നീറ്റ് യു.ജി പുന:പരീക്ഷ ജൂൺ 21ന് നിശ്ചയിച്ചിരിക്കെ, അഡ്മിറ്റ് കാർഡ് ഡൗൺലോഡ് ചെയ്യാനാകാതെ ലക്ഷക്കണക്കിന് വിദ്യാ‌ർത്ഥികൾ .. neet.nta.nic.in വെബ്സൈറ്റിൽ കഴിഞ്ഞ ദിവസം മുതൽ ലഭ്യമാക്കിയിട്ടുണ്ടായിരുന്നു. പോർട്ടലിൽ പ്രവേശിക്കാൻ കഴിയുന്നില്ലെന്ന് നിരവധി വിദ്യാർത്ഥികൾ പരാതിപ്പെടുകയാണ്.

4 ലക്ഷത്തിൽപ്പരം വിദ്യാർത്ഥികൾ അഡ്മിറ്റ് കാർഡ് ഡൗൺലോഡ് ചെയ്‌തെന്നും ഏജൻസി അറിയിച്ചു.അഡ്മിറ്റ് കാർഡ് ഡൗൺലോഡ് ചെയ്യും മുൻപ് വിദ്യാ‌ർത്ഥികൾ ബാങ്ക് അക്കൗണ്ട് വിവരങ്ങൾ പരിശോധിച്ച് സ്ഥിരീകരിക്കണം.

നീറ്റ് റീഫണ്ട് തുക ട്രാൻസ്‌ഫർ ചെയ്യാനാണിത്. ചോദ്യപേപ്പ‌ർ ചോർച്ചയെ തുടർന്ന് മേയ് 3ന് നടത്തിയ പരീക്ഷ റദ്ദാക്കിയിരുന്നു. വിദ്യാർത്ഥികൾക്ക് ഫീസ് തിരിച്ചു നൽകാനും തീരുമാനിച്ചിരുന്നു.

അതേസമയം, വ്യോമസേനയുടെ സി-17 ഗ്ലോബ് മാസ്റ്റർ വിമാനം ഉപയോഗിച്ച് ചോദ്യപേപ്പർ നഗരങ്ങളിലെത്തിക്കുന്ന നടപടി തുടങ്ങി. എയർപോർട്ടിൽ നിന്ന് കേന്ദ്ര സേനയുടെയും, സംസ്ഥാന പൊലീസിന്റെയും അകമ്പടിയോടെ ബാങ്കുകളിലെത്തിച്ച് അവിടത്തെ ലോക്കറുകളിൽ സൂക്ഷിക്കുകയാണ് ചെയ്യുന്നത്.