മനോരമ ഓൺലൈനിനെതിരെ രൂക്ഷ വിമർശനവുമായി ബിജെപി മീഡിയ കോർഡിനേറ്റർ സന്ദീപ് വചസ്പതി. മാധ്യമ പ്രവർത്തകൻ തോമസ് ഡൊമിനിക്കിന്റെ ലേഖനത്തോടാണ് സന്ദീപ് വചസ്പതി രൂക്ഷ ഭാഷയിൽ വിമർശനം ഉയർത്തിയിരിക്കുന്നത്. 'കൂടുതൽ കരുത്തോടെ ഭരണത്തലപ്പത്തേക്ക് വീണ്ടും നരേന്ദ്ര മോദി' എന്ന തലകെട്ടോടുകൂടി തുടങ്ങുന്ന ലേഖനത്തോടാണ്അദ്ദേഹം പ്രതികരിച്ചിരിക്കുന്നത്. മോദി വിരുദ്ധത തലയ്ക്ക് പിടിച്ചാൽ എന്ത് വിവരക്കേടും എഴുതി വെയ്ക്കാം, അത് സ്ഥാപനം അംഗീകരിക്കുകയും ചെയ്യും എന്നതാണ് വർത്തമാനകാല യാഥാർത്ഥ്യം എന്നും അദ്ദേഹം വിമർശിച്ചു.

ലേഖനത്തിൽ 'മോദിയെന്ന പ്രധാനമന്ത്രിയുടെ വകുപ്പുകളുടെ പട്ടികയിൽ ഇങ്ങനെ രേഖപ്പെടുത്തിയിരുന്നു: മറ്റു മന്ത്രിമാർക്കു നൽകാത്ത എല്ലാ വകുപ്പുകളും; എല്ലാ നയതീരുമാനങ്ങളും. മറ്റാർക്കും നയതീരുമാനങ്ങളെടുക്കാൻ അധികാരമില്ലെന്നായിരുന്നു അതിനർഥം. അധികാരം തന്നിൽ കേന്ദ്രീകരിച്ചിരിക്കുന്നുവെന്നും'. എന്ന ഭാഗത്തിന്റെ സ്ക്രീൻ ഷോട്ടോടുകൂടിയാണ് വിമർശനം.

ഫേസ്ബുക്‌പോസ്റ്റ് ഇങ്ങനെ ;

പരിണിത പ്രജ്ഞനായ മാധ്യമ പ്രവർത്തകൻ എന്നാണ് വെയ്പ്പ്. മോദി വിരുദ്ധത തലയ്ക്ക് പിടിച്ചാൽ എന്ത് വിവരക്കേടും എഴുതി വെയ്ക്കാം, അത് സ്ഥാപനം അംഗീകരിക്കുകയും ചെയ്യും എന്നതാണ് വർത്തമാനകാല യാഥാർത്ഥ്യം. മന്ത്രിമാർക്ക് വിഭജിച്ച് നൽകാത്ത വകുപ്പുകൾ പ്രധാനമന്ത്രിയും സംസ്ഥാനങ്ങളിൽ അതത് മുഖ്യമന്ത്രിമാരുമാണ് കൈവശം വെക്കുക എന്ന കീഴ് വഴക്കവും യാഥാർത്ഥ്യവും അറിയാത്തതല്ല ഈ കുരുപൊട്ടലിന്റെ കാരണം. കഴുത കാമം കരഞ്ഞു തീർക്കുന്നത് പോലെയുള്ള മറ്റൊരു ഇനം. എങ്കിലും മോദി വിരോധത്തിന്റെ പേരിൽ ഇത്ര കാലത്തെ അനുഭവ പരിചയവും തൊഴിലിന്റെ മഹത്വവും വ്യഭിചരിക്കാൻ കാണിച്ച ആ പുഴുത്ത മനസ്സുണ്ടല്ലോ അത് ഈ നാടിന് തന്നെ ആപത്താണ് മിസ്റ്റർ Thomas Dominic . Sandeep Somanath Hasanul Banna Su Jith Anu Narayanan Basanth Pankajakshan Balagopal. B. Nair Sujith Nair Ullas Kumar................. എന്നും അദ്ദേഹം ഫേസ്ബുക്കിൽ കുറിച്ചു.