കോഴിക്കോട് തെരുവുവിളക്കുകള് മാറ്റി എല്ഇഡി ലൈറ്റുകള് സ്ഥാപിക്കാന് പദ്ധതി
കോഴിക്കോട് തെരുവുവിളക്കുകള് മാറ്റി എല്ഇഡി ലൈറ്റുകള് സ്ഥാപിക്കാന് പദ്ധതി. കര്ണാടക സ്റ്റേറ്റ് ഇലക്ട്രോണിക് ഡവലപ്മെന്റ് കോര്പറേഷനാണ് പദ്ധതി നടപ്പാക്കുക. പുതിയ ലൈറ്റുകള് സ്ഥാപിക്കാനും പരിപാലനത്തിനും പ്രതിമാസം 58 ലക്ഷം രൂപയോളമാണ് ചെലവ്. കോഴിക്കോട് നഗരത്തില് 36,000ത്തോളം തെരുവുവിളക്കുകളുണ്ടെങ്കിലും ഇവയില് പാതിയും കത്തുന്നില്ലെന്ന പരാതി വ്യാപകമാണ്.
ലൈറ്റുകള് കേടായാല് പുനസ്ഥാപിക്കാനും വലിയ താമസം വരുന്നു. ഈ പ്രശ്നം പരിഹരിക്കാനാണ് തെരുവുവിളക്കുകളുടെ ചുമതലയത്രയും പത്തു വര്ഷത്തേക്ക് കര്ണാടക സ്റ്റേറ്റ് ഇലക്ട്രോണിക് ഡവലപ്മെന്റ് കോര്പറേഷന് നഗരസഭ കൈമാറുന്നത്. കമ്പനി നഗരത്തിലെ മുഴുവന് ലൈറ്റുകളും പുനസ്ഥാപിക്കും.
ഒരു ലൈറ്റ് പോയാല് 48 മണിക്കൂറിനകം പുനസ്ഥാപിക്കണമെന്നതാണ് പ്രധാന വ്യവസ്ഥ. ഇല്ലെങ്കില് കമ്പനി പിഴ നല്കേണ്ടി വരും. വിളക്ക് കത്താതായാല് സെന്ട്രല് മോണിറ്ററിംഗ് സിസ്റ്റം വഴി നഗരസഭയ്ക്കും കമ്ബനിയ്ക്കും അറിയാന് സാധിക്കും.
https://www.facebook.com/Malayalivartha
