'ഭീകരരുമായി സര്ക്കാര് ഒരു ചര്ച്ചയ്ക്കും തയ്യാറല്ല'; ഭീകരവാദത്തിനെതിരെ ശക്തമായ നടപടിയെടുക്കുമെന്ന് കേന്ദ്ര ആഭ്യന്തര മന്ത്രി അമിത് ഷാ
കാശ്മീരിലെ ഭീകരവാദത്തിനെതിരെ ശക്തമായ നടപടികളെടുക്കുമെന്ന് കേന്ദ്ര ആഭ്യന്തര മന്ത്രി അമിത് ഷാ. ഭീകരരുമായി സര്ക്കാര് ഒരു ചര്ച്ചയ്ക്കും തയ്യാറല്ലെന്നും അമിത് ഷാ പറഞ്ഞു. മുതിര്ന്ന മന്ത്രിമാരുടെ യോഗത്തില് സംസാരിക്കുകയായിരുന്നു അദ്ദേഹം.
ഭീകരരുമായും അവരെ പിന്തുണയ്ക്കുന്നവരുമായും ഒരു ഒത്തു തീര്പ്പിനുമില്ലെന്നും അമിത് ഷാ യോഗത്തില് വ്യക്തമാക്കി. ഇറാന് എണ്ണ ഇറക്കുമതി പ്രശ്നത്തില് അമേരിക്കയുടെ നിലപാട് സംബന്ധിച്ച് വൈകിട്ട് അമിത് ഷായുടെ അദ്ധ്യക്ഷതയില് നടന്ന യോഗം ചര്ച്ച ചെയ്തു. ധനമന്ത്രി നിര്മ്മലാ സീതാരാമന്, വിദേശകാര്യ മന്ത്രി എസ് ജയശങ്കര്, പെട്രോളിയം മന്ത്രി ധര്മ്മേന്ദ്ര പ്രധാന് എന്നിവര് യോഗത്തില് പങ്കെടുത്തു. നീതി ആയോഗ് സി.ഇ.ഒ അമിതാഭ് കാന്തുമായും അമിത് ഷാ ചര്ച്ച നടത്തി.
അതേസമയം എല്ലാ ഗവര്ണര്മാരും മുഖ്യമന്ത്രിമാരും പങ്കെടുക്കുന്ന നീതി ആയോഗ് ഭരണസമിതി യോഗം 15ന് ചേരും. ലോക്സഭാ സ്പീക്കറെ കുറിച്ചുള്ള ചര്ച്ചയും പാര്ട്ടിയില് തുടരുകയാണ്. മേനക ഗാന്ധിയുടെ പേര് പ്രോട്ടെം സ്പീക്കറുടെ സ്ഥാനത്തേക്കും എസ്. എസ്.അലുവാലിയ, രാധാമോഹന് സിംഗ്, ജുവല് ഓറം തുടങ്ങിയവരുടെ പേരുകള് സ്പീക്കര് സ്ഥാനത്തേക്കും ഉയര്ന്നുകേള്ക്കുന്നുണ്ട്.
https://www.facebook.com/Malayalivartha
