രാജി വച്ചവര്ക്ക് തിരിച്ചുവരാം... അമ്മയില് നിന്നും രാജി വച്ചവര്ക്ക് തിരിച്ചുവരാന് അപേക്ഷ നല്കാം; ഭേദഗതികളില് കൂടുതല് ചര്ച്ച നടത്തുമെന്ന് പ്രസിഡന്റ് മോഹന്ലാല്
താരസംഘടനയായ അമ്മയുടെ ഭരണഘടന ഭേദഗതികളില് കൂടുതല് ചര്ച്ച നടത്തുമെന്ന് പ്രസിഡന്റ് മോഹന്ലാല് അറിയിച്ചു. കൊച്ചിയില് ഇന്നുചേര്ന്ന ജനല് ബോഡിയില് എല്ലാവര്ക്കും അഭിപ്രായം അറിയിക്കാന് കഴിഞ്ഞിട്ടില്ല. ഭേദഗതി ചെയ്യുന്നത് തത്കാലത്തേക്ക് മാറ്റിവച്ചിരിക്കുകയാണ്.കൂടുതല് അഭിപ്രായങ്ങള് എഴുതി നല്കാന് അവസരമുണ്ട്. ആരും എതിര്പ്പുകള് പറഞ്ഞിട്ടില്ലെന്നും ചില മാറ്റങ്ങള് നിര്ദ്ദേശിച്ചതായും മോഹന് ലാല് അറിയിച്ചു.
പാര്വതിയും രേവതിയും ഷമ്മി തിലകനും അഭിപ്രായം പറഞ്ഞിട്ടുണ്ട്. ഇവ പരിഗണിക്കും. രാജിവച്ചവര് തിരിച്ചുവരുന്നതിനായി അപേക്ഷ നല്കിയിട്ടില്ല. അപേക്ഷ നല്കിയാല് അവര്ക്കും തിരിച്ചുവരാമെന്ന് മോഹന്ലാല് വ്യക്തമാക്കി.
താരസംഘടനയായ 'അമ്മ' യുടെ ഭരണഘടനാ ഭേദഗതിയില് അടക്കം ഡബ്ല്യു.സി.സി നിര്ദ്ദേശങ്ങള് ജനറല് ബോഡിയില് അറിയിച്ചിരുന്നു. ഭേദഗതിയുമായി ബന്ധപ്പെട്ട കരടിന്മേല് ഇനിയും ചര്ച്ച ആവശ്യമാണെന്നും, എതിര്പ്പ് രേഖാമൂലം അറിയിക്കുമെന്നും ഡബ്ല്യു.സി.സി അറിയിച്ചു.എതിര്പ്പുള്ള വിഷയങ്ങളില് ഡബ്ല്യുസിസിയുടെ നിര്ദ്ദേശങ്ങള് രേഖാമൂലം നല്കി. ഉപസമിതികളില് ഒന്നില് പോലും വനിതാ പ്രാതിനിധ്യം ഉറപ്പാക്കുന്നില്ല. അമ്മയില് നിന്ന് രാജിവച്ച നടിമാരുടെ തിരിച്ചുവരവിനെ കുറിച്ചും നിലപാട് വ്യക്തമാക്കുന്നില്ലെന്ന് ഡബ്ല്യു.സി.സി അംഗങ്ങള് യോഗത്തില് ചൂണ്ടിക്കാട്ടി.
https://www.facebook.com/Malayalivartha
