ഞെട്ടലോടെ കോടിയേരി... ജാമ്യം ലഭിച്ചില്ലെങ്കില് ബിനോയ് കോടിയേരി വിദേശത്തേക്ക് കടന്നേക്കുമെന്ന് സൂചന; ബിനോയ്ക്കെതിരെ ലുക്കൗട്ട് നോട്ടീസ് പുറത്തിറക്കി; കേരളത്തില് വച്ച് പൊക്കിയാല് കേരള പോലീസ് നാണം കെടും; പിന്നോട്ടില്ലെന്നുറപ്പിച്ച് മുംബൈ പോലീസ്
ബിനോയ് കോടിയേരിയ്ക്കെതിരെ യുവതി നല്കിയ പരാതി സിപിഎമ്മിനെ പ്രതിരോധത്തിലാക്കിയിരിക്കുകയാണ്. അതിനിടെ മുംബൈ പോലീസ് ഒരുമുഴം മുന്നെ എറിഞ്ഞിരിക്കുകയാണ്. പീഡന കേസില് അറസ്റ്റിലാകാതിരിക്കാന് ബിനോയ് കോടിയേരി നല്കിയ മുന്കൂര് ജാമ്യ ഹര്ജിയില് മുംബൈ ഡിന്ഡോഷി സെഷന്സ് കോടതി ഉത്തരവ് നാളെ വരാനിരിക്കെ പ്രതിക്കെതിരെ പൊലീസ് ലുക്കൗട്ട് നോട്ടീസിറക്കി. നാളെ ജാമ്യം ലഭിച്ചില്ലെങ്കില് പ്രതി വിദേശത്തേക്ക് കടന്നേക്കുമെന്ന് സൂചന കിട്ടിയതോടെയാണ് പൊലീസിന്റെ ഈ നീക്കം.
വിമാനത്താവളങ്ങളില് ബിനോയിയുടെ പാസ്പോര്ട്ട് രേഖകള് നല്കും. യുവതി നല്കിയ കേസില് ബലാത്സംഗക്കുറ്റം നിലനില്ക്കില്ലെന്ന് വാദിച്ച പ്രതിഭാഗം യുവതിയുടെ പരാതിയിലെ പൊരുത്തക്കേട് ചൂണ്ടിക്കാണിച്ചിരുന്നു.
അതേ സമയം വിവാഹ വാഗ്ദാനം നടത്തി ലൈംഗികമായി ചൂഷണം ചെയ്യുന്നത് പീഡനത്തിന്റെ പരിധിയില് വരുന്ന കുറ്റമാണെന്ന് പ്രോസിക്യൂഷന് വാദിച്ചു. നിലവില് അറസ്റ്റിന് കോടതിയുടെ വിലക്കില്ലെങ്കിലും തീരുമാനം വരും വരെ അറസ്റ്റ് നടപടി വേണ്ടെന്നായിരുന്നു പൊലീസ് തീരുമാനം.
ബിനോയ് എവിടെയെന്ന കാര്യത്തില് ഒരു സൂചനയും ഇല്ലാത്തതിനാല് പൊലീസ് അന്വേഷണം കാര്യക്ഷമമല്ലെന്ന ആക്ഷേപം ഉയരുന്നുണ്ട്. ജാമ്യം കിട്ടിയാല് ബിനോയ് പൊലീസ് അന്വേഷണത്തോട് സഹകരിക്കുമെന്നാണ് സൂചന.
അതേസമയം വിവാഹ വാഗ്ദാനം നല്കി ലൈംഗിക ചൂഷണത്തിന് ഇരയാക്കിയെന്ന യുവതിയുടെ പരാതിയില് ആരോപണ വിധേയനായ ബിനോയ് കോടിയേരിക്കു വേണ്ടിയുള്ള മുംബൈ പോലീസിന്റെ തിരച്ചില് വിഫലമാണ്. കേരളത്തില് നടത്തിയ അന്വേഷത്തില് ബിനോയിയെ കണ്ടെത്താനോ കൂടുതല് വിവരങ്ങള് ശേഖരിക്കാനോ കഴിയാതെ മുംബൈ ഓഷ്വാര പോലീസ് മടങ്ങി.
അതേസമയം, കേസില് ബിനോയിയുടെ മുന്കൂര് ജാമ്യാപേക്ഷയില് ഈ മാസം 27ന് വിധി വരാനിരിക്കേ അതുവരെ അറസ്റ്റുണ്ടാവില്ലെന്നും പോലീസ് വ്യക്തമാക്കി. വിധി വരുന്നതുവരെ കാത്തിരിക്കാനാണ് പോലീസിന് ലഭിച്ചിരിക്കുന്ന നിര്ദേശവും. പരാതിക്കാരിയുടെ രഹസ്യമൊഴിയെടുക്കും. 164 പ്രകാരം മജിസ്ട്രേറ്റിനു മുമ്പാകെ ഹാജരാക്കി മൊഴിയെടുക്കാനാണ് പോലീസിന്റെ തീരുമാനം. പരാതിക്കാരിയുടെ മൊഴിയില് ചില വൈരുദ്ധ്യങ്ങള് നിലനില്ക്കുന്നതിനാല് അത് പരിഹരിക്കുന്നതിനു വേണ്ടിയാണ് രഹസ്യമൊഴി എടുക്കുന്നത്. ബിനോയിയുമായുളള വിവാഹം നടന്നുവെന്നും വിവാഹ വാഗ്ദാനം നല്കി പീഡിപ്പിച്ചുവെന്നുമാണ് മൊഴികള്. ഈ വൈരുദ്ധ്യം ബിനോയിയുടെ അഭിഭാഷകന് ജാമ്യാപേക്ഷയില് ചൂണ്ടിക്കാട്ടിയിരുന്നു.
വേണ്ടിവന്നാല് ഇവര്ക്കു വേണ്ടി മധ്യസ്ഥത വഹിച്ച അഭിഭാഷകന് ശ്രീജിത്തിനെ ചോദ്യം ചെയ്യുമെന്നും പോലീസ് വ്യക്തമാക്കി. യുവതയുമായി ഒത്തുതീര്പ്പ് ചര്ച്ചയ്ക്കായി സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്റെ ഭാര്യയും ബിനോയിയുടെ അമ്മയുമായ വിനോദിനി മുംബൈയില് എത്തിയിരുന്നു. യുവതിയുമായുള്ള ഒത്തുതീര്പ്പ് ചര്ച്ചയ്ക്ക് മധ്യസ്ഥത വഹിച്ചിരുന്നുവെന്ന് ശ്രീജിത്ത് കഴിഞ്ഞ ദിവസം മാധ്യമങ്ങളോട് പ്രതികരിക്കുകയും ചെയ്തിരുന്നു.
ബിനോയ് നല്കിയ മുന്കൂര് ജാമ്യാപേക്ഷയില് കോടതി ഉത്തരവ് വൈകുന്നതാണ് പൊലീസിനെ കുഴക്കുന്നുണ്ട്.. ഒളിവിലുള്ള ബിനോയിയെ കുറിച്ച് ഒരു സൂചനയും പൊലീസിന് കിട്ടിയിട്ടില്ല. എന്നാല് ബിനോയിക്കെതിരേയുള്ള ഡിജിറ്റല് തെളിവുകള് യുവതി തുടര്ച്ചയായി പുറത്തുവിട്ടുകൊണ്ടിരിക്കുകയുമാണ്.
https://www.facebook.com/Malayalivartha
