പ​ശ്ചി​മ ബം​ഗാ​ള്‍ മു​ഖ്യ​മ​ന്ത്രി മ​മ​ത ബാ​ന​ര്‍​ജി മ​രി​ച്ചു കി​ട​ക്കു​ന്ന​ത് കാ​ണി​ച്ചു ത​രു​ന്ന​യാ​ള്‍​ക്ക് ഒ​രു കോ​ടി രൂ​പ വാ​ഗ്ദാ​നം ചെ​യ്ത് ക​ത്ത്. അ​രാം​ബാ​ഗി​ലെ തൃ​ണ​മൂ​ല്‍ കോ​ണ്‍​ഗ്ര​സ് എം​പി അ​പ​രു​പ പോ​ഡ​റി​നാ​ണ് ഭീ​ഷ​ണി ക​ത്ത് ല​ഭി​ച്ചി​രി​ക്കു​ന്ന​ത്. ഇ​തോ​ടെ അ​പ​രു​പ ശ്രീ​രാം​പു​ര്‍ പോ​ലീ​സ് സ്റ്റേ​ഷ​നി​ല്‍ പ​രാ​തി ന​ല്‍​കി. ക​ത്തി​ല്‍ മ​മ​ത​യു​ടെ മോ​ര്‍​ഫ് ചെ​യ്ത ചി​ത്ര​വും ഉ​ള്‍​പ്പെ​ടു​ത്തി​യി​ട്ടു​ണ്ട്.

ര​ജ്‌വീ​ര്‍ കി​ല്ല എ​ന്ന​യാ​ളു​ടെ പേ​രി​ലാ​ണ് ക​ത്ത് എ​ഴു​തി​യി​രി​ക്കു​ന്ന​ത്. ഫോ​ണ്‍ ന​മ്ബ​റും ക​ത്തി​ല്‍ ഉ​ള്‍​പ്പെ​ടു​ത്തി​യി​ട്ടു​ണ്ട്. ക​ത്തി​ലെ ഫോ​ണ്‍ ന​ന്പ​ര്‍ രാ​​ജ്‌വീ​​ര്‍ കി​ല്ല എ​ന്ന പേ​രി​ല്‍ ത​ന്നെ​യു​ള്ള ബി​ന്ധാ​ന​ഗ​ര്‍ സ്വ​ദേ​ശി​യു​ടേ​താ​ണ്. ത​ന്‍റെ പേ​രും ഫോ​ണ്‍ ന​മ്ബ​റും വ്യാ​ജ ക​ത്തെ​ഴു​താ​ന്‍ ഉ​പ​യോ​ഗി​ച്ചെ​ന്ന് കാ​ണി​ച്ച്‌ ഇ​യാ​ളും പോ​ലീ​സി​ല്‍ പ​രാ​തി ന​ല്‍​കി​യി​ട്ടു​ണ്ട്.

അതേസമയം ബി.ജെ.പി എം.പി സൗമിത്ര ഖാന്‍ ഇന്നലെ മമതാ ബാനര്‍ജിയെ പിശാചെന്ന് വിളിച്ചിരുന്നു. ഹിന്ദുക്കളെയും മുസ്ലീങ്ങളെയും തമ്മില്‍ തല്ലിക്കാനാണ് മമതയുടെ ശ്രമിക്കുന്നതെന്നും സൗമിത്ര ആരോപിച്ചു. ഇതിന് പിന്നാലെയാണ് മമതയെ പിശാചായി ചിത്രീകരിച്ചുകൊണ്ടുള്ള കത്ത് ലഭിച്ചത്.

മമത ബാനര്‍ജി ഒരു പിശാചായി മാറിയിരിക്കുന്നു. അവര്‍ ബി.ജെ.പി പ്രവര്‍ത്തകരുടെ രക്തം കുടിക്കാന്‍ തയ്യാറായിരിക്കുകയാണ്. അവരും അവരുടെ പാര്‍ട്ടിയും ആളുകളോട് ഹിന്ദു മുസ്‌ലിം സ്വത്വത്തിന്റെ പേരില്‍ പരസ്പരം പോരടിക്കാനാണ് ആവശ്യപ്പെടുന്നത്’- സൗമിത്ര പറഞ്ഞതായി എ.എന്‍.ഐ റിപ്പോര്‍ട്ടു ചെയ്യുന്നു.

