വയനാട്ടിൽ കാണാതായ പെൺകുട്ടിയുടെ ജഡം ജല സംഭരണിയിൽ നിന്നും കണ്ടെത്തി. സുല്‍ത്താന്‍ ബത്തേരി സ്വദേശിയായ പ്രജീഷയാണ് കൊല്ലപ്പെട്ടിരിക്കുന്നത്.പള്ളിവയല്‍ പുത്തൂര്‍ വീട് പത്മനാഭൻറെയും ശ്രീജയുടെയും മകളാണ് പതിനാലുകാരിയായ പ്രജീഷ. പുലര്‍ച്ചെ​ അഞ്ച് മണി മുതല്‍ കാണാതായ കുട്ടിയെ തിരഞ്ഞപ്പോഴാണ് പരിസരത്തെ ജല സംഭരണിയിൽ ജഡം കണ്ടെത്തിയത്. വീടിന്‍റെ പരിസരത്തെ കുടിവെള്ള പദ്ധതിക്കായി നിര്‍മ്മിച്ച ജലസംഭരണിയാണിത്.മരണ കാരണം വ്യക്തമല്ല. കുപ്പാടി ഗവ.ഹൈസ്‌കൂള്‍ പത്താംതരം വിദ്യാര്‍ത്ഥിനിയായിരുന്നു പ്രജീഷ. സഹോദരങ്ങള്‍:രഞ്ചിത്ത്, സജിത്ത്,വിജിഷ.