കടലുണ്ടിയിൽ പുതിയതായി പണിയുന്ന പാലം നോക്കി നടന്ന ബാലൻ പുഴയിൽ വീണു. രക്ഷപ്പെട്ടത് നീന്താനറിയാവുന്നത് കൊണ്ടു മാത്രം.കാലപ്പഴക്കം കൊണ്ട് പൊട്ടിപ്പൊളിഞ്ഞ സ്‌ലാബാണ് അപകടത്തിന് ഇടയാക്കിയത്. പാലത്തിന്റെ വിടവ് ശ്രദ്ധിക്കാതെ നടന്ന വിദ്യാര്‍ത്ഥി അതിലൂടെ താഴേക്ക് പുഴയിൽ വീഴുകയായിരുന്നു. പുതിയ പാലത്തിൻറെ പണിക്കാരായ അന്യ സംസ്ഥാന തൊഴിലാളികളാണ് ബാലനെ രക്ഷിച്ചത്. കൊല്‍ക്കത്ത സ്വദേശികളായ ഉമിത് ചന്ദ്, കാജല്‍ മണ്ഡല്‍ എന്നിവർ നീന്തി വന്ന ബാലനെ കരക്ക്‌ അടുപ്പിക്കുകയായിരുന്നു.

പാലത്തിങ്ങലിലെ പഴയ പാലത്തിലെ സ്‌ലാബാണ് യാത്രക്കാർക്ക് അപകട ഭീക്ഷണി ഉയർത്തി നിൽക്കുന്നത്. പുഴയിൽ വെള്ളം ഉണ്ടായിരുന്നതിനാൽ വൻ അപകടമാണ് ഒഴിവായത്. പുഴയിൽ പാറ ഉള്ള ഭാഗത്താണ് കുട്ടി വീണത്. രണ്ടു ദിവസമായി ഇവിടെ വെള്ളം ഇല്ലായിരുന്നു. എന്നാൽ കഴിഞ്ഞ ദിവസം വെള്ളം ഉണ്ടായിരുന്നതിനാൽ തല ഇടിക്കാതെ രക്ഷപ്പെട്ടു. സംഭവത്തെ തുടർന്ന് ന്യൂ ചാലഞ്ച് ക്ലബ് പ്രവര്‍കത്തര്‍ പുതിയ സ്ലാബിട്ട് മുന്നറിയിപ്പ് ബോര്‍ഡ് സ്ഥാപിച്ചു. ഇത് തുടർ അപകടങ്ങളെ ഒരു പരിധി വരെ ഒഴിവാക്കും . പുതിയ പാലത്തിന്റെ നിർമ്മാണ പ്രവർത്തനങ്ങൾ പുരോഗമിക്കവെയാണ് പഴയ പാലത്തിൽ അപകടം ഉണ്ടായിരിക്കുന്നത്