മലയാളികളെ വളരെയേറെ വേദനിപ്പിച്ച സംഭവമാണ് വാവ സുരേഷ് പാമ്പുപിടുത്തം അവസാനിപ്പിക്കുന്നു എന്നത്. കാരണം നമുക്കും പാമ്പുകള്‍ക്കും ഒരുപോലെ രക്ഷകരാണ് വാവ സുരേഷ്. എന്നാല്‍ ഒരു മനുഷ്യന് താങ്ങാവുന്നതിന് അപ്പുറമുള്ള ആരോപണമാണ് ഉയര്‍ന്നു വന്നത്. അതോടെ പാമ്പുപിടുത്തം ഉപേക്ഷിക്കുന്ന മട്ടായി വാവ സുരേഷ്. 

എന്നാല്‍ ആയിരക്കണക്കിന് പ്രവാസികളുടെ അഭ്യര്‍ത്ഥനയെ തുടര്‍ന്ന് വാവ സുരേഷ് പാമ്പുപിടുത്തം നിര്‍ത്തുന്നു എന്ന തീരുമാനത്തില്‍ നിന്നും പിന്മാറുകയായിരുന്നു. പലരും പറഞ്ഞത് ഞങ്ങള്‍ക്ക് മണലാരണ്യത്തില്‍ സമാധാനത്തോടെ കഴിയുന്നത് വാവ സുരേഷ് ഉള്ളതു കൊണ്ടാണ്. തന്റെ നാട്ടുകാര്‍ക്ക് പാമ്പുപിടിക്കാന്‍ ഏറ്റവും വിശ്വസ്തതയോടെ വിളിക്കാന്‍ കഴിയുന്നതും വാവ സുരേഷിനെയാണ്. മാത്രമല്ല പാമ്പിനെ വാവ സുരേഷ് കൊല്ലുന്നുമില്ല. അവയെ സംരക്ഷിക്കുകയും ഉള്‍ വനത്തില്‍ വിടുകയും ചെയ്യുന്നു. അക്കാരണം കൊണ്ട് പാമ്പു പിടുത്തം നിര്‍ത്തുന്നുവെന്ന തീരുമാനം പുറത്തു വന്നതിനെ തുടര്‍ന്ന് നിരവധി ആളുകളാണ് തീരുമാനം മാറ്റണം എന്ന അഭ്യര്‍ത്ഥനയുമായി രംഗത്ത് വന്നു. 

തനിക്കെതിരെയുള്ള ആസൂത്രിതമായ സൈബര്‍ ആക്രമണത്തില്‍ മനംമടുത്താണ് പാമ്ബുപിടുത്തം നിര്‍ത്താന്‍ വാവ സുരേഷ് തീരുമാനമെടുത്തത്. പിന്നാലെ നിരവധി പേരുടെ അഭ്യര്‍ത്ഥനയെ തുടര്‍ന്ന് തീരുമാനം മാറ്റുകയായിരുന്നുവെന്ന് സുരേഷ് പറഞ്ഞു. അതേസമയം സോഷ്യല്‍മീഡിയയില്‍ തനിക്കെതിരായ പരാമര്‍ശങ്ങളില്‍ നല്‍കിയ കേസുകളിലൊന്നും ഇതുവരെ പൊലീസ് നടപടിയെടുത്തിട്ടില്ലെന്നും സുരേഷ് ആരോപിച്ചു. പാമ്ബുകളേക്കാള്‍ വിഷമുള്ള മനുഷ്യരാണ് തന്റെ ദുരവസ്ഥയ്ക്ക് കാരണക്കാരെന്നും സുരേഷ് പ്രതികരിച്ചിരുന്നു.

സാധാരണക്കാരയ നിരവധി പേര്‍ക്ക് പാമ്ബുപിടുത്തം ബുദ്ധിമുട്ടാകുമെന്ന് തിരിച്ചറിഞ്ഞാണ് തീരുമാനം തിരുത്തുന്നതെന്നും, തീരുമാനം അറിഞ്ഞ് നിരവധി പേര്‍ പാമ്ബുപിടുത്തം നിര്‍ത്തരുതെന്ന് ആവശ്യപ്പെട്ടുവെന്നും സുരേഷ് പറഞ്ഞു. 29 വര്‍ഷമായി വാവ സുരേഷ് പാമ്ബുപിടുത്തം തുടരുകയായിരുന്നു. സംസ്ഥാനത്തിന്റെ വിവിധ ഭാഗങ്ങളില്‍ നിന്നായി 165 രാജവെമ്ബാല ഉള്‍പ്പെടെ അമ്ബത്തിരണ്ടായിരത്തോളം പാമ്ബുകളെ രക്ഷിച്ചിട്ടുണ്ട്.