വിമാന യാത്രാ നിരക്ക് വര്ദ്ധനവ് തടയുന്നതിന് എയര്ലൈനുകളുടെ യോഗം വിളിക്കുമെന്ന് മുഖ്യമന്ത്രി പിണറായി വിജയന്
വിമാന യാത്രാ നിരക്കില് അടിക്കടിയുണ്ടാകുന്ന വര്ദ്ധനവ് തടയുന്നതിന് എയര്ലൈനുകളുടെ യോഗം വിളിക്കുമെന്ന് മുഖ്യമന്ത്രി പിണറായി വിജയന്. സംസ്ഥാനത്തെ വിമാനത്താവളങ്ങളുടെ സമഗ്ര വികസനം സാദ്ധ്യമാക്കുന്നതിന് ബന്ധപ്പെട്ട ഏജന്സികളുടെ യോഗം തിരുവനന്തപുരത്ത് ചേരുമെന്നും അദ്ദേഹം അറിയിച്ചു. കേരള ഹൗസില് കേന്ദ്ര ഏവിയേഷന് സെക്രട്ടറി പ്രതീപ് സിംഗ് ഖരോള മുഖ്യമന്ത്രിയുമായി നടത്തിയ കൂടിക്കാഴ്ചയിലാണ് ഈ തീരുമാനം ഉണ്ടായത്.
കേരളത്തെ പ്രധാന ഏവിയേഷന് ഹബായുള്ള വികസനം, കേരളത്തിലെ നാല് വിമാനത്താവളങ്ങളുടേയും സമഗ്ര വികസനം, എയര്പോര്ട്ടുകളുടെ അടിസ്ഥാന സൗകര്യങ്ങള് മെച്ചപ്പെടുത്തല്, കൂടുതല് ഫ്ളൈറ്റുകള് അനുവദിക്കല് എന്നീ വിഷയങ്ങള് കൂടിക്കാഴ്ചയില് ചര്ച്ചയായി. കൂടുതല് എയര് ഇന്ത്യ സര്വീസും ബജറ്റ് ഫ്ളൈറ്റുകളുടെ സര്വീസും മുഖ്യമന്ത്രി ആവശ്യപ്പെട്ടിട്ടുണ്ട്. വിമാന നിരക്ക് വര്ദ്ധനവ് സംബന്ധിച്ച് കേന്ദ്ര ഏവിയേഷന് സെക്രട്ടറിയാണ് എയര്ലൈനുകളുടെ യോഗം വിളിക്കുക. വിമാനത്താവളങ്ങളുടെ വികസനവും മെച്ചപ്പെട്ട അടിസ്ഥാന സൗകര്യങ്ങളൊരുക്കുന്നതും സംബന്ധിച്ച് ചര്ച്ച ചെയ്യുന്നതിന് ജൂലൈ അവസാനത്തോടെ ബന്ധപ്പെട്ട ഏജന്സികളുടെ യോഗം തിരുവനന്തപുരത്ത് ചേരാനും തീരുമാനമായിട്ടുണ്ട്.
https://www.facebook.com/Malayalivartha
