; രാഹുല് പോകാതിരിക്കാന് എല്ലാ സംസ്ഥാനങ്ങളിലും അണികളുടെ പ്രകടനം
അഴകിയ രാവണന് സിനിമയിലെ ശ്രീനിവാസന് പറയുന്ന ഡയലോഗ്സാണ് അവിടെ പാലുകാച്ച് ഇവിടെ കല്യാണമെന്ന്... അതുപോലയാണ് ഡല്ഹിയിലും സംഭവിക്കുന്നത് അവിടെ പാലുകാച്ച് നടക്കുമ്പോള് ഇവിടെ കല്യാണം നടത്താനാണ് കോണ്ഗ്രസ് പ്രവര്ത്തകര് നോക്കുന്നത്. രാഹുല് ഗാന്ധിയാകട്ടെ കോണ്ഗ്രസ് അധ്യക്ഷ പദവിയില് നിന്നും ഡൈവോഴ്സിലേക്കും.
അധ്യക്ഷപദവി രാജിവെക്കാനുള്ള രാഹുല്ഗാന്ധിയുടെ തീരുമാനവുമായി ബന്ധപ്പെട്ട പ്രതിസന്ധിയില്നിന്നു കോണ്ഗ്രസിന് ഇനിയും കരകയറാനായിട്ടില്ല. മനംമാറ്റാന് കൂടിക്കാഴ്ചയ്ക്കു ശ്രമിച്ച നേതാക്കള്ക്ക് ബുധനാഴ്ച രാഹുല് അനുവാദം നല്കിയില്ല. ആശയവിനിമയം പ്രിയങ്കാഗാന്ധി വഴിയാക്കി നേതാക്കളോട് മൗനത്തിലാണ് കോണ്ഗ്രസ് അധ്യക്ഷന്. കഴിയുന്നതുംവേഗം നെഹ്രു കുടുംബത്തിനു പുറത്തുനിന്നൊരാളെ അധ്യക്ഷനായി കണ്ടെത്തണമെന്നാണ് നിര്ദേശം. ബുധനാഴ്ച പ്രിയങ്കയെ മാത്രമാണ് രാഹുല് കണ്ടത്.
നെഹ്രു കുടുംബവുമായി അടുപ്പമുള്ള ഡല്ഹി മുന്മുഖ്യമന്ത്രി ഷീലാ ദീക്ഷിതും രാഹുലിനെ കാണാനുള്ള അനുമതി നിഷേധിക്കപ്പെട്ടവരില് ഉള്പ്പെടും. പ്രവര്ത്തകര്ക്കൊപ്പം ബുധനാഴ്ച വൈകീട്ട് തുഗ്ലക്ക് ലൈനിലെ രാഹുലിന്റെ വീട്ടിലെത്തിയ ഷീലാ ദീക്ഷിത് നിരാശയായി മടങ്ങി. രാജിവെക്കരുതെന്ന സന്ദേശം രാഹുലിനു കൈമാറിയതായും അദ്ദേഹം തുടരണമെന്നാണാഗ്രഹമെന്നും ദീക്ഷിത് മാധ്യമപ്രവര്ത്തകരോടു പറഞ്ഞു.
ജഗദീഷ് ടൈറ്റ്ലറെ കാണാനും രാഹുല് കൂട്ടാക്കിയില്ല. രാജി പിന്വലിക്കണമെന്നാവശ്യപ്പെട്ട് ഡല്ഹിയിലെ കോണ്ഗ്രസ് നേതാവ് വിജയ് ജതന്റെ നേതൃത്വത്തില് നാലുപേര് രാഹുലിന്റെ വീടിനുമുന്നില് കുത്തിയിരുന്നെങ്കിലും പോലീസിടപെട്ട് നീക്കി.
രാഹുലിന്റെ തീരുമാനം ആത്മഹത്യപരമാണെന്ന നിലപാടിലാണ് ഘടകക്ഷി നേതാക്കളെല്ലാം. ഇക്കാര്യം ഇവര് ഫോണ്മുഖേനയും മറ്റും രാഹുലിനെ അറിയിച്ചു. തീരുമാനത്തില്നിന്നു പിന്തിരിയണമെന്നാവശ്യപ്പെടാന് കര്ണാടക മുഖ്യമന്ത്രി കുമാരസ്വാമി വ്യാഴാഴ്ച രാഹുലിനെ കാണും.