ബംഗാളില്‍ തെരഞ്ഞെടുപ്പിന് ശേഷം നിരവധി ആക്രമസംഭവങ്ങളാണ് റിപ്പോര്‍ട്ടു ചെയ്യപ്പെട്ടിട്ടുള്ളത്. ‘ഞങ്ങളുടെ പ്രവര്‍ത്തകരെ കൊല്ലാന്‍ അവര്‍ ഉത്തരവിട്ടിട്ടുണ്ട്. ബംഗാളില്‍ രാഷ്ട്രപതി ഭരണം കൊണ്ടു വരണം. എത്രയും പെട്ടെന്ന് സംസ്ഥാനത്ത് തെരഞ്ഞെടുപ്പ് നടത്തണം. ഇവിടുത്തെ ക്രമസമാധാനം തകര്‍ന്നു കൊണ്ടിരിക്കുകയാണ്’- സൗമിത്ര ആരോപിക്കുന്നു.

തെരഞ്ഞെടുപ്പിന് ശേഷം പശ്ചിമ ബംഗാളില്‍ നടന്ന ആക്രമണങ്ങളെക്കുറിച്ച് റിപ്പോര്‍ട്ട് സമര്‍പ്പിക്കാന്‍ നേരത്തെ കേന്ദ്ര ആഭ്യന്തര മന്ത്രാലയം ആവശ്യപ്പെട്ടിരുന്നു. ആക്രമണങ്ങള്‍ സംസ്ഥാന സര്‍ക്കാറിന് നിയന്ത്രിക്കാന്‍ കഴിഞ്ഞില്ലെന്ന് ആഭ്യന്തര മന്ത്രാലയം കുറ്റപ്പെടുത്തിയിരുന്നു.

ബി.ജെ.പി ദേശീയ എക്സിക്യുട്ടീവ് അംഗം മുകുള്‍ റോയ് കേന്ദ്ര മന്ത്രിക്ക് സംസ്ഥാനത്തെ ബി.ജെ.പി പ്രവര്‍ത്തകര്‍ക്ക് നേരെ നടക്കുന്ന ആക്രമണങ്ങളെക്കുറിച്ച് റിപ്പോര്‍ട്ടു സമര്‍പ്പിച്ചിരുന്നു. ഇതിന് പിന്നാലെയാണ് കേന്ദ്രം റിപ്പോര്‍ട്ട് തേടിയത്.

മോദിയെ പാകിസ്ഥാന്‍ വ്യോമപാതയിലൂടെ പറക്കാന്‍ അനുവദിക്കണം; പാകിസ്ഥാനോട് ഇന്ത്യ
എന്നാല്‍ ആഭ്യന്തരമന്ത്രാലയത്തിന്റെ നടപടി സംസ്ഥാന സര്‍ക്കാറിന്റെ പ്രവര്‍ത്തനങ്ങളിലെ അനാവശ്യമായി ഇടപെടലാണെന്ന് ബംഗാള്‍ മന്ത്രി ജ്യോതി പ്രിയ മല്ലിക് കുറ്റപ്പെടുത്തിയിരുന്നു.‘സംസ്ഥാനത്തെ ക്രമസമാധാനം ഭരണഘടന നിഷ്‌കര്‍ഷിച്ച പ്രകാരമാണ്, കേന്ദ്രത്തിന് ഇക്കാര്യത്തില്‍ ഇടപെടാന്‍ അവകാശമില്ല. കേന്ദ്ര മന്ത്രി ബി.ജെ.പിയുടെ ആഭ്യന്തരമന്ത്രി അല്ലെന്നും, രാജ്യത്തിന്റെതാണെന്നും ഓര്‍ത്താല്‍ നന്ന്’- എന്നായിരുന്നു മല്ലിക് പറഞ്ഞത്.