അകത്തൊന്നും പുറത്ത് വേറൊന്നും... ശബരിമല വിഷയത്തില് സി.പി.എം. സംസ്ഥാന സമിതി യോഗത്തില് പിണറായി വിജയന് രൂക്ഷ വിമര്ശനം; ശബരിമല പ്രതിരോധിക്കാത്തത് പരാജയ കാരണമെന്ന് പുറത്ത് പറയുമ്പോഴും അകത്ത് നടന്നത് ചൂടന് ചര്ച്ചകള്
ശബരിമല വിഷയത്തില് മുഖ്യമന്ത്രി പിണറായി വിജയനു സി.പി.എം. സംസ്ഥാനസമിതി യോഗത്തില് വിമര്ശനമെന്ന് പ്രമുഖ പത്രം റിപ്പോര്ട്ട് ചെയ്യുന്നു. തെരഞ്ഞെടുപ്പില് ഇതു ബാധകമായില്ലെന്ന അദ്ദേഹത്തിന്റെ നിലപാട് തള്ളി. സര്ക്കാര് നിലാടിനെതിരേ യോഗത്തില് രൂക്ഷവിമര്ശനമുണ്ടായി.ശബരിമല വിഷയം തെരഞ്ഞെടുപ്പ് പോരാട്ടത്തില് നിര്ണായക ഘടകമായി മാറിയെന്നാണു സംസ്ഥാന സമിതിയുടെ വിലയിരുത്തല്.
ഇക്കാര്യം പിന്നീട് നടന്ന പത്രസമ്മേളനത്തില് സംസ്ഥാന സെക്രട്ടറി കോടിയേരി ബാലകൃഷ്ണന് പരോക്ഷമായി സമ്മതിച്ചു. സംസ്ഥാന ശബരിമല പ്രചാരണ വിഷയമാക്കാത്തതു ദോഷമായെന്നാണു വിമര്ശനം. ഈ വിഷയത്തില് നിലപാട് വ്യക്തമാക്കി വോട്ടു തേടണമായിരുന്നു. അതിനു സാധിച്ചില്ല. വിശ്വാസികളുടെ നഷ്ടമായ വോട്ട് തിരിച്ചുപിടിക്കാന് പ്രായോഗികമായ പദ്ധതികളണ്ടാകണമെന്നും അഭിപ്രായമുയര്ന്നു. രണ്ടു ദിവസമായി നടന്ന യോഗത്തിന്റെ ആദ്യദിനം തന്നെ സി.പി.എം. ദേശീയ ജനറല്സെക്രട്ടറി സീതാറാം യെച്ചൂരി, സംസ്ഥാന സമിതിയെ രൂക്ഷമായി വിമര്ശിച്ചിരുന്നു.
പിണറായി വിജയനെതിരേ പാര്ട്ടിയില് തിരുത്തല്വാദ ഗ്രൂപ്പ് രൂപപ്പെട്ടുവെന്നു വ്യക്തമാകുന്നതാണു യോഗമെന്നാണു വിവരം. വി.എസ്. അനുകൂലികളും ഒരു മന്ത്രിയും കണ്ണൂരിലെ ഒരു പ്രബലനും മുന്മന്ത്രിയും ഉള്പ്പടെയുള്ളവര് സജീവമായി ഗ്രൂപ്പിനു പിന്നിലുണ്ട്. രണ്ടു ദിവസമായി നടന്ന സംസ്ഥാനകമ്മിറ്റിയില് ആദ്യ ദിനം തന്നെ സി.പി.എം. ജനറല്സെക്രട്ടറി സീതാറാം യെച്ചൂരി സംസ്ഥാന സമിതിയെ രൂക്ഷമായി വിമര്ശിച്ചിരുന്നു.
അതേ സമയം ശബരിമല വിഷയത്തില് സര്ക്കാര് സ്വീകരിച്ച നിലപാട് ശരിയായിരുന്നുവെന്ന് ആവര്ത്തിച്ച് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് രംഗത്തെത്തി. സുപ്രീംകോടതി വിധി നടപ്പാക്കാനുള്ള ബാധ്യത സര്ക്കാരിനുണ്ട്. മറ്റൊരു നിലപാട് ഈ വിഷയത്തില് സ്വീകരിക്കാന് കഴിയുമായിരുന്നില്ലെന്നും സിപിഎം സംസ്ഥാന കമ്മിറ്റി യോഗത്തിനു ശേഷം നടത്തിയ വാര്ത്താസമ്മേളനത്തിലാണ് കോടിയേരി വ്യക്തമാക്കിയത്.
ചില സമുദായ സംഘടനങ്ങള് എതിര്പ്പുമായി രംഗത്തെത്തിയതിനു പിന്നാലെയാണ് ഇതൊരു സുവര്ണ്ണാവസരമായി കണ്ട് കോണ്ഗ്രസും ബിജെപിയും രംഗത്തെത്തുകയായിരുന്നുവെന്നും കോടിയേരി പറഞ്ഞു. തുടര്ന്ന് വിഷയത്തില് വലിയ തോതില് പ്രചാരവേല നടന്നു. ഈ അവസരത്തിലാണ് മുഖ്യമന്ത്രി നവോത്ഥാന സംഘടനകളുടെ യോഗം വിളിച്ചത്. വനിതാ മതില് വന് വിജയമായത് ആര്എസ്എസ് അജണ്ട തകര്ക്കാനിടയായതായും, വര്ഗീയ ധ്രുവീകരണമുണ്ടാക്കാനുള്ള ആര്എസ്എസ് അജണ്ട വിജയിക്കാതെ പോയെന്നും കോടിയേരി കൂട്ടിച്ചേര്ത്തു.
പ്രചാരണത്തില് കുടുങ്ങിയാണ് വിശ്വാസികളായ ഒരു വിഭാഗം ഇടതുപക്ഷത്തിനെതിരെ വോട്ടു ചെയ്തു. അതേസമയം വിശ്വാസികള്ക്കിടയില് പ്രവര്ത്തിച്ച് ജനവിശ്വാസം വീണ്ടെടുക്കാന് ഇടതുമുന്നണിക്ക് കഴിയും. ബിജെപി തോറ്റാലും ഇടതുപക്ഷം ജയിക്കരുതെന്ന നിലപാട് ആര്എസ്എസ് സ്വീകരിച്ചുവെന്നും കോടിയേരി ആരോപിച്ചു.
https://www.facebook.com/Malayalivartha