വെള്ളിയാഴ്ച പ്രതിപക്ഷ പാര്ട്ടികളുടെ യോഗവും ശനിയാഴ്ച കോണ്ഗ്രസ് എം.പി.മാരുടെ പാര്ലമെന്ററി പാര്ട്ടി യോഗവും തീരുമാനിച്ചിട്ടുണ്ടെന്ന് ഹൈക്കമാന്ഡ് വൃത്തങ്ങള് പറഞ്ഞു. ഇതില് രാഹുല് പങ്കെടുക്കും. വ്യാഴാഴ്ച പ്രധാനമന്ത്രിയുടെ സത്യപ്രതിജ്ഞാ ചടങ്ങില് രാഹുലും സോണിയയും പങ്കെടുക്കും. വെള്ളിയാഴ്ചത്തെ യോഗത്തില് ദേശീയതലത്തില് കോണ്ഗ്രസിനൊപ്പം നില്ക്കുന്ന 21 പ്രതിപക്ഷ പാര്ട്ടികളുടെ നേതാക്കളും തീരുമാനം പുനഃപരിശോധിക്കാന് രാഹുലിനോടാവശ്യപ്പെടുമെന്നാണ് സൂചന.
ചല ബദല് നിര്ദേശങ്ങളും ഉയര്ന്നിട്ടുണ്ട്. രാഹുലിനൊപ്പം മുഴുവന് പ്രവര്ത്തകസമിതി അംഗങ്ങളും രാജിവെക്കുക, കോണ്ഗ്രസ് പ്ലീനറി സമ്മേളനത്തിലൂടെ പുതിയ പ്രസിഡന്റിനെയും പ്രവര്ത്തകസമിതി അംഗങ്ങളെയും തിരഞ്ഞെടുക്കുക തുടങ്ങിയവ ഇതില്പ്പെടും. വര്ക്കിങ് പ്രസിഡന്റ്, വൈസ് പ്രസിഡന്റ്, മേഖലാതല വര്ക്കിങ് പ്രസിഡന്റ് തുടങ്ങിയ നിര്ദേശങ്ങള് നേരത്തേ ഉയര്ന്നിരുന്നു.
രാജസ്ഥാന് കോണ്ഗ്രസ് കമ്മിറ്റി ബുധനാഴ്ച ജയ്പുരില് യോഗം ചേര്ന്ന് രാഹുലിന്റെ രാജി സ്വീകരിക്കരുതെന്ന് പ്രമേയം പാസാക്കി. മുഖ്യമന്ത്രി അശോക് ഗഹ്ലോത്, ഉപമുഖ്യമന്ത്രി സച്ചിന് പൈലറ്റ് തുടങ്ങിയവര് പങ്കെടുത്തു.
അതിനിടെ, ഒഡിഷയില് മുഖ്യമന്ത്രിയായി അധികാരമേറ്റ നവീന് പടിനായിക്കിനെ ട്വിറ്ററിലൂടെ രാഹുല് അഭിനന്ദിച്ചു.
അതേസമയം കോണ്ഗ്രസ് അധ്യക്ഷ സ്ഥാനം രാജിവെക്കുമെന്ന രാഹുല് ഗാന്ധിയുടെ തീരുമാനം മാറ്റുന്നതിനായി പൂജയും സമരവുമായി കോണ്ഗ്രസ് പ്രവര്ത്തകര് രംഗത്തെത്തിയിട്ടുണ്ട്. രാജസ്ഥാനിലെ ജയ്പൂരിലാണ് രാഹുല് ഗാന്ധിയുടെ മനസ്സ് മാറാന് കോണ്ഗ്രസ് പ്രവര്ത്തകര് യാഗം നടത്തിയത്. കെപിസിസി ആസ്ഥാനത്തിന് സമീപമായിരുന്നു പ്രവര്ത്തകരുടെ യാഗം. രാജി തീരുമാനം ഉപേക്ഷിക്കും വരെ യാഗം തുടരുമെന്ന് കോണ്ഗ്രസ് വക്താവ് ഗോപാല് ദേല്വാല് പറഞ്ഞു. അതിനിടെ രാജ്യ വ്യാപക പ്രകടനവും നടക്കുന്നു.
" frameborder="0" allow="autoplay; encrypted-media" allowfullscreen>
https://www.facebook.com/Malayalivartha
